رواية انتقام الصعيدي الفصل الأول 1 - بقلم نوران

في الصعيد، جلست تبكي بمفردها في إحدى الغرف بالقصر وهي ترتدي فستان الزفاف بدلاً من أختها الهاربة. دخل عليها والدها وتحدث قائلاً: الأب (مجاهد) : اعملي حسابك، عتغوري من اهنه على بيت جوزك ومتجيش اهنه تاني. كفاية أختك واللي عملته فينا. جميلة بدموع: وأنا ذنبي إيه يا أبوي؟ أتجوز واحد مبيحبنيش ليه؟ مجاهد بغضب: اسمعي يا بت، انتي عتقومي دلوقت تروحي مع جوزك. مش عايز أشوف خلقتك قدامي. قومي يلا. جميلة بفزع: ح... حاضر يا أبوي.

وقفت جميلة ومسحت دموعها ونزلت لعريسها. أول ما شافها، اتصدم من جمالها. لون بشرتها البيضاء، لون عينيها الخضراء الواسعة، وفستانها الأبيض اللي زاد من جمالها. وهي معيدة في كلية هندسة وعندها 28 سنة، وليها أخت توأم هربت يوم فرحها لسبب معين. زياد بذهول: مين دي؟ والده بهدوء: دي عروسة يا زياد، انت نسيت ولا إيه؟ زياد في نفسه: معقول! دي مش بنت عادية، دي ملاك ونازل على الأرض. مستحيل تكون مراتي. زياد فاق من تفكيره على صوت والده.

والده (الدمنهوري) : انت لسة واقف يا زياد، يلا علشان نكتب الكتاب. زياد: اتفضل يابابا. وجلس الجميع في غرفة الصالون وتم عقد القران بزواج زياد وجميلة. وذهب الجميع لبيت زياد. ودعت جميلة والدها وأخاها الأصغر وغادروا. الدمنهوري: نورتي بيتك يا جميلة يابنتي. جميلة بهدوء: بنورك يا عمي. الدمنهوري بضحكة خفيفة: لا، انتي تقولي يابابا، بلاش عمي دي خالص. جميلة بابتسامة زادت من جمالها: حاضر... يابا... يابابا.

الدمنهوري: زياد خد مراتك واطلعوا الجناح، وهبعتلك أم السعد بالأكل. زياد بسخرية: تمام، يلا يا... يا عروسة. جميلة بحزن صعدت مع زوجها للجناح الخاص بهم. زياد بتحذير: عارفة لو حد عرف باللي هيحصل بيني وبينك هنا، هعمل فيكي إيه يا جميلة. جميلة بخوف ودموع: متقلقش يا زياد بيه، محدش هيعرف بحاجة. زياد: ادخلي غيري القرف اللي انتي لابساه ده، ومشوفش وشك لحد قدامي لحد ما أشوف حل للمصيبة دي. جميلة: حاضر.

وذهبت جميلة لتغيير ملابسها. ارتدت بيجامة خفيفة ومسحت دموعها وابتسمت بحزن على حالها. منذ صغرها وهي لم تشعر بالسعادة. جلست على أطراف الأريكة وبدأت في بكاء شديد. جميلة: ليه كدا يا روز؟ عملتلك إيه علشان تأذيني كدا وخليتي حياتي كلها جحيم؟ منك لله. وغلبها النوم ولا تشعر بشيء. في القاهرة، روز بخبث: سبتهم وهربت يا عمتي. مديحة: ينهار أبوكي أسود يا روز، انتي بتقولي إيه؟

روز بملل: زي ماسمعتي يا عمتي. هربت يوم فرحي، جميلة أختي هي اللي مكاني هناك واتجوزت من زياد. مديحة بخوف: وإنتي هربتي إزاي يا روز؟ جدك مشدد الحراسة على القصر كله ومحدش يقدر يخرج منه من غير إذنه. مديحة: أنا اللي هربتها. نظرت مديحة خلفها ووجدت شخص لم تتوقع أنه من فعل هذا. مديحة: انت؟