رواية انقذتني الفصل الثاني 2 - بقلم يارا احمد

لا أكيد البنت دي مجنونة وبتقولها بكل حب كمان. ببدأ أضحك، هو أنا مش هكدب، شكلي هتعلق فيها أوي. آه منك يانغم، شكلك هتقلبي حياتي. نغم: على فكرة انتي دمك تقيل أوي. عشق: نعم!! نغم: قولي آه يانغم، هفضل معاكي حاجة زي دي؟ انتي لازمك كورس في فنون الرد. عشق: نغم، أنا هصبر عليكي وآخدك على قد عقلك. يلا بتساعدها تقوم وتحاول بقدر الإمكان متخليهاش تضغط على رجلها. بتقعدها على السرير، بتمسك الأكل وتبدأ تاكل.

نغم: براحة يستي، مش باكله الواحد كدا. عشق: أومال إزاي يافلسفة؟ نغم: لما تبلعي اللي في بوقك الأول، مش تاكلي الواحد بالإجبار كدا. عشق: انتي أكلي بسرعة وابلعي اللي في بقك وخلصي. نغم بضيق: بس أنا كدا هخنق وأموت! ولا عايزاني أموت؟ عشق بضيق: بعيد الشر عنك ياهبلة، إيه الكلام اللي بتقوليه دا؟ نغم بابتسامة نصر: شفتي، بتهتمي فيا. عشق: نغم، أنا يوم هرتكب جريمة قتل بسببك. كلي وأنتي ساكتة.

نغم: أكيد هترتكبي جريمة في اللي بيزعجني. الله، انتي طلعتي بتموتي فيا. عشق بتضحك وتقرب راسها وتلصقها براس نغم وهي فطسانة من الضحك. عشق بضحكة حلوة وهي بتبص على عيون نغم: ما هي مش معقولة يعني الثقة دي كلها. شكله علشان جمال عيونك دي. نغم لسه مصدومة من جمال عشق لما تضحك. قال جمال عيونك قال، دول مش بربع جمالك وانتي بتضحكي. عشق فكرت نغم زعلت بسبب موضوع عيونها، بتزعل من نفسها.

عشق بزعل: نغم، أنا آسفة. مش قصدي أتريق عليكي. وطبعاً مش ذنبك إنك مش بتشوفي. نغم بسرعة: لا لا، مش فكرة كدا خالص. وعلى فكرة انتي أختي حبيبتي. ممكن تقولي أي حاجة في أي وقت. بس أنا انصدمت من إنك قربتي فجأة وكدا. أصل يعني غريبة لما سندريلا تقرب منك فجأة. عشق: انتي إيه حكايتك مع موضوع أختي وسندريلا دا؟ نغم: هو أنا مش بحب أكدب، علشان كدا هقولك. لما يبقى عمري 18 سنة. هو صح، انتي عندك كام؟ عشق: اشمعنى 18 يعني؟

أنا عندي 8 سنين، وانتي؟ نغم: ده سر. لما أوصل 18 هقولك كل حاجة. وعلى فكرة عمري 7 سنين. بتبتسم. نغم: الله، انتي أكبر مني. عشق: ما هو واضح إني أكبر منك يانونو. نغم: هنبدأ تنمر! عشق: تنمر إيه دا، أنا بدلعك بس يانغوم. نغم بتضحك: انتي شبه عدي أوي. عشق: مين ده إن شاء الله؟ نغم: أخويا الكبير. كان بيقولي نغومة كمان. عشق: هو فين حالياً؟ نغم: ه.. هو أخدوه أهل بابي لما ماتوا مامي وبابي في الحادثة.

عشق: متخافيش، هترجعوا لبعض. اسمه حلو على فكرة. نغم: آآآ، هنبدأ. وتبقي زوجة أخويا بدل أختي؟ لا أنا عايزك أختي أنا وبس. عشق: زوجة مين!!! نغم بجد: أنا يوم هرتكب جريمة. وبعدين يستي، اشبعي فيا. أصلاً محدش بطيقني غيرك. نغم بضيق: ليه يعني؟ دول هما معندهمش ذوق. وهو في حد مش بطيق أختي العسل دي. بس سيبهم كدا أحسن. كدا هدلع براحتي. عشق بتضحك: آه منك أنا. بتاكل. نغم: عشق، قربي الصحن. عشق: ليه؟ عايزة تاكلي لوحدك؟ ماشي.

بتمسك إيد نغم وتحطها على الصحن. نغم بتمد لعشق: افتحي بقك زي الشطار. عشق بتفاجأ. عشق: هتفضلي كدا لحد امتى يعني؟ ممكن ترحمي إيدي لو سمحت. عشق بتقرب من نغم وبتاكل: أعمل إيه؟ انتي فاجئتيني. أنا مش متعودة الاهتمام ده من حد. نغم: إزاي يعني؟ هي مامتك مش بت.. عشق: أنا هربت منهم. محدش عارف إني عايشة يانغم. ويا ريتني مت. نغم بدموع: متقوليش كدا، أنا هزعل منك وأبطل كلام معاك. انتي عيلتي.

عشق بحب: الله، دا أنا شكلي هتعب جامد معاك ياعيوطة. بتقرب من نغم وبتمسح دموعها وتحط راسها على راس نغم. عشق: خلاص مش هقول كدا تاني، وعد. نغم بمرح: أصلاً ساعتها بكون موت. عشق بتضحك: أخ منك أنا. نغم بتاكلها، وعشق بتاكلها. وبعد 11 سنة. عشق ونغم عاشوا مع بعض كعيلة واتعودوا على وجود بعض أوي. عشق كانت بتشتغل علشان تسيب نغم تدرس وتكمل تعليم، وهي لسه مفكرة إن نغم عمياء.

ونغم كانت زعلانة أوي أوي إنها بتكدب على عشق، بس لما اتذكرت كلام جاسر قالت إنها هتعرفها كل حاجة عيد ميلادها الـ 18. بعدها عشق هتختار تبقا معاه أو لا. كانوا بيعيشوا حياة قمة البساطة بس مبسوطين أوي. نغم وهي بتحضن عشق: أنا مش عايزة تبعدي عني. أنا مش عايزة عيد ميلادي يجي وتعرفي كل حاجة عني. ياعشق، أنا خايفة تسيبني. ساعتها هنتحر. مش بقدر أعيش من غيرك.

عشق بتصحى على حركة نغم: أوفف منك يانغم، إمتى هتسيبي حركات العيال دي بقى. أنا لسه نايمة تلت ساعات بس، ممكن أنام بقى. نغم: والله سريري وأنا حرة. ما هو سريرك جنب سريري. بس انتي بتحبي تنامي على سريري. عشق: يعني أفهم إيه إنك عايزة تطرديني من السرير يعني! نغم: والله ياقلبي، افهمي على راحتك. عشق: أنا عاجبني السرير ده عندك مانع؟ نغم: طبعاً لا. نتبادل والحكاية تنتهي. عشق: وهلحقك تاني وتالت ورابع. عندك مانع؟

نغم بابتسامة: والهو ده يبقى إيه؟ عشق بتضحك على تصرفاتها: قرصنة يختي. نغم بتقلب وشها: الله، نغمومتي حبيبتي زعلت. نغم بضيق: ما انتي دمك تقيل. يعني مستكتره عليا كلمة نغم؟ أنا بحبك. عشق: كل يوم لازم أقولها يعني! نغم بحزن: آه، علشان لو سيبتيني تبقى ذكرى أقدر أتنفس بيها. عشق بتقرب راسها من راس نغم: يبقى في أحلامك ده. لأنك مش هتخلصي مني يانغمي. وعلى فكرة أنا بعشقك، مش بحبك بس.

نغم بحب: آهـو آهـو. انتي عارفة ده بيقلب يومي كل سمن على عسل. عشق بتضحك: هتفضلي مجنونة كدا؟ نغم: أكيد طبعاً، أومال عايزاني أسيب جناني. عشق بتفكير: هممم، إزاي هيكون شكلك وانتي عاقلة. بتضحك. نغم وعقلها شغال: هتكون إزاي يا ترى؟ نغم: آآآ، هنبدأ غلط. أنا أصلاً هروح من هنا. عشق: نغم، الليلة الجمعة. سيبني أتهنى بالنوم قدر ما أقدر. وانخمدي. بتحضن نغم وتغمض عيونها. نغم: عشقة. عشق وهي لسه مغمضة عيونها: اممم، قلبه.

نغم بطفولية: أنا جعانة أوي أوي. عشق بتنهد بيأس: يارب، إيه البنت المصيبة دي. بتفتح عيونها. هو صراحة حتى لو مش جعانة يعني، بس أنا بحب عيون عشق أوي. أتخيله لونها. لا، متروحيش لبعيد. هما لا زرقا ولا حاجة. دول عيون عسلية زي قلبها العسل السكر دا. ياااه من جمالهم. منظرهم أحلى حاجة في يومي. عشق: نغممم، نغممم! انتي إيه حكايتك يابنتي؟ مرات بحسك في عالم تاني. نغم: آآآ، معلش. كنتي بتقولي إيه؟

عشق: كنت بقول اختاري الفطار. عايزة تاكلي إيه؟ نغم: أي حاجة مش فارقة يعني. عشق: أنا معايا فلوس اختاري. نغم: لا بجد، أي حاجة. المهم إني هاكل من إيدك. هكون أسوأ من كلاب الشوارع لو ضغطت عليها من الناحية دي كمان. هي مش كفاية بتدفع تكاليف دراستي وبتشتغل ليل نهار علشان تأمن كل حاجة لازمني. عشق: متكونش بدأت تحسي بموضوع إنك عالة عليا تاني. ساعتها بجد هكسر حاجة من جسمك. نغم بحزن: انتي بتتعبى أوي علشاني. عشق: وماله يعني؟

هو أنا عندي مين غيرك؟ ومين أهم من نغومة حبيبتي الغالية. نغم بتحضن عشق وبتقول بحب: هعوضك عن كل ده وعد. سيب عيد ميلادي الـ 18 يجي بس وهعوضك ساعتها ياعشق. عشق: وهو ليه 18 يعني؟ هيحصل إيه؟ انتي متعلقة في 18 من 11 سنة يانغم. بس افرحي، ده باقي عليه أسبوع. نغم: بجد؟ طب سيب الأكل وخلينا ننام. هي البنت دي أكيد مجنونة؟ ولا حاصل لدماغها حاجة؟ آآآ، أنا إيه اللي وقعني فيكِ يامصيبتي يانغم! عشق: لا، يلا أنا هنزل أشتري الحاجات.

نغم: أنا جايه معاك. عشق: لا، هو انتي مش بتوبي؟ كل مرة ضاربة واحد بسببك. أنا بقيت بلطجية بنظر العالم بسببك. هو أنا صح كنت بلطجية بس مش أوي كدا يعني! نغم: وأنا عملت إيه؟ ما انتي بتضربيهم من غير سبب. عشق: انتي عايزاني أسكت وأنا شايفاهم بيعاكسوكي يآست نغم؟ نغم: لا، بس يعني هو مش لدرجة الضرب. نتجاهلهم وخلاص.

عشق: لا، أقتلهم وخلاص. مش متذكرة الواحد مد إيده علشان يلمسك كنت قطعت إيده لو مش حضرتك قولتي عشق أنا عايزة شوكولاتة. أوفففف، انتي مش شفتي إيده وهو بيمدها؟ كنت هكسرهاله بجد لو مش سحبتيني ساعتها. نغم: ما أنا كنت قاصدة وشايفة الحاجة دي. وده كان هيعملنا مصايب يروحي. والله مرات بحس إني أنا الكبيرة. استغفر الله. أنا هبدأ أكدب. نغم: بالمختصر، هتسبيني هنا لوحدي؟ اوكي، طب مش عايزة فطار.

عشق بضيق: طب يلا، هدخل أتحمم بعدها أجي أحميكي. نغم بحرج: عشق، بموضوع الحمام أنا ممكن أتحمم لوحدي على فكرة. أنا هدخل 18، أنا كبيرة كفاية صدقيني! عشق بضيق: ولو وقعتي يـ كبيرة، هيحصل إيه ساعتها؟ أنا أجن وأنتِ هينا. بجد يانغم، بطلي تتحرجي مني. ربنا يسامحك ياعمو جاسر، مش لقيت غير عمية دي!!! عشق: نغم، سيبِ عالمك التاني وركزي معايا ممكن؟ عايزة أحميكي ولا أخرج لوحدي؟

أوففف، أكيد هقبل. لأني بخاف عليكي. وغير ده، ممكن عمو جاسر يظهر في أي وقت. نغم: ماشي. عشق بتمسك نغم من قفاها: ابتسمي شوية، انتي مش مجبورة. نغم: لا والله، مجبورة صدقيني!!! نغم بابتسامة وألم: على فكرة الحركة دي بتوجع أوي. عشق: ياريت تأدبك. بتبعد إيدها. عشق: هدخل وأرجعلك. بتروح تحمم. نغم بتغرق في أفكارها. عشق، ياترى هتكرهيني ساعتها؟

أنا خايفة تعرفي بكل ده وتكرهيني أوي. مش هقدر أتحمل ساعتها. أنا مش عايزة أرجع الفيلا، ومش عايزة أرجع لمامي وبابي وعدي. عايزة أبقى معاكِ وبس. بتنفخ بحزن. عشق بتطلع: إيه، قالبة وشك ليه؟ هو في عفريت عايش معانا هنا زعلك ولا إيه؟ قولعلي اسمه وأنا بتصرف. نغم بتضحك: لا مفيش. يلا. عشق: ماشي يستي، طالما ضحكتي ياقمر هنعفو عنه. بتساعد نغم وتدخلها الحمام وتحممها وتغيرلها. بطلعوا من الحمام وتسرح لها شعرها. عشق: اهو جهزنا، يلا.

نغم بتمسك إيد عشق وبيروحوا يشتروا الخضروات وشيكولاتة لنغم. بدخلوا دكان. الراجل بضحك: قمرات الحي منورات. تعال يافهد يابني وشوف طلباتهم. عشق بضيق: إيه ياعم محمد، هنبدأ؟ وبعدين ياسيّدي لا عايزين فهد ولا غيره. نحن بنأخذ لوحدنا ونحاسبك أنت. فهد بيبص على نغم: ازيك يانغم؟ عاملة إيه في المدرسة؟ نغم: الحمد لله كويسة. بتكمل بمرح: كله تمام التمام. انت دخلت أي كلية؟

معلش، أصلي اجتماعية وأوي كمان. ما يعني عشق هي العاقلة والمتحفظة، أما أنا الطفلة المشاغبة. وده مش جديد عليكوا طبعاً. فهد بفخر: طب.. عقبا.. آآآ، ما أنا من كلامي العسل السكر وجمال عيوني ده بتنسي إني عمياء، قصدي أمثل إني عمياء. ياااه ياعمو جاسر، ده انت بتحطني في مواقف مفيش زيها. طبعاً مفيش أعمى هيبقى دكتور. وأنا أصلاً مش عايزة أبقى دكتورة. نغم: أنقذتني. عشق أعصابها باظت منك يانغم يابنتي!! شويه وهتقتلك انتي وفهد.