رواية انتقام الفهد الفصل الثاني عشر 12 - بقلم بشري شريف

فهد بفرحة: وجد انتي كويسة؟ وجد بتساؤل: مين وجد؟ وانتوا مين؟ وأنا فين؟ مي: إيه دا؟ سليم: أنا هروح أنادي الدكتور. سليم رجع هو والدكتور، والدكتور كشف عليها. الدكتور: ده كان متوقع، لأنها وقعت من دور عالي ودخلت في غيبوبة لمدة سنتين. مي: طب هي هتفضل كده لأمتى؟ الدكتور: مش عارف، بس أهم حاجة محدش يحاول يفكرها بحاجة. سليم: تمام يا دكتور. الدكتور: حمد الله على سلامتك يا آنسة. فهد بغيظ: مدام. وجد: أنا مش فاهمة حاجة.

مي: اتفضل أنت يا دكتور. خرج الدكتور. مي: بصي يا قلبي، أنتِ اسمك وجد وأنا مي أختك، وده فهد جوزك. وجد بصدمة: أنا متجوزة؟ مي: آه. وجد بصت له ومسكت دماغه وقالت بصويت: ابعد عني، ابعد! مي بقلق: مالك يا وجد؟ وجد: مش عارفة، كل ما أبص له خيالات بتيجي ليا وبحس إني مش عايزة أشوفه. مي: طب أنتِ عايزة إيه؟ وجد: عايزاه الشخص ده يبعد عني. مي بصت لسليم. فهد: انسوا إني هبعد عنها. وجد: أنا عايزة أخرج، هو فين أهلي؟

سليم: وجد، أنتِ يتيمة. وجد بحزن: طب هو أنا هخرج من هنا؟ هروح فين؟ فهد: معايا طبعاً. وجد: لأ لأ لأ لأ، أنا مش عايزة أكون معاك أصلاً. سليم: اهدى يا وجد، أنتِ هتيجي معانا. وجد الصغيرة: أنت جيت! وجد بصت على الطفلة دي وقالت: مين القمر دي؟ مي شالت بنتها وجد وقالت: دي وجد بنتي. وجد: الله، اسمها على اسمي. أما فهد فكان بيبص عليها بحزن. مي: آه، أنا معنديش أغلى منك، سميت بنتي على اسمها. وجد: ممكن تحكوا لي عني شوية؟

سليم: ارتاحي دلوقتي يا وجد، وبكرة هنحكي كل حاجة. وجد: تمام. الكل خرج وسابوا وجد نايمة. فهد: أنا عايز أخدها معايا. مي: هي مش متقبلاك يا أخي، ومش كفاية اللي حصل لها بسببك، سيبها بقى، سيبها في حالها. فهد: عندك حق، أنا همشي وأسيبها، بس هرجع تاني. ومشى، ومي وسليم باتوا مع وجد. فهد كان بيبص على وجد من بعيد. وبعد أيام، وجد خرجت وراحت مع سليم ومي، وفضلت فترة عندهم، بس كان فهد بيحاول يشوفها وهي بترفض. في يوم. سليم: وجد.

وجد: نعم يا سليم. سليم: إيه اللي بتحسيه ناحية فهد؟ وجد: كل اللي بحسه كره، مش عايزة أشوف وشه، مش بحبه، حاسة إنه عمل فيا حاجة، مش حابة، وعايزة أطلق. سليم بصدمة: إيه؟ وجد: مش أنتوا بتقولوا إنه جوزي؟ مي: آه. وجد: وأنا عايزة أطلق، وأسافر برا مصر، مش عايزة أقعد هنا، حاسة إني هنا اتعذبت كتير، عايزة أبعد. سليم: حاضر يا وجد، هطلقك من فهد. ياترى إيه اللي هيحصل؟ ووجد هتطلق من فهد حقيقي ولا فهد هيرفض؟