رواية انتقام العشاق الفصل الثالث 3 - بقلم هاجر العفيفي

البواب: انت متعرفش ولا إيه يابيه؟ ده الست ملك كانت نازلة ومعاها الست الصغيرة، وعربية خبطتها بالقرب من العمارة، والناس أخدوها المستشفى. زين بصدمة: ملك!!! بنتي!!! مستشفى إيه؟ انطق!!!!! عبدو: سمعتهم بيقولوا مستشفى... زين ركب عربيته في سرعة البرق وطلع على عنوان المستشفى. وبعد وقت وصل ودخل. سأل على الأوضة، قالوا إنها في العمليات. طلع يجري عليها وشاف واحدة واقفة وحاضنة بنته اللي منها. زين بخوف: رقيه. رقية سمعت

صوته وجريت عليه بدموع: بابي، شفت مامي حصل لها إيه؟ كانت بتتكلم بشحتفة ودموع. زين ضمها لحضنه بحزن وقال: أهدي يا حبيبتي، هتكون كويسة، متخافيش. وبعدين وقف ووجه كلامه للواقفة: حضرتك مين؟ البنت: أنا ريم، شوفت الحادثة ولما لقيت البنت دي معاها، مهانش عليا أسيبها لوحدها. زين: طب هو إيه اللي حصل؟ ريم بحزن: عربية جت بسرعة كبيرة وكأنها كانت قصدها وخبطتها. زين ضم إيده بقوة من فكرة إن أخته تكون هي اللي عملت كده.

زين: طب أنا متشكر ليكي جدا، تقدري تتفضلي. ريم: آسفة، هو حضرتك مين؟ زين بتوتر: أنا جوز... ريم: أها، طب تمام، أنا مش هقدر أمشي غير لما أطمن على المدام اللي جوه وأسلمها بنتها بنفسي. زين سكت وسابها لأنه مكانش عنده وقت للجدال معاها، وكل اللي بيفكر فيه هي ملك وبس. وبعد وقت الدكتور خرج وهما جريوا عليه.

الدكتور: الخبطة كانت صعبة عليها جدا، حصلها كسر في الضلع اليمين، وإيدها ورجليها اتكسروا. كنا شاكين إن حصل نزيف داخلي، بس بفضل ربنا مطلعش فيه. زين بحزن ووجع: طب نقدر نشوفها إمتى؟ الدكتور: نص ساعة وهتفوق، بس حضرتك لازم نعمل محضر لأن الحادثة بفعل فاعل. زين بتوتر: إز... إزاي؟ الدكتور: لما نعمل محضر، البوليس هيروح مكان الحادثة وهيعرف التفاصيل وهيبحث ويحقق. زين: تمام. الدكتور مشي وزين بص على بنته، لاقاها نامت على إيده.

ريم بشك: هو حضرتك كنت فين وقت الحادثة؟ زين: في الشغل، بتسألي ليه؟ ريم: اممم، لاء، مفيش زيادة تأكيد. قمر بخبث: كويس أوي أنها ماتتتش، لأن لو ماتت كانت هترتاح، وأنا مش عايزالها الراحة أبداً. الشخص: بس سمعت إنهم هيعملوا محضر عشان يعرفوا مين اللي عمل كده. قمر: معتقدش إنهم هيعرفوا، لأن أكيد ملحقوش ياخدوا رقم العربية. ولو على اللي عمل كده، أنا هسفره بره عشان محدش يوصله ويعترف. الشخص: اممم، تمام. قمر قفلت الفون

معاه وابتسمت بخبث وقالت: هه، كنت فاكر يا سليم إن هنسى اللي عملته فيا؟ أهو أختك بتدفع تمن كل غلطة ليك. زين دخل لملك بهدوء وكان مش عايز يواجهها، بس اضطر. زين بتوتر: احم، أخبارك إيه دلوقتي؟ ملك بصت ناحية الصوت واتصدمت وقالت بتعب: أنت إيه اللي جابك هنا؟ اطلع بره. زين ساب بنته اللي نايمة على دراعه على الكرسي وقال بلهفة وقرب منها: ملك، ممكن تفهميني اللي حصل ده غصب... قاطعته ملك بغضب: أنا مش قولت اطلع بره؟ أنت إيه يا أخويا؟

مكفاكش اللي عملته فيا وجاي تكمل عليا؟ وكمان بعت أختك ترميني في الشارع أنا وبنتك؟ عمري ماسامحك أبداً يا زين، أنا بكره... بكرهك. زين بصدمة: قمر عملت كده!!! ملك بوجع: اطلع بره. زين: والله يا ملك أنا معرفش حاجة عن الموضوع ده. قاطعه دخول ريم اللي اتحمحمت بحرج: سلام عليكم. ملك مسحت دموعها وقالت: وعليكم السلام، اتفضلي يا حبيبتي. ريم: هو حضرتك تعرفي الأستاذ ده؟ ملك ببرود: لاء. زين بصدمة: ملك!!!

ريم بهدوء: اتفضل اطلع بره، بدل ما أطلب الأمن بقا، كفاية كده. زين بص ليهم بغيظ وقال: ماشي يا ملك، والله مهما عملتي مش هبعد عنك، وهتشوفي. ملك بتحدي: مش لما تبقى تعرف. زين بعدم فهم: قصدك إيه؟ ملك بتحدي: أنا هخرج من هنا على بيت خالتي، هعيش معاها أنا وبنتي، وكمان ابن خالتي ظابط وهيخلصني منك في أقرب وقت. زين بصدمة: ن... نعم ياختي!!! ابن خالتك اللي كان عايز يتجوزك زمان؟

ملك ببرود: أيوه، ولما العدة تخلص هوافق عليه، على الأقل أحسن منك مليون مرة. زين بغضب: ...