رواية انت صوتي الفصل الثالث 3 - بقلم منار همام

البنت جريت على زين وحضنته. زين حاول يبعدها عنه بالراحة وقال: نرمين خلاص. *واقفه مصدومة (مراته 💔) واتحرجت. أنا إزاي كنت متعلقة بحبال دايبة كده؟ إزاي كنت مفكراه أمل جديد؟ بس الحمد لله أنا لسه على البر. قدمت من المكتب مسكت العلبة اللي فيها البسبوسة وخلاص. بأي طريقة حابة أمشي من هنا. مش عاوزة دموعي تنزل. قصدت خلصت وقدمت خطوة من قدامه.* *مسك إيدي مرة واحدة وقال:* "آنسة سما استني."

*وبعدين بص لنرمين وفجأة وبصوت عالي أنا شخصياً اتخضيت وقال:* "نرمين اطلعي برا ومشوفش وشك هنا تاني." *نرمين بكسرة:* "زين أنا... *زين بضيق:* "نرررررمين." *نرمين قبل ما تطلع بصتلي بقرف ومشيت. قعد يهدي نفسه شوية وهو بيتنفس بصوت عالي ولسه ماسك إيدي.* *وقف قصادي وقال بحنية:* "آسف على اللي حصل! **هزيت كتفي بمعنى "عادي محصلش حاجة".** *زين:* "طيب ممكن بس العلبة؟

*بصتله باستغراب. ابتسم وبانت غمزاته. لا كدا كتير وحرام والله. هضعف وانت راجل متجوز يا جدع.* *وبنفس نبرته الهادية قال:* "هتحسي الموضوع غريب شوية بس أمي كانت دايماً معوداني إن الطبق ميرجعش فاضي." ❤️ ابتسمت وحطيت العلبة في إيده ومشيت. *قاعدة لوحدي ودماغي بتودي وتجيب:* "تمام مش مشكلة. مش أول مرة أتخزوق يعني." حسيت بحد قعد جنبي. أه، أكيد مصطفى. *مصطفى:* "إيه مالك؟

المرادي واحدة جديدة مصاحباكي علشان الامتحانات ولا حد قالك حاجة ضايقتك؟ اتنهدت وبدأت أشرح لمصطفى اللي حصل. *مصطفى بنبرة مفهمتهاش:* "وإنتِ بتحبيه؟ هزيت راسي: "أنا مش عارفة. يمكن مجرد إعجاب." *مصطفى بضيق مني:* "قومي يا بت قرفتيني." "طيب تمام." 🤌🏻 *مصطفى اتنهد:* "سوشي ولا بيتزا يا آخرة صبري؟ وطبعاً مفيش أبداً مراعاة إن الواد في آخر الشهر ومفلس. فشورتله بـ: "الاتنين يا باشا." *مصطفى بجدية بس نبرة هزار:*

"كل جنيه صرفته عليكي هاخده منك الضعف أول ما تشتغلي." ف سري: "عادي يا باشا. هخلي جوزي قرة عيني يدفعهم لك." *بما إن مفيش كلية النهاردة، فأنا طالعة أنشر غسيل الزفت. مصطفى فوق السطح.* *احييه! تخيلوا كده شفت الدكتور بتاعكم المفضل واقف وساند بظهره على صور الحيطة بيشرب شاي ولابس شبشب!!! *المهم، إحنا ملناش دعوة. أنا هنشر الغسيل ومش هعبره. بنفض الغسيل فعمل صوت عالي.* *الحبل اترفع بالهدوم وهو طلع من تحته بابتسامة أمه دي.*

*زين:* "صباح الخير." 🤍 *ولا كأني سامعة حاجة. وبعدين معرفتش أققاوم. مقدرش الصراحة. ابتسمت ليه وهزيت راسي بمعنى "صباح النور".* 🤍 شرب شوية من الشاي وكمل وهو لسه مركز معايا. وبعدين قال: "مش بتنشري ليه في البلكونة عندك؟ *اتكلمت بالإشارة وبشاورله:* "بعيد عنك أم سامية غاسلة ولو نشرت هينزل عليه وهنمسك في شعر بعض." شاورتله على الغسيل اللي تحت.

ضحك وغمزاته بانت: "مفهمتش غير مش عارفة أم مين غاسلة وهتتخانقوا علشان المية هتنزل عليه!! قولته: "بوس إيدك وش وضهر على كدا." قعدنا نضحك شوية وبعدين... *حركت إيدي بتوتر وفضلت بصاله وعاوزة أعرف حكاية مراته دي وإيه اللي حصل في المكتب. ف فضلت مركزة معاه كتير. الصراحة لقيته ابتسم وقال... *زين:* "عايز تقولي حاجة؟ هزيت راسي بسرعة وجامد بـ "آه". *زين بص في المج. وبعدين قال بتوتر وبيبصلي يشوف رد فعلي:*

"لأ عادي. موضوع بسيط. انفصلت عن بنت عمي وهو اتخانق معايا إني طلقتها. فا أنا سبتله البيت ومشيت. بس عادي شوية وهيهدى." بصيت ليه بصدمة وابتسامة مقدرتش أخبيها: "يعني البنت دي مش مراتك؟؟ ضحك وقال: "لأ يا ستي مش مراتي. بس هي عايشة الدور أوي." وبعدين بصلي وقال... *زين:* "احم ممكن أسألك سؤال؟ *هزيت راسي وقال بسرعة وهو باصص في عيني:* 😘 "هو إزاي مصطفى أخوكي وسايبك تقعدي في الشقة لوحدك؟ "أخويا!!!

*قعدت أشرح إنه مش أخويا وهو ابن عمي بس.* **زين بسرعة وقرب مني:** "نعم يا روح أمك. إزاي ابن عمك بس وتسيبه يتعامل معاكي كده؟؟ بصتله باستغراب. *زين:* "مش قصدي بس إ... "بتعملي إيه؟؟؟ *دا مصطفى صح؟ صوت مصطفى. مش عارفة بس لقيتني بستخبى ورا زين منه. بعد أما لف يشوف مين بيتكلم.* *مصطفى:* "وربنا لألقطك يا سما علشان أنا زهقت منك." مصطفى لسه رايح يجيبني من وراء زين. *زين مسك إيده.* *زين بضيق:*

"خلاص يا مصطفى. مش حوار يعني علشان طلعت فوق السطح. وبلاش كل شوية تزعق فيها كدا." *مصطفى:* "وإنت مالك إنت؟ *الموضوع كبر صح. طلعت من وراء زين ومسكت إيده وفضلت أشد فيه علشان ننزل. وهو بص لزين بغيظ وعصبية.* واحنا نازلين على السلم... *مصطفى بجمود وباصص قدامه:* "بيحبك بس تايه في مشاعره." *بصوت جهورى:* "معاندني وبتزعق في بنت عمك علشان واحدة خرسا يا زين؟؟ *زين:* "بابا متقولش كدا على واحدة من طلابي." *عزالدين:*

"دي خرسا يا زين. فوق لنفسك. وبنت عمك أولى منها. فوق. أنا فاهمك... *زين بعصبية:* "اللي بتقول عليه خرسا دي أحسن من بنت عمي ألف مرة. ممكن تكون مش بتتكلم بس ربنا عطاها رقة وحنية مش في حد. ولقيت فيها اللي ملقتوش في اللي بتقول عليها مراتي دي شخصياً. عارف يا والدي أنا كنت معجب بسما بس دلوقتي اتأكدت من حبي ليها." *عزالدين بكسرة:* "لو اتجوزتها ماشي. هتبقى ابني ولا أعرفك." زين مشي وساب والده ومشي بسرعة.

*زين راجع وهو متعصب ولقى سما كانت واقفة بره الشقة ببجامة وشعرها مفرود على كتفها.* *زين بعصبية:* "بتزفتي إيه برا الشقة في وقت زي ده؟ سما بصتله باستغراب وحزن من نبرته. فالدموع اتجمعت في عنيها وبصاله. *زين كمل وقال:* "واتفضلي على جوه يلاا." *زين كان بيكمل طريقه ولسه طالع على السلم سمع شهقاتها. زين لف ليه بسرعة. زين جري عليها وحاوط وشها بإيديه الاتنين وبيمسح دموعها وبيمسح على خدها. وبعدين قال:* *زين:*

"سما اهدي. مش قصدي والله اتعصبت عليكي." سما زقته بخوف وزعل طفولي وهي بتعيط: "اوعاااا." *زين ضحك وبيحاول يهدى:* "يا بنتي اهدي خلاص. مش قصدي أتعصب عليكي." سما بصت ليه بصدمة: "بتضحك؟؟؟!!! *زين:* "شكلك وإنتِ بتعيطي كدا يضحك. كل دا علشان زعقت فيكي. وبعدين تعالي هنا هو...