رواية انتقام العشاق الفصل الثاني 2 - بقلم هاجر العفيفي

قمر بتحدي: يبقى تطرديها هي وبنتها وتترمي في الشارع. زين بصدمة: نننننعم!!!؟ قمر ببرود: اللي سمعته. زين بغضب: أنا خربت بيتي بسببك يا قمر واتخليت عن أكتر إنسانة حبيتها هي وبنتي عشانك، بس مش هسمح لك ترميهم في الشارع. قمر: انت بتزعقلي عشانهم؟ زين بغضب: أيوه بزعقلك وأقولك كمان أنا ندمان إني سمعت كلامك فعلاً، وأياكي تقربي منهم يا قمر مش هرحمك. قال آخر كلامه ومشي وساب المكان بأكمله. قمر بوعيد: ماشي يا زين هتشوف أنا هعمل إيه.

ملك: أيوه جايه أهو. فتحت الباب وكانت قمر. ملك: أهلاً اتفضلي يا قمر. قمر دخلت بغرور وقعدت على الكرسي وقالت: قمر هانم يا بت انتي. ملك اتصدمت من كلامها وقالت: انتي بتقولي إيه!!؟؟ قمر بغرور: بقول الحقيقة، انتي المفروض مجرد خدامة يعني مهمتك خلصت، يلا بقى بالسلامة انتي وبنتك. ملك بصدمة: انتي مجنونة، إيه اللي بتقوليه ده، بيتي وبيت بنتي.

قمر: والشقة باسم زين وهو طلقك، والعقد معايا يعني لما أطردك محدش ليه حاجة عندي، يلا بقى من غير كلام كتير اطلعي بهدوء. ملك بحزن: طب هدخل ألم الهدوم بتاعتي وبتاعت رقيه. قمر ببرود: زي ما انتي كده، يلا بره. ملك فعلاً اتأكدت إن زين ده كان أكتر اختيار غلط اختارته عشان سمح لأخته تعمل كده. دخلت أخدت رقيه وخدت الخمار لبسته على جلابية بيتي ونزلت. قمر ضحكت بشر: أخوكي كان أكبر غلطة في حياتي، واديكي بتدفعي التمن.

طلعت تلفونها وطلبت رقم. قمر بشر: نفذ. ملك كانت شايلة رقيه وماشية بيها ومش عارفة تروح فين. رقيه بطفولة: إحنا رايحين فين يا ماما وفين بابي؟ ملك بدموع: ربنا معانا يا حبيبتي. نزلتها من على دراعها عشان تعدل لفة الخمار، بس فجأة جت عربية بأقصى سرعة وخبطتها بالقصد. وقعت على الأرض والناس اتلمت عليها. وبنتها عيطت بشدة وصرخت باسمها: ماااااامي. زين وصل عند البيت عشان يراضيهم وفضل يدور عليهم ملاقاش أثر. نزل بسرعة يسأل البواب.

زين بقلق: هي فين ملك يا عم عبده؟ عبدو: انت متعرفش ولا إيه يا بيه، ده الست ملك كانت نازلة ومعاها الست الصغيرة وفي عربية خبطتها بالقرب من العمارة والناس خدوه المستشفى. زين بصدمة: ملك!!! بنتي!! مستشفى إيييه انطق!!!؟؟