رواية انت ملكي فقط الفصل التاسع عشر 19 - بقلم غنوة حبيب

ندى: في الجامعة. صهيب: إيه ده، لوحدها؟ ندى: آه، وصلها زين ورجع. طلع صهيب للجامعة وقعد مستنيها على العربية لحد ما شافها خارجة وكأنها ملاك. كانت واحشاه جدًا. ملاك أول ما شافته، حزنت على إنه شهور مش شايفته وشكله تعبان وحزين ونحفان. قرب منها: ازيك؟ عشق بتوتر: الحمد لله. أمال فين زين؟ قالي هيجي ياخدني. صهيب بضحك: ما فيش حد هياخدك غيري، اطلعي. عشق بخوف طلعت بالعربية وهي بتبصله كل شوية. كان واحشها جدًا.

صهيب باستهزاء: أمال ليه ما روحتي مع رعد؟ عشق: رعد حبيبي ما قبلش. صهيب ضحك عليها عشان عارف إنها بتحاول تستفزه. عشق: عشان مش عايزة أدايقه وقولت برضه بيرتاح مني شوية عشان أحيانًا بدايقه بالأوضة وكده. صهيب ضحك: بس هو قالي إنكم ما كنتوش بتناموا في أوضة واحدة. عشق بتوتر: احم، مطولين حتى نوصل؟ صهيب ركن العربية. صهيب بجدية: المأذون هيجي بعد شوية، لو ما وافقتيش هتشوفي حاجة وحشة. عشق: بس أنا مش عايزة، فاهم؟

صهيب بهدوء: طب اتقي شري أحسن ليكي. عشق بخوف: حاضر. صهيب بضحك: شاطرة. وصل المأذون وكتب كتابهم. وشد صهيب عشق من إيدها وخدها للأوضة. وأول ما دخل حضنها بلهفة وقوة. عشق: بتوجعني، ابعد. صهيب بعد عنها وبص لعيونها: وحشتيني أوي. عشق ساكتة ومش بترد. صهيب: مالك؟ عشق: ما فيش. صهيب: إنتي مش فرحانة؟ عشق: أنا خايفة، مش عاوزة أكون معاك.

صهيب بحزن: أقسم بالله بتعالج. اسألي رعد، طول الفترة اللي فاتت وهو بيعملي جلسات عنده بالعيادة وبطلت أتعصب زي الأول. عشق: عارفة. صهيب: أمال خايفة ليه؟ عشق: خايفة لو حصل أي موقف ترجع صهيب القديم. صهيب: أوعدك والله مش هرجع. عارفة ليه؟ عشق: ليه؟

صهيب: أولًا عشان بحبك وتربيت من الفترة اللي بعدتيها عني. ثانيًا عشان مسحتوا بكرامتي الأرض الشهور اللي فاتت وهزقتوني وتوبت إني أعمل حاجة غلط معاكي. والله بقيت بخاف عشان ما يتكررش اللي حصل. عشق بابتسامة: خلاص ماشي يا ممسوح بكرامته الأرض. صهيب بنرفزة: قولتي إيه؟ عشق: ما قولتش حاجة. صهيب: ما تخافيش مني، بعد اليوم أنا وعدتك مش هكون حمار تاني. عشق ضحكت بصوت عالي. صهيب بفرحة: الضحكة دي عشان قولت إني حمار؟

خلاص يا ستي أنا حمار وغبي و ما بفهمش و... قاطعته وهي بتحط إيدها على شفايفه. عشق بضحك: خلاص ما تقولش كده. صهيب باس إيدها اللي على شفايفه. وعشق اتكسفت وشالتها. عشق: أنا هفوت أغير عشان ننزل ناكل، أنا جعانة أوي. صهيب ما ردش بس أخد شفايفها بقبلة كلها شوق ولهفة. وبعد عنها لما حس نفسها اتقطع. صهيب برغبة: اطلعي من الأوضة أحسن ليكي. عشق بعدت بكسوف. *** غرام: أنا مبسوطة أوي إن صهيب وعشق رجعوا لبعض بجد. زين: آه، ربنا يهنيهم.

غرام: قالي إنه هيعملها فرح بس من غير ما تعرف، مفاجأة. زين بغمزة: طب إيه رأيك نعيد فرحنا إحنا كمان؟ غرام ضحكت: خلاص يا عم، احترم أسد اللي نايم جوا. زين قرب وباسها: طب هاحترمه جدًا جدًا. وقلعها الروب و... *** بعد شهر، الكل كان مجتمع مع أيهم اللي فضل شهور يصالح عشق وصهيب وبالفعل سامحوه. وفرحانين عشان صهيب هيعمل فرح جميل أوي. كانت عشق بالأوضة: أنا مش عارفة ليه عايزيني ألبس الفستان ده.

غرام بملل: يا أختي البسيه، هتخسري إيه لو لبستيه يعني. عشق: طب خلاص، صهيب فين؟ غرام: الشباب كلهم في الشغل، ما فيش حد هنا غير أنا وإنتي وماما وطنط سمر. عشق بحزن: يعني صهيب مش فاكر عيد ميلادي النهاردة ولا إيه؟ غرام: معلش حبيبتي، ممكن نسي عشان مضغوط بالشغل وكده. بعدين يا غبية، إنتي بتنامي في أوضتك لحد دلوقتي ليه؟ مش على أساس إنتي وصهيب رجعتوا وما فيش حاجة؟ عشق: آه، صهيب عايز كده. غرام: طب البسي والحقيني بسرعة.

عدا وقت ونزلت عشق والأنوار كلها مطفية. عشق: غرام، شغلي النور وتعالي شوفي الفستان حلو أوي و... ما كملتش كلامها وكان النور فتح والكل موجود وبيغنيلها (happy birthday) وشافت صهيب بيتقدم ليها وقعد على ركبه وطلع خاتم من جيبه. صهيب بفرحة: بحبك يا أحلى حاجة في حياتي، تقبلي تتجوزيني مرة تانية ونعيش مع بعض لآخر العمر؟ دي مش بس حفلة عيد ميلادك، ده فرحنا كمان. عشق بدموع: آه طبعًا. الكل صفق لهم.

غرام بدموع: الله، صهيب رومانسي أوي، ما كنتش فاكرة أخي الغبي يطلع كده. رعد: بضحك: آه، الحب بيعمل كده. زين بنرفزة: إيه يعني أنا مش رومانسي؟ غرام ابتسمت: آه يا حبيبي وأنا بحبك جدًا. زين قرب وحضنها. وعدت الحفلة والكل كان فرحان. *** أوضة عشق وصهيب. دخلت عشق واتصدمت إن الغرفة متغير الديكور بتاعها والسرير وكل حاجة وكلها متزينة. عشق: إيه ده؟ صهيب: هنبتدي بداية جديدة، عشان كده عايز كل حاجة جديدة، حتى أوضتنا.

عشق ابتسمت: شكرًا. صهيب: بحبك وإنتي ملكي وأنا ملكك ومش هنكون إلا مع بعض. عشق قربت وحضنته: بحبك. صهيب قرب وباسها بلهفة و... *** أوضة غرام وزين. زين بتكشيرة: قولتيلي صهيب رومانسي، مش كده؟ غرام بضحك: آه، فين الغلط يعني إني قولت كده. زين راح للخزانة وطالع منها بوكس أحمر وطفى النور وشغل نور أحمر خفيف. زين: عشان أنا رومانسي كمان. غرام بدموع: شكرًا.

فتحت البوكس وكان موجود سلسلة على شكل قلب وموجود جواها حرف Z وحرف G وجمبها وردة شكلها حلو أوي. غرام حضنته: أنا بحبك. زين: أنا بعشقك. وشدها و... *** بعد مرور أشهر. عشق بغضب وصراخ: مين دي اللي كانت معاك هااااا؟ صهيب بضحك: والله دي أخت واحدة ممسوكة عندنا في القسم بقضية قتل وجاية عشان تسأل عن أختها. عشق بغضب: والله لو شوفتك واقف مع واحدة كمان هكسر الدنيا، فاااااهم؟ صهيب بضحك وغمزة: بتغيري يا بطة؟ عشق كسرت

الكوباية اللي في إيدها: قرب من واحدة وشوف هيحصل إيه. صهيب انصدم إن عشق كسرت الكوباية وبقت عصبية أوي: الله الله، لما أنا بقيت مش عصبي بقيتي إنتي عصبية؟ إيه التناقض ده؟ وقرب وحضنها: إنتي الأميرة اللي ساكنة جوا قلبي. عشق بابتسامة على الكلام اللي أرضى أنوثتها: بجد؟ صهيب: بجد يا قلب صهيب، بس ممكن أطلب طلب صغنننن؟ عشق: آه. صهيب: بوسيني. عشق بكسوف: خلااااص. صهيب بحزن: ربنا يسامحك.

عشق قربت تبوسه من خده بس هو سبقها وباسها من شفايفها وشدها على السرير و... بعد مرور ثلاث سنوات. قرب فهد وباس عشق من خدها. فهد: أنا بحبك أوي يا ماما، عايز أنام في حضنك اليوم. عشق: حاضر يا حبيبي وهحكيلك حدوتة تجنن. قرب صهيب ومسك فهد من قفاه: ولا بتبوس مراتي يا سافل. فهد: اااااه، نزلني، بعدين دي مامتي الجميلة، ما خصكش إنت. صهيب بصدمة: يا قليل الأدب.

ندى بضحك: اترك الولد يا صهيب، كل يوم بتعمل نفس القصة، ده إنت عقلك أصغر من عقله. الكل ضحك. رعد: تعالوا، عايز نتصور مع بعض ونعمل الصورة كبيرة أوي ونحطها في نص الصالة. الكل قرب وأخدوا أحلى صورة بتجمعهم. في المساء. في أوضة زين وغرام. غرام: الله، الصورة حلوة أوي. بص رعد عملها بطريقة تجنن. زين: مش أحلى منك يا فراولاية. غرام بكسوف: خلاااص. زين شدها و... عشق طلعت الأوضة عشان تاخد شاور. صهيب: وحشتيني.

عشق: خلااص يا عم، عايزة آخد شاور، تعبانة. صهيب بغيرة: بلاش تبوسي فهد قدامي. عشق بضحك: ده ابنك. صهيب: آه، بس إنتي ملكي وبس. عشق: الكلمة دي بتخوفني، ما تقولهاش عشان بتفكرني بيك زمان. صهيب: آه، بس ده ما يمنعش إن إنتِ ملكي فقط. وشدها و...