رواية انت ملكي فقط الفصل السابع عشر 17 - بقلم غنوة حبيب

صهيب بفزع: إيه ده؟ عشق: زي ما سمعت. لو عاوزني أسامحك، طلقني. صهيب: لو سمحتم، سيبونا لوحدنا. خرج الكل وفضل صهيب وعشق لوحدهم. صهيب قرب بدموع ومسك إيدها: عارف إن اللي حصل مش سهل عليكي، وأنا إنسان همجي وحيوان وعنيف وما بفهمش. بس ارجوكي ما تعاقبينيش بالطريقة دي. عشق ضربته: الألم، الصدمة، وبلشت تزق فيه وتضربه على صدره.

عشق بعياط: إنت واحد أناني، أنا بكرهك أوي. كنت فاكرة نفسي هكون مع الإنسان اللي بحبه وبيحبني، مبسوطين، بس إنت خذلتني بجد. صهيب تركها تضربه وتفش غلها. صهيب مسك إيديها: طيب، اهدّي. عشق مسكت السكين اللي على الطاولة وحطتها على إيدها: طلقني، وإلا بنتحر، وحياة ربنا. صهيب بفزع: اهدّي، وسيب السكينة من إيدك. عشق: بقواك، طلقني. يلا، انطقها. صهيب بحزن: طب لو طلقتك، هتفضلي معانا بالفيلا، فاهمة؟

عشق بدموع وسخرية: على أساس أنا ليا حد غيركم؟ ما أنا يتيمة، وإنت ما كنتش بتسمحلي أخرج لوحدي. هروح فين يعني؟ هفضل معاكم، بس المهم إني مش معاك. صهيب بندم: أنا آسف على كل حاجة عملتها. كنت فاكر إني بخبيكي من الكل. سامحيني. عشق: بسامحك لما تقولي "إنتِ طالق". يلا. صهيب بوجع: طب بلاش الطلاق، خليكي مراتي. وأوعدك مش هتدخل بيكي، وهتروحي لأوضتك تاني، بس تفضلي على ذمتي. ارجوكي. عشق: أنا مش عايزاااااك. لو راجل، انطقها دلوقتي. يلا.

صهيب بحزن: إنتِ طالق. وسابها وخرج. الكل دخل عند عشق. حازم: إيه اللي حصل يا بنتي؟ عشق: قلت له يطلقني، وطلقني. ندى شهقت: إيه؟ عشق: لو سمحتم، أنا اللي عايزة كده. أنا مش عايزة أفضل معاه. أحمد قرب وحضنها: بنتي، لو مرتاحة كده، أنا معاكي ومش هسمح له يأذيكي. *** في المساء، خرجت عشق من المستشفى ورجعت للفيلا لأوضتها القديمة. دخلت غرام. غرام: عاملة إيه دلوقتي يا حبيبتي؟ عشق: كويسة، بس عايزة تجيبيلي هدومي وحاجاتي من أوضة صهيب.

غرام: حاضر يا حبيبتي. طلعت غرام وخبطت على الباب، فتح لها صهيب. صهيب بوجه باهت: نعم؟ غرام بقلق على حالته: عايزة هدوم وحاجات عشق. صهيب بحزن: هي عايزة كده؟ غرام: آه، أكيد. ودخلت الأوضة ولمت هدومها، وكان في بيجامة لونها أحمر. كانت هتاخدها، بس صهيب مسك إيدها. صهيب: اتركي البيجامة دي. غرام باستغراب: ليه؟ صهيب: لو سمحتي، دي بحبها. اتركيها لي. غرام بحزن على حالة أخيها: حاضر.

أخدت غرام الهدوم، وصهيب قرب ومسك البيجامة وقعد يشم ريحتها زي الأطفال. ما كانش قادر يقعد في الأوضة من غيرها. خرج لأوضة التمرين وفضل يتدرب بغضب. *** ندى: أنا خايفة على الواد. مش سامع صوت خبط في أوضة التمرين. ارجوك اعمل حاجة. أحمد: سيبه فترة، وهتعدي. ولازم يتعود على كده. ندى: هو بيحبها أوي. إزاي هيعيش من غيرها؟ أحمد: والله مش عارف. ربنا يصبر قلبهم ويهدي بالهم. ندى: آمين. *** تاني يوم على الفطار. الكل قاعد ما عدا عشق.

نزلت عشق، والكل اتصدم منها. كانت لابسة دريس أسود وطرحة لون أسود، وروج أحمر، وشكلها في غاية الجمال. صهيب سارح فيها وبالروج اللي حاطته على شفايفها، وافتكر نفسه ولما ما كانش بيسمحلها تحطه عشان بيغير عليها. الكل بص لها بتوتر. عشق بابتسامة: صباح الخير. الكل ما عدا صهيب: صباح النور. حازم: تعالي جمبي يا بنتي. راحت عشق وقعدت جنبه وباسه من خده: صباح الخير لأحلى جدو في العالم. حازم: صباح الورد لأحلى وردة في حياتي.

صهيب ما كانش قادر ينزل عينه عنها، وكأنها ليها سنين ما شافهاش. غرام بهزار: عاااا، وأنا مش وردة؟ حازم بابتسامة: لا، إنتِ مش وردة، إنتِ قلبي. غرام باسّته من خده: ربنا يخلي لنا ياك. زين شدها بغيرة تقعد جنبه من غير ما حد ياخد باله، وقرب همس لها: حسابنا فوق على البوسة دي. غرام سكتت بكسوف. رعد: عاملة إيه يا عشق؟ عشق بابتسامة: الحمد لله. صهيب بوجع وصوت مكسور: إزيك يا عشق؟ عشق بابتسامة: كويسة يا "أبيه".

صهيب وجعه قلبه لما قالت "أبيه"، وحس نفسه كبير عليها، وهو مش فارق معاها ومش بتحبه. قعدوا يفطروا وخلصوا. عشق: رعد، تقدر توديني للجامعة؟ صهيب عصب، بس حاول ما يبينش: ما فيش خروج للجامعة. عشق تجاهلته، كأنّه مش موجود: قلت إيه يا رعد؟ رعد: ليه هترجعي تروحي؟ عشق: آه. رعد عشان يغيظ صهيب: آه طبعًا، كم عشق عندي أنا يا حبيبتي؟ عشق: ربنا يخليك. صهيب: سمعتوا أنا قلت إيه؟

رعد تجاهل صهيب وقرب مسك إيد عشق وخرج للعربية، وطلعوا للجامعة. حازم: من اليوم، مالكش دعوة بيها. إنت طليقها، مش جوزها، ومالكش الحق تتدخل فيها. عشق دلوقتي مسؤولة مني وبس. صهيب بغضب كسر الكوباية اللي في إيده وخرج للشغل. ندى: الوضع لو فضل كده، هتصير معارك عندنا في البيت. سمر: عندك حق، خصوصًا إن صهيب بيحبها ومش قادر ما يتدخلش بيها. ندى: يارب. *** في العربية. صهيب وهو يضرب المقود (مش عارفة بتقولوا له إيه)

بغضب: سابتني وراحت معاه. أنا بفرجيكي يا عشق. وأخد التليفون واتصل على رقم. صهيب: تفضل وراها وحميها، وما تسيبهاش ولا لحظة. ولو اتكلمت مع راجل، كلمني دغري، فاهم؟ أياد: حاضر يا بيه. *** في المساء، الكل قاعد. دخل صهيب للفيلا. صهيب بغضب حاول يكتمه لما شاف عشق جنب رعد: مساء الخير. الكل: مساء النور. صهيب: أنا جعان. ندى: حاضر يا حبيبي، لحظة وهيكون الأكل جاهز.

عدا شهرين على نفس الوضع. عشق تتجاهل صهيب، وهو يحاول ما يقربش منها. ورعد علاقته بعشق بقت كويسة، وقدر إنه يخرجها من الحزن اللي هي فيه بخبرته كطبيب نفسي. في المساء. رعد: إيه رأيك نخرج نتمشى شوية؟ عشق بفرحة: آه، أكيد. خرجوا يتمشوا واشتروا آيس كريم. رعد: عايز أسألك، وعايزك تجاوبيني بجد. عشق: آه، طبعًا. رعد: إنتِ بتحبيه لسه، ولا إيه؟ عشق: ما ينفعش الكلام ده. المهم إن أنا دلوقتي مرتاحة. *** رجع صهيب للفيلا.

صهيب: مساء الخير. الكل: مساء النور. صهيب بتوتر: احم، آه. أمال فين عش... أقصد، فين رعد؟ نور: خرج هو وعشق. صهيب بغضب: راحوا فين؟ حازم: ما خصكش. قعد صهيب في الحديقة بغضب وهو مستنيهم. وقام لما شافهم داخلين. صهيب: برافو، برافو. شايف بقيتوا تتأخروا برا البيت الساعة 10. رعد بغيظ: إيه؟ ومالك انت؟ بعدين أنا راجل، شايفني عيل ولا إيه؟ صهيب بص لعشق اللي مش بتبصله زي العادة. صهيب: غوري على أوضتك. طلعت عشق للأوضة. صهيب

قرب ومسك رعد من لياقته: ولا حمار، لو ما بعدتش عن عشق، وربنا لهموتك. رعد بخبث: طب مالك؟ أنا ما بعملش حاجة. هي اللي تحب تخرج معاي. صهيب بغيرة: اخرس. هي ما بتحبش تخرج مع راجل غيري، بس هي بتعتبرك أخوها عشان كده. وسابه ودخل. ولحقه رعد. صهيب موجه كلامه للكل: بصوا، أنا من اللحظة دي مش هتدخل بعشق. تغور في داهية هي ورعد. أوعدكم مش هتسبب ليكم إزعاج تاني. رعد وقد عرف إن صهيب هيموت من الغيرة وإنه ممكن يربيه ويخليه يندم:

ندى: يا لهوي. دلوقتي أنا مش مرتاحة. حاسة إنه هيكسر الدنيا. رعد بخبث بقلبه: طب استنى، لو مش هدوبك، مش هيكون اسمي رعد. يا صهيب، أنا بفرجيك. رعد موجه كلامه للكل: رعد بخبث: عايزكم في موضوع ضروري أوي. الكل: إيه؟ رعد: ............ أحمد: يا لهوي يا بني. والله ممكن يموتك. صهيب لما يتعصب مش بيشوف قدامه. زين بخبث: آه، أنا رأيي من رأي رعد. غرام: خلاص، دي الخطة الوحيدة عشان يرجعوا لبعض.

رعد: بس ما تخبروش عشق بالموضوع. عشان لو عرفت إننا بنحاول نرجعهم لبعض، هتزعل أوي. عشان هي مش عايزة. الكل بخبث: خلاص، أوك. *** تاني يوم على الفطار. رعد: جهزي نفسك النهاردة يا قلبي. هنخرج أجيبلك هدوم. عشق بفرحة: بجد؟ رعد: آه، بجد يا قلبي. ومدلها إيده بقطعة جبنة. كلي دي من إيدي. عشق بكسوف أكلتها: شكراً. صهيب كان هيتجنن من اللي حصل قدامه. وخبط الطاولة وقام من على السفرة. وما حدش كان قادر يتكلم كع رعد عشان عشق موجودة.

جا المسا والكل مجتمعين. ما عدا رعد وعشق. طلعوا يشتروا هدوم. وصهيب بيحاول يفرغ غضبه في أوضة التمرين. خرج صهيب وهو عرقان ومنظره متعب: رعد ما جاش لسه، ولا إيه؟ ما لحقش يكمل الكلمة وشافهم فايتين. عشق بفرحة تقدمت من جدها وجدتها. عشق بفرحة فتحت الكيس وطلعت منه فستان حلو أوي. عشق بفرحة: بصوا، رعد جاب لي إيه. حازم بابتسامة: مبروك يا حبيبتي. نور: مبروك يا قلبي.

عشق ببراءة: بصوا، جاب لي حاجات أوي وبتجنن. وجاب لي هدوم باربي وميكي ماوس. صهيب كان بيتقطع من فكرة إن حد يهتم بيها غيره. مشي من قدامهم عشان كان هيموت. صهيب: رعد، تعالي شوية. لحقه رعد. رعد: نعم؟ عايز إيه؟ صهيب قرب منه وضربة بخفة على كتفه: إنت عايز توصل لإيه؟ رعد بخبث: ممش فاهم قصدك. صهيب بغضب: لا، فاهم قصدي. بتتقرب من عشق ليه؟ وبتخرجها وبتفسحها وبتجبلها هدوم ليه؟ كل ده؟ رعد: مش ممكن بحبها.

صهيب بغضب ضربه بوكس: بتقول إيه يا حيوان؟ رعد بخبث: أنا هنزل تحت. في موضوع حابب أقوله لأهلك. لو عايز تسمع، الحقني. نزلوا مع بعض. رعد: بصوا يا جماعة، أنا عايز أقولكم موضوع مهم أوي. نور: قول يا حبيبي، فيه إيه؟ رعد: أنا عايز أتزوج. ندى بفرحة: واخيراً هفرح بيك. مين سعيدة الحظ؟ رعد: عشق. صهيب بصرااااخ: إيييييييييه؟؟؟؟؟؟