رواية انت ملكي فقط الفصل العاشر 10 - بقلم غنوة حبيب

صحى صهيب وما لقاش عشق جنبه. حاول يقوم لكن ما قدرش من الوجع، قعد على السرير لحد ما فتحت عشق الباب. عشق: صحيت امتى؟ صباح الخير. صهيب: صباح العشق يا عشقي. عشق بكسوف: أساعدك؟ صهيب: آه والله يا ريت. قربت عشق ومسكت إيده وسندته لحد الحمام. صهيب: وقفتي ليه؟ عشق باستغراب: عشان تفوت. صهيب بخبث: آه بس عايز حد يساعدني. شهقت عشق بكسوف: انت واحد سافل. صهيب: آه سافل. أثبت لك يا روحي؟ عشق: أنا هنادي رعد يساعدك.

صهيب: استغفر الله، عايزني أتصبح بخلقته دلوقتي؟ ييجي ويعملي محاضرة من محاضرات علم النفس بتاعه. ضحك صهيب بصوت عالي. فرح إنه قدر يضحكها. صهيب بخبث: تعالي ساعديني بالشاور. ما تخافيش، مش هقلع البنطلون. دخلت عشق بكسوف وساعدته، وخلصوا ونزلوا تحت. صهيب وعشق: صباح الخير. ندى: صباح الورد يا قلبي. عامل إيه دلوقتي؟ صهيب والابتسامة شاقة وجهه: الحمد لله كويس أوي. نور بخبث: أهاا، إيه الابتسامة دي؟ أنا زمان ما شفتها.

صهيب: فرحان أوي. حازم: يا رب تفضل كده على طول. زين بغباء: هو في حد يفرح عشان مضروب برصاصة؟ رعد قرب وهمس له: اسكت يا حمار، هو فرحان عشان عشق معاه. انت إزاي اتجوزت أختي بالغباء ده مش عارف بصراحة. زين بمسخرة: مش عشان هي أغبى مني مثلا؟ رعد: آه عندك حق، أقنعتني الصراحة. ضحكوا وقعدوا على السفرة. قاسم: يا واطي، بقالك شهرين بتتنرفز علينا. ما شوفناش الفرحة إلا اليوم. صهيب بجرأة ووقاحة: حد يكون معاه الملاك ده وما بيكونش فرحان.

(وبص لعشق) عشق بكسوف: أنا رايحة أعمل شاي. عملت عشق الشاي وقعدوا كلهم، وقطع هدوئهم صوت خبط الباب. قام رعد عشان يفتح. رعد بصدمة: أهاا، وحشتني يا كلب. أيهم: وأنا كمان. إزيك عامل إيه؟ رعد: الحمد لله. ادخل، الكل هيفرح لما يشوفك. دخل أيهم وسلم على الكل وقرب من عشق وحضنها. صهيب بغيرة: مالك ياض؟ احترم إني جوزها واقف شايفني بقرون ولا إيه؟ أيهم بضحك: ما خصكش، عشق أختي صح يا عشق؟ عشق باستفزاز: طبعًا أخويا وغالي على قلبي أوي.

صهيب بغيرة: طب اقعد عقبال ما يجيبولك الأكل عشان تطفح. أيهم بضحك: ربنا يسامحك. يعني فوق ما جيت بأول طيارة لما عرفت إنك اتصبت، عايز تبهدلني وتهزقني؟ إيه قلة الأدب دي يا أخي؟ ضحكوا وقعدوا يهزروا لحد ما جا المسا. أيهم الجارحي ابن عم عشق وصهيب، عمره 25 سنة ووسيم. عايش مع أهله بأمريكا، بس هم ما يقدرش ينزلوا عشان ظروف الشغل وكده. وهو اللي ربى عشق عشان لما مات أهلها كان قريب عليهم، واخدها تعيش معاه. فضلت معاه سنتين.

في المساء. أوضة عشق وصهيب. صهيب بحزن: عشق. عشق: إيه؟ صهيب: انتي لو عطيتك فرصة إنك تطلقي، هتطلبي الطلاق؟ عشق بتوتر واستغراب: ليه السؤال ده؟ صهيب: عشان أنا جوايا بركان وهموت من القهر. أيهم واضح بيحبك، والمفروض لما أخدت بالي من الموضوع أروح أضربه وأموته بين إيديا، بس ما عملتش كده عشان خايف. عشق: خايف من إيه؟ صهيب: إنك في يوم تحبيه. شهقت عشق بصدمة وقامت من عالسرير وقالت بصراخ: انت إزاي تقول كده؟

ليه شايفني مش محترمة عشان أحب راجل غير جوزي؟ صهيب: يعني بتحبيني؟ عشق: ........ صهيب: تعالي اقعدي جنبي لو سمحتي. قربت عشق وقعدت جنبه. صهيب مد إيده ورجع شعرها لورا. صهيب بصوت مكسور: أنا عمري 33 وإنتي 20. أنا أكبر منك بـ 13 سنة، أما أيهم 25 يعني من عمرك ومناسب ليكي. أنا بجد مقهور من فرق العمر اللي بينا وخايف تحبيه عشان الخب مش بإيدينا. عشق بحنية مسكت وجهه بين إيديها: .... صهيب: مالك ساكتة؟ عايزة تقولي حاجة؟ عشق: .......

صهيب: عشقي مالك؟ عشق بهمس: بحبك. صهيب انتفض من عالسرير بصدمة: إيه؟ قولتي إيه؟ عشق بكسوف: ما قولتش حاجة. صهيب مسكها من إيدها: أرجوكي عيديها. قولتي إيه؟ عشق: رغم اللي حصل وإني مقهورة، بس مش قادرة أكرهك. باسها صهيب بلهفة وشوق، وبعد سند جبينه على جبينها. صهيب وهو يلهث: أنا قطعت مرحلة الحب، أنا بعشقك يا عشقي. عشق ابتسمت بكسوف. صهيب: مستعدة تديني فرصة تانية؟ عشق: آه، بس بشرط إنك ما تقربش من... قاطعها صهيب.

صهيب: وربنا مش هقرب لك إلا لما تكوني راضيانة. أنا عارف إن اللي عملته خلاكي تبقي خايفة أكتر، بس أوعدك إني هكون سندك وأي حاجة بتقوليها هنفذها. عشق بدموع حضنته وناموا في حضن بعض. أوضة زين وغرام. زين بغضب: انتي إزاي تحضني الحيوان أيهم؟ ها؟ غرام باستفزاز: عادي، أخي بالرضاعة وعايزة أحضنه، في حاجة غلط؟ زين بنرفزة: لا ما فيش يا آنسة غرام.

ودخل الحمام وخبط الباب وراه تحت ضحك غرام على غيرته. طلع زين وما ادالهاش أي اهتمام وقعد على الكنبة وشغل التلفزيون. غرام: حبيبي زين. غرام: يا قلبي زين. غرام: مش هترد؟ زين. غرام بتمثيل الحزن: ربنا يسامحك، كنت عايزة حضن صغنون قدددددد كده. زين بسرعة وكأنه كان محضر لها الجواب: روحي قولي لأخوكي بالرضاعة الأستاذ أيهم يحضنك. أطلقت غرام ضحكة سمعتها الفيلا. زين بنرفزة: إيه؟ قولت حاجة تضحك؟ غرام قربت وقعدت بحضنه ولفت

إيديها حول رقبته بدلع: بيبي، أنا بحب حضنك انت وبس. زين بنفسه: يا لهويييييي، إزاي هعمل نفسي تقيل وهي قاعدة في حضني؟ يارب صبرني. زين ببرود: بقيتي مش بتتكسفي وتقعدي في حضني من غير ما تتكسفي؟ إيه اللي اتغير؟ غرام قربت وباسته على دقنه برقة. زين حملها وحطها على السرير. غرام بهمس: ابعد، مش كنت زعلان؟ وأنا دلوقتي زعلانة. زين ما دراش عليها وباسها و... تاني يوم في الصباح. صحى صهيب وعشق.

صهيب بفرحة: أنا مبسوط أوي على اللي قولتي امبارح. عشق بكسوف: احم، يلا بينا ننزل نفطر. صهيب بضحكة: ماشي يا آنسة مكسوفة. نزلوا كلهم وقعدوا يفطروا. وقامت غرام عشان تشرب ميه بس ما لحقتش تتحرك واختل توازنها ووقعت. أغمى عليها. زين بفزع: غراااااام.