رواية انت ملكي فقط الفصل التاسع 9 - بقلم غنوة حبيب

صهيب بلهفة كان عايز يقوم بس ما قدرش من الجرح. عشق قربت، مالك واقفة بعيد؟ عشق بهدوء قربت ووقفت جمب السرير. صهيب: شاورلها تقعد جمبه. قعدت على السرير بهدوء، شدها لحضنه ودموعه بدأت تنزل زي الأطفال. بعدت عنه وبصت لعيونه. من بعد شهرين وهو واحشها. قربت ومسحت دموعه بإيديها الرقيقين. عشق بهدوء وايدها على وجهه: بتعيط ليه؟ صهيب بدموع: وحشتيني. عشق ودموعها زي الشلال: انت كويس؟ صهيب بدموع: كويس عشان شوفتك.

عشق: طب خلاص عشان خاطري ما تعيطش. صهيب: أنا بحبك أوي، إزاي هان عليك تتركيني شهرين ها؟ عشق بهدوء: زي ما هان عليك تعمل فيا كده. صهيب بندم: أنا آسف، سامحيني. عشق: اترك الموضوع ده دلوقتي، نتكلم بيه بعدين. حاسس بإيه؟ موجوع؟ صهيب: آه موجوع. لو بتبوسيني هتعافى إن شاء الله. مسك إيدها وحطها على صدره العاري. عشق بكسوف: أنت قليل الأدب، أنا جاية أطمن عليك. صهيب بأمل: ليه أنا مهم بالنسبالك؟ عشق: ... احم... مش عايز تاكل؟

صهيب بابتسامة: آه لو بتأكليني عايز. عشق: طيب ماشي، بس امسح دموعك وما تعيطش تاني. صهيب: حاضر يا قلبي. بعد فترة خلصت عشق أكل صهيب ووقفت عشان تروح أوضتها. صهيب بلهفة: فين؟ عشق: هروح أنام. صهيب: لا ارجوك، عايزك تفضلي معايا النهاردة. عشق بتوتر: بس هنام فين؟ صهيب: هنا جمبي، وارجوكي ما تعترضيش. عشق قربت ونامت على طرف السرير واتجمدت لما صهيب شدها لحضنه من الجهة اللي مش مجروحة بصدره. عشق بتحاول تزقه: ابعد لو سمحت.

صهيب: هشششش، ما تتكلميش عشان عايزك تنامي في حضني، وحشتيني أوي. عشق: بقولك لو سمحت. صهيب بخبث وتمثيل: آآه يا صدري، الجرح بيوجعني أوي. عشق بلهفة قامت: مالك؟ مالك في إيه؟ أعملك إيه؟ صهيب: ما تعمليش حاجة، بس نامي في حضني من غير حركة عشان لو تحركتي ممكن الجرح ينزف. عشق بخوف عليه: حاضر، حاضر. قربت ودفنت نفسها على صدره العاري بكل رقة عشان ما تتعبوش، وبقت تشم ريحته اللي وحشتها من غير ما ياخد باله. صهيب بخبث

وابتسامة أخد باله منها: إيه وحشتك ريحتي يعني؟ عشق سكتت من الكسوف. صهيب مسك إيدها وحطها على شعره. صهيب بصوت أطفال: العبيلي بشعراتي، عايز أنام. عشق لعبتله بشعراته وثواني وكان نايم، وهي بعدها بفترة نامت. *** غرفة غرام وزين. غرام كانت بتعيط على أخوها بالحمام. زين: غرام افتحي، عارف إنك بتعيطي، افتحي. زين: هعد للتلاتة لو ما فتحتيش هكسر الباب. زين: واحد... اتنين... تلاتة. فتحت الباب بسرعة قبل ما يكسره.

زين قرب منها بحنية: ما تخافيش، هو كويس. غرام رمت نفسها في حضنه وابتدت تعيط. زين مسد على شعرها بحنية: بس بس، اهدي يا حبيبتي. وأخدها في حضنه وناموا. *** تاني يوم. الكل قاعد مستني صهيب وعشق، بس اتأخروا أوي. ندى: أنا طالعة أشوف اتأخروا ليه. طلعت ندى وخبطت على الباب بس ما فيش رد. خبطت تاني وبرضو ما فيش رد. فتحت الباب ودخلت وشافتهم حاضنين بعض ومنظرهم جميل جدا. ندى بقلبها: يارب تفضلوا مع بعض على طول وربنا يهدي بالكم.

تركتهم يرتاحوا ونزلت. أحمد: إيه مش نازلين؟ ندى: لا نايمين وما حبيتش أصحيهم، بس أنا مبسوطة أوي إن عشق مع صهيب عشان هو هيكون فرحان. نور: ربنا يهدي بالهم ويخليهم جنب بعض. الجميع: آمين. عدى وقت وصحيت عشق وشافت نفسها في حضن صهيب. قامت بكسوف وأخدت شاور وتركت صهيب نايم ونزلت تحت. عشق بابتسامة: صباح الخير. الجميع: صباح النور. نور بخبث: إيه شايفة رجعتلك الابتسامة تاني، يا ترى مين السبب؟ عشق بكسوف وتهرب: احم...

هو صهيب نايم وتركته نايم عشان يرتاح. ندى قربت وحضنت عشق: شكراً إنك فضلتِ معاه. عشق ابتسمتلها وراحت قعدت. رعد: عشق تعالي للحديقة عايز أتكلم معاكي شوية. طلعوا سوا للحديقة وقعدوا. رعد: كده يا كلبة شهرين ومش بنشوفك، وإنتي حابسة نفسك في الأوضة. عشق بعياط: يا بيّه كان قلبي موجوع أوي. رعد شدها لحضنه: بلاش دموع، وحقك تزعلي، اللي حصل صعب، بس تقدري تنسيه عشان حاجة واحدة. عشق: إيه؟ رعد: عشان بتحبيه. عشق بتوتر: أنا؟

رعد: آه، عيونك بتقول كده. عشق بدموع: آه بحبه، بس مش قادرة أنسى. رعد طلعها من حضنه وعدلها الطرحة. رعد: محتاجة شوية وقت مش أكتر. عشق بابتسامة: إن شاء الله. رعد: عايزك تفضلي جنبه وما تذكريه بالموضوع عشان هو تعبان. مبارح قالي زين إن طول الوقت في المستشفى وهو يقول اسمك ويطلبك، عشان خاطري ما تزعليهوش. عشق: حاضر يا بيّه.