رواية انت منزلي الفصل الثالث 3 - بقلم بسملة محمد

خرجت ملك من المطبخ وهي تحاول تفهم ما يحدث. أول ما رأتها منال، اتصدمت وقالت بصوت واطئ وهي مصدومة: ليلي! نظرت مريم إلى ملك وقالت: انتي واقفة كدة ليه؟ روحي جهزي السفرة. ملك: حاضر يا هانم. يوسف: هطلع آخد شاور لحد ما الفطار يجهز. مريم: تمام. قالت منال بتوتر: مين البنت دي يا مريم؟ مريم: دي ملك، بتشتغل هنا بقالها يومين. منال: طب أهلها مين ولا جاية منين؟ مريم بزهق: هو تحقيق يا مامي؟ معرفهاش، زيها زي أي حد بيشتغل هنا.

منال بغضب: خلاص، امشي من قدامي دلوقتي. مريم: استني يا مامي، عايزة اتكلم معاكي شوية. منال: عايزة فلوس؟ مريم: لا، أنا عايزة اتكلم معاكي في موضوع يوسف. منال: طب تعالي معايا نتكلم في أوضتي أحسن. صعدتا إلى غرفة منال وأغلقتا الباب. جلست مريم وهي تقول: أنا عايزة أتزوج يوسف. منال: هو فتح معاكي موضوع الجواز؟ مريم: لا. منال: طب لمحلك إنه عايز يتجوزك؟ مريم: لا. منال: لما هو لا، هتتجوزيه إزاي يا هبلة؟

مريم: معرفش يا مامي، معرفش... أنا خايفة يكون مبقاش يحبني زي الأول. منال: طب أنا هعملك إيه يعني؟ مريم بخبث: يا مامي، ده انتي أكتر واحدة نفسك أتزوج يوسف النهارده قبل بكرة كمان، عشان الفلوس والورث اللي جدو هيكتبه ليه كله... يعني مصلحتنا واحدة، انتي هتستفادي وأنا كمان. منال: قصدك إيه يا بت؟ مريم: قصدي إنك تفكري كدة وتشوفي حل للموضوع ده، وجدو كدة كدة راجع بكرة بالكتير أوي.

منال: طب خلاص، اطلعي برا وأنا هتصرف في الموضوع ده. خرجت مريم وأغلقت الباب وراءها. فور خروجها، أمسكت منال هاتفها واتصلت برقم. منال: الو يا حسن... اسمعني كويس، أنا عايزاك في خدمة... عايزاك تروح تسأل في ملجأ *** عن بنت اسمها ملك، كانت موجودة هناك من 20 سنة، عايزاك تعرف حصلها إيه وتجبلي كل المعلومات عنها في أقرب وقت من غير ما حد يعرف... سلام. *** عند ملك في المطبخ. كانت في المطبخ تعمل كيكة وتضعها في الفرن.

جلست على الطاولة وفتحت الكتاب وبدأت تذاكر حتى تستوي الكيكة. دخل يوسف المطبخ فوجدها جالسة، وذهب وجلس بجانبها. يوسف: إيه الريحة الحلوة دي؟ ملك: بعمل كيكة. يوسف: ريحتها حلوة جدا، شكلك شاطرة في الطبخ. ملك: ماما الله يرحمها هي اللي علمتني أعملها إزاي. يوسف: الله يرحمها... آه، بتعملي إيه؟ ملك: بذاكر. يوسف باندهاش: إيه ده، انتي بتدرسي؟ في كلية إيه بقى؟ ملك: أنا في كلية علوم. يوسف: بجد... ممكن أسألك سؤال؟ ملك: اتفضل يا بيه.

يوسف: لا بلاش بيه دي، مبحبهاش، قوليلي يوسف بس لو سمحتي... هو انتي إيه اللي خلاكِ تشتغلي يعني؟ كانت ملك على وشك الإجابة، لكن مريم دخلت فجأة وهي متعصبة وقالت: إيه ده، انتوا بتعملوا إيه؟ وانتي سايبة شغلك وقاعدة ترغي؟ قومي يلا شوفي شغلك. يوسف بغضب: أنا كنت بتكلم معاها بس، ومالكيش حق إنك تزعقيلها بالشكل ده، ويا ريت متتكررش تاني. مريم بصدمة: انت بتزعقلي أنا عشان دي يا يوسف؟ للدرجة دي؟

يوسف: أنا بفهمك بس إن اللي عملتيه ده غلط، مش أكتر. مريم وهي تخرج بعصبية: ماشي يا يوسف، براحتك. يوسف بإحراج: أنا آسف على اللي حصل يا ملك، هي مريم بس عصبية شوية. ملك بحزن: ولا يهمك. خرج يوسف من المطبخ، وجلست ملك تكمل مذاكرة. *** عند منال. منال: ها يا حسن، عملت إيه؟ حسن: