رواية انت منزلي الفصل الثاني 2 - بقلم بسملة محمد

ملك بصدمة: أنا كدة ضمنت إني مرفودة. يوسف: حصل خير. مريم بصت ليوسف بحب وهي بتقول: وحشتني أوي يا يوسف. البيت وحش من غيرك أوي. يوسف: وانتوا كمان وحشتوني أوي يا مريم. ومال فين طنط منال وجدو؟ مريم: ماما سافرت مع أصحابها الساحل تغير جو. وجدو هيخلص شغله وهيرجع بكرة من لندن. مقولتش ليه إنك جاي بدري، كنا جينا. يوسف: كنت حابب أخليها مفاجأة. ملك: حمدلله على السلامة يا يوسف بيه.

مريم بصت لملك بقرف وقالت: إنتي لسة واقفة هنا بتعملي إيه... اتفضلي روحي نامي. خرجت ملك وفضلت تشتم نفسها على غبائها. يوسف بزهق: أحرجتيها ليه؟ هي معملتش حاجة غلط. مريم بقرف: متقلقش، أنا عارفة أنا بعمل إيه وعارفة أتعامل مع الناس دي إزاي. يوسف: أنا هطلع أوضتي أرتاح شوية عشان جاي من السفر تعبان. مستناش ردها وطلع أوضته عشان ينام. تاني يوم صحي بدري ونزل يتمشى شوية في الشوارع.

رجع البيت وسمع صوت حد بيغني جاي من المطبخ. والصوت كان جميل لدرجة إنه مشي ورا الصوت ودخل المطبخ. لقى ملك اللي بتغني وهي مندمجة في الطبخ. وقف يسمعها وهي بتغني لحد ما لفت فجأة وشافته. اتخضت والطبق وقع من إيدها اتكسر. يوسف: إيه يا بنتي؟ شوفتي عفريت؟ ملك بتوتر: لا بس حضرتك خضتني. يوسف: أنا أسف... صوتك حلو أوي على فكرة. ملك: شكراً. يوسف: العفو... ممكن تعمليلي قهوة مظبوطة؟ ملك: بس حضرتك لسة مأكلتش حاجة وكدة غلط. يوسف وهو

مركز على عينيها الزرقاء: خلاص خليها بعد الفطار. ملك بابتسامة: تمام. قطع كلامهم صوت حد بيزعق برا. خرج يوسف بسرعة يشوف فيه إيه. كانت واحدة واقفة بتزعق لمريم. وأول ما شافت يوسف هديت شوية. مريم: دي ماما يا يوسف. رجعت لما عرفت إنك هتنزل. منال بتكبر: إزيك يا يوسف؟ مقولتش ليه إنك جاي؟ كنا استقبلناك بطريقتنا. يوسف بزهق: كنت عايز أخليها مفاجأة.

خرجت ملك من المطبخ وهي بتحاول تفهم إيه اللي بيحصل. لكن أول ما شافتها منال اتصدمت وقالت بصوت واطي وهي مصدومة: ليلي!!