رواية انت ملكي فقط الفصل الثالث عشر 13 - بقلم غنوة حبيب

بعد كام يوم على صهيب وعشق في شهر العسل بتاعهم، وفي يوم كان صهيب بيشرب سيجارة وعشق بتاخد شاور. عشق: يا لهوييي نسيت المنشفة. عشق فتحت الباب وقالت بصوت ضعيف: صهيب. صهيب: قلب وعيون صهيب. عشق من ورا الباب: لو سمحت أنا نسيت المنشفة. صهيب بخبث: آه يا روحي هجيبها. أخد صهيب المنشفة واداها لعشق، بس قبل ما تقفل زق الباب ودخل. عشق بصراخ: اااااااااع يا سافل. وحاولت تداري جسدها بإيديها. صهيب بخبث: إيه مالك؟

عاوز أخُد شاور مع مراتي ممنوع يعني ولا إيه؟ عشق سحبت المنشفة وحاوطت نفسها بيها: آه ممنوع يا قليل الأدب ابعد كده. صهيب بغمزة: طب مانا شُفت كل حاجة، مكسوفة من إيه؟ عشق شهقت بكسوف: يا ساف... قطع كلامها بقبلة وزقها لبرا على السرير. صهيب وهو تايه بيها وهو بيقلع هدومه: هفرجيكي السافل ده هيعمل إيه. ... غرام و زين. غرام كانت قاعدة زهقانة من الحمل. زين: الجميل سرحان بايه؟ غرام بابتسامة مزيفة: مفيش يا حبيبي.

زين: حابة نخرج مكان؟ غرام: لا يا حبيبي شكرًا، عايزة أقعد لوحدي شوية. زين: طب مالك؟ بقالي فترة بحاول أتقرب منك وإنتي زهقانة، إنتي مزعوجة مني من حاجة؟ غرام بنرفزة وصوت عالي شوية: مااا فيش بقولك مفيش، حابة أقعد لوحدي، مالك؟ عايزني أكون دايما بأحسن صورة. زين بص لها بعتاب وخرج من الأوضة، وغرام قعدت تعيط. زين نزل لتحت مزعوج أوي. أيهم: مالك في إيه؟ زين: مفيش، إيه رأيك نخرج نتمشى شوية؟ مخنوق. أيهم وزين خرجوا.

أيهم: مالك في إيه؟ زين: غرام بقالها فترة مش طبيعية وأنا مش حابب أزعلها عشان تعبانة من الحمل. أيهم: طول بالك عليها يا أخي، هي مرهقة من الحمل وبس. زين: خير. رجع أيهم. زين طلع الأوضة، دخل وشاف غرام بتعيط. زين حاول يكتم مشاعره ودخل ياخد شاور من غير ما يعبرها، وخرج. أول ما خرج ارتمت غرام في حضنه وعيطت. غرام بدموع: ارجوك أنا آسفة، دي هرمونات الحمل وأنا مش قادرة أتحمل نفسي عشان كده اتعصبت أوي الفترة الأخيرة.

زين حضنها بحنية: خلاص يا حبيبتي مش زعلان. غرام: أكيد مش زعلان؟ زين: آه يا روح زين. غرام قربت وباسته وحضنته. زين حملها: يلا بينا، استعنا على الشقى بالله. غرام بهمس: بالراحة أرجوك، تعبانة. زين بهمس مماثل: ما تخافيش. وقرب باسها. ... عشق كانت نايمة على صدر صهيب العاري والهدوء مخيم على الجو. صهيب وهو بيلعب بشعراتها: بحبك. عشق: وأنا كمان. صهيب: عايز أجيب منك دستة عيال ونملي البيت بيهم.

عشق بفرحة: وأنا كمان عايزة نجيب عيال أوي ونعيش مع بعضنا لآخر العمر. صهيب ضمها لحضنه. عدى شهور وأيام وكل حد رجع لحياته الطبيعية لحد ما اجى موعد ولادة غرام وزين. غرام بتعب: زين أنا بحبك، لو ما خرجتش ترجوك قول لابننا إني بحبه وقوله إنه إحنا كنا بنحب بعض أوي. زين بدموع: هشششش ما تقوليش كده، هيكبر معانا ونعيش سوا لآخر نفس بينا إحنا الاتنين. دخلت غرام العملية والكل قاعد يعيط عليها وخايفين، وزين ما هديش من العياط والخوف.

بعد ٣ ساعات خرجت الدكتورة وهي حاملة طفل يجنن. الدكتورة بحزن: الحمد لله الطفل صحته كويسة، بس المدام البقاء لله. الجميع: إيييه. زين بعياط: إنتي بتقولي إيه؟ أكيد مراتي كويسة، ارجوكي ارجوكي ندى أبوس إيدك أبوس رجلك ما تخليهاش تموت. الدكتورة: أنا بعتذر، بس القلب وقف وما قدرناش نعمل حاجة. زين ما تحملش ووقع أغمى عليه من الصدمة. صهيب: زيييين.