رواية انتقام انثى الفصل الخامس عشر 15 - بقلم رشا منصور

سناء…. كنا بنتكلم أنا ولمياء ولقيت أنجي داخله الأوضة وبتقول: "الفرح بكرة، أنا مش عارفة هنام إزاي." قولتلهم:

"أوعى تعملوا زيي، كنت يوم الحنة صاحية من بدري ومن كتر فرحتي معرفتش أنام. وفضلت أتخيل الفرح والفستان وفضلت طول الليل صاحية. ولما جت الكوافيرة عملت ليا ماسك وقالت ليا ارتاحي متتكلميش لحد ما المسك ينشف، نمت. وهى ماسكت شعرى وكل شوية ألسع من الاستشوار والمكواة، خدت كام لسعة. وأصحى مخضوضة ومش قادرة أفتح عيني. وقالولي مينفعش أشرب قهوة ولا شاي. وساعة الفرح فضلت قاعدة والناس بترقص وأنا نمت. أمي صحتني بعد ما الفرح ما

خلص وكنت تريقة المعازيم: العروسة نايمة في فرحها. وكنت جعانة أوي، مأكلتش طول اليوم. وأول ما الفرح خلص وطلعت الأوضة لقيت الأكل، فضلت آكل ونمت بالفستان. عبدالرحمن كان طلعني ونزل يسلم ع الرجالة ويتأكد إن الكل أخد واجبه. طلع لقاني نايمة وواخده السرير كله. الفستان كان كبير، راح نام في أوضته. وتاني يوم عريسي كان بيفطر مع أهله تحت وأنا فوق. يخبطوا ع الباب وأنا ولا حاسة، نايمة زي القتيلة. وكل صور الفرح طالعة وأنا موطية راسي ونايمة. لو عاوزين تبقوا مضحكة زيي، خليكوا صاحيين. أنا عن نفسي هنام، عندي بكرة حاجات كتير ومحتاجة أكون فايقة."

أنجي. .. فضلنا نضحك أنا ولمياء ع كلام سناء، وفعلاً من كتر التعب نمت. وصحينا ع الزغاريط وأمي داخلة علينا بصنية فطار وتقولنا: "يلا كلوا علشان مافيش أكل لكم غير بالليل." وخلصوا الكوافيرة بره بالمساعدين بتوعها، وفعلاً كلنا وطلعنا فساتين الفرح. ومرة واحدة حسيت إن سناء عيونها دمعت وقالت: "أنا هروح أجهز هدوم العيال وأجيب حاجتي." بصراحة صعبت عليا أوي، أنا لو في مكاني مش هستحمل. لمياء…. قولت لأنجي:

"أنا مش عارفة المفروض اللي زي مروان ده أتزوجه إزاي؟ طب سناء زعلانة علشان جوزها، الله وأكبر مافيش في حنيته وجدعنته. لكن شوفتي جيلان ولا في دماغها، كأن ده مش جوزها. ودي أكتر حاجة تأكدلي إنه شخصية محدش يزعل عشانها. ياريت كان بأيدي أكسر العادات والتقاليد دي، والله ما كنت بصيت ل مروان ده." إحسان…. حسيت لما سناء خرجت إنها بتبكي، خرجت وراها. ولما دخلت البيت سمعت مروان بيكلم أبوه وبيقولوا:

"ع الأقل تديني ربع مليون دلوقتي، وبعد أسبوع تديني الباقي." ورحت قولت لهم: "إيه يا جماعة صوتكم عالي؟ عثمان… "مروان عاوز مرته تسافر القاهرة وتاخد معاها ربع مليون جنيه علشان تأجر شقة، وبعد أسبوع يحول لها مليون جنيه علشان توضب له العيادة. وعمال أقوله اصبر شهرين وخد الفلوس ع بعضها، مش راضي." إحسان. .. "طول عمري بقول عليك ناصح في الفلوس يا مروان. عاوز تسلم مرتك كل الفلوس دي وانت مش معاها؟

طب ما ممكن تاخد ابنك والفلوس وتطفش؟ هتعمل إيه ساعتها؟ هترجع ولدك ولا فلوسك؟ إزاي وكمان أنهي شقة دي اللي الإيجار بتاعها ربع مليون جنيه؟ مروان …. "تصدقي يا عمتي أنتي صح، دي ممكن تسافر. هي مش عاوزة تكمل هنا أصلاً. طب وبعدين أنتي شايفه المشاكل اللي عمالة تحصل بسببها ولسه هتحصل تاني؟ أعمل إيه؟ نزولها القاهرة أفضل حل للكل." إحسان. ..

"بسيطة، قولها أبوك مش واثق إنك لما تاخد الفلوس هتفضل قاعد هنا ومتسافرش. وقولها إنه بالعافية أداك تلاتين ألف جنيه وقال الشهر الجاي هيبعتلك زيهم. وبعد تلات شهور هيديني مليون جنيه، وإنك غصب عنك وافقت لأن مافيش في يدك حاجة تعمله." لقيت عثمان قالي: "يسلم دماغك، أهو عمتك حلتها لك. ولو مرتك كلمتني هقول لها ألا تاخد التلاتين ألف وإلا تفضل قاعدة هنا في أوضتها طول التلاته شهور." قولت ل مروان:

"المفروض دلوقتي تجهز حالك، شوف فين الحلاق واطلع بدلة الفرح وافطر الأول، يلا يا عريس." وطلعت ع أوضة سناء لقيتها بتجهز الهدوم وبتعيط. خدتها في حضني قولت لها: "والله بتي طيبة وعمرها ما هتخلي عبدالرحمن يبعد عنك." وفي وسط كلامي معاها لقينا اللي بيخبط ع الباب وبيقول: "سناء إنتى لوحدك ولا معاكي حد؟ قولت له: "ادخل يا ولدي، أنا عمتك." عبدالرحمن… "صباح الخير يا عمتي."

وفضلت باصص ع سناء اللي كانت بتداري وشها وعاملة حالها مشغولة في تجهيز الهدوم. قولت ل عمتي: "أنا جاي آخد سناء تجهزلي حاجتي، أنا من غيرها معرفش أدبر حالي." ومسكت أيد سناء وروحت ع أوضتنا. وأول ما قفلت الباب رفعت وشها واخدتها في حضني وقولت لها: "ابكي وطلعي كل اللي جواكي، مش عاوز حد غيري يشوف دمعتك. عاوزك قوية وتضحكي قدام الكل." وفضلت تبكي وتعتذر إنها مش قصدة تنكد عليا وترجع تبكي تاني. وفضلنا كدا لحد ما

سمعنا صوت جيلان بره بتقول: "أنا راحة عند العرايس أقعد معاهم وأخلي الكوافيرة تعملي ميكاب كامل يليق ع الفستان بتاعي." بصينا لبعض ولقيت سناء مسحت دموعها بسرعة وقالت: "أنا هاخد حاجتي وراحة ألحقها قبل ما تعمل مشكلة معاهم." بوست رأسها وقولت لها: "ست الستات كلهم، خلي بالك ع البنات." وفعلاً رشامنصور خدت شنطة بحاجتها وخرجت تجري. وبصيت من البلكونة لقيت جيلان واقفة بره تتكلم مع عبدالله وبتقوله: جيلان…..

"خلي بالك من أحمد، أنا مش فاضية طول اليوم. خليه معاك يا عبدالله وهدومه فوق، تبقي بالليل أطلع ألبسه البدلة بتاعته ومتنساش تأكله حاجة." وفجأة لقيت سناء واقفة قدامي وبتقولي: "هو اللي هيخلي باله من عيل صغير طول اليوم ليه؟ ملوش نفس يروح يجهز حاله ولا يلعب مع أصحابه؟ خلي بالك من ولدك، أنتي المسؤولة عنه. روح يا عبدالله شوف الحلاق وجهز حالك يا حبيبي، انت أخو العروسة."

وعبدالله سمع كلامها ولقيت نفسي واقفة ومعايا أحمد، مش عارفة أوديه لمين. خدته ودخلت البيت لقيت مروان واقف مع أبوه. قولت له: "خد ابنك أكله ولبسه، أنا مش فاضية. راحة للكوافير وبالليل تبقي سيبه في الأوضة." سناء…. "ودخلت عند البنات وكانت الكوافيرة عندهم، وقفلت الباب بالمفتاح وقولتلهم: جيلان جايه عاوزة تتزوق وجايبه فستانها معاها. ونبهت ع المساعدين إن محدش يدخل هنا خالص." عثمان….

"إيه يا دكتورة، بقي زوجك اللي هيخلي باله من عيل صغير؟ بقي هي دي اللي عاوز تديها فلوس وتسافر هي وولدك لوحدهم؟ ده مش بعيد تسيبه لوحده ولا ترميه للبواب. المهم عندها نفسها. وباسم، امسكي ولدك وخلي بالك، ده اللي مخليكي لسه ع ذمة مروان. لكن والله لو جري له حاجة بموتك. روحي فطري ولدك وخلي بالك منه، أمهات آخر زمن." وسبتها ومشيت. جيلان…. "هو إيه اللي حصل لكل ده؟ هو مش ابنك والمفروض تخلي بالك منه؟

ولا المفروض أنا بس المسؤولة عنه؟ لقيته قال لي: "أعمل فيكي إيه؟ أقنعت أبويا بالعافية إنه يديكي فلوس وتسافري. بأفعالك دي مش هتطولي قرش واحد. اتفضلي روحي أكلي الولد، ولسه بدري ع الكوافير، الفرح بالليل. ولا كنتي عاوزة تعملي أي مشكلة هناك وخلاص." خدت أحمد وروحت المطبخ لقيت الطباخين واقفين والغفير والناس اللي معاه بيجهزوا معاهم والكل مشغول. قولت لهم: "لو سمحتوا عاوزة أكل للولد." لقيت أحمد جري ع الطباخ وبيشده من ايده.

راح شاله وقالوا: "إزيك عامل إيه؟ اختار بقي عاوز تأكل إيه النهاردة." قولت له: "أنت تعرفه؟ قالي: "إمبارح كان لوحده وخايف يخرج من البيت وكان جعان وفضل يعيط ومحدش كان موجود، كلهم كانوا مشغولين بره. جبته هنا، أكلته ونام في المطبخ. ولما لقيت الشغالة اللي هنا خدته، طلعته أوضته. مش عارف فين أمه ولا أبوه، إزاي يسيبوا طفل صغير كدا لوحده؟ مافيش أي مسؤولية." تحرجت أنطق، قولت له: "لو سمحت جهز أكل علشان آكله."

واخدت الأكل وقعدت في الانتريه آكله. ولقيت عبدالرحمن نازل ومعاه ولاده وبيوصي مامته عليهم وقالهم: "تخلصوا أكل وتعالوا علشان الحلاق يحلق لكم انتوا الأول." وبيبوسهم. ولقيت كل واحد مشغول بحاجة ومحدش فاضي خالص. وقرب المغرب لقيت مامت مروان قالت ليا: "تعالي الكوافيرة خلصت وتعالى يلا أجهزي." ونادت ع بهيه قالت لها:

"خلي بالك من أحمد لحد ما تخلص، وبعد كدا سيبلها الواد وروحي شوفي شغلك. واقفلي الدار قبل ما تخرجي وخلي المضيفة بس مفتوحة." وروحنا بيت عمتهم إحسان ومردوش يخلوني أشوف العرايس. قالولي: "فال وحش، لازم العريس الأول يشوفهم." مش فاهمة إيه التخلف ده. سناء… خرجت من الأوضة وأنا بالفستان السواريه ومكياج، كنت قمر. ولقيت جيلان في وشي وبتقولي: "إيه ده؟ شكلك حلو أوي. الفستان ده شكله غالي، مين اللي دفعلك تمنه؟

ولا إنتي معاكي فلوس بتاعتك؟ قولتلها: "أنا ع ذمة راجل وبيجيب ليا كل اللي محتاجاه وزيادة. روحي اجهزي، مافيش وقت للكلام." وفضلت قاعدة في الصالة أراقب جيلان وأوضة العرايس علشان محدش يدخل عليهم. وبعدين دخلتلهم لقيتهم قلقانين أوي، فضلت أتصور معاهم سيلفي ونضحك لحد ما سمعنا الزغاريط وقالوا العرسان وصلوا. روحت فتحت الباب لهم ودخلتهم هما بس ومنعت جيلان من الدخول. عبدالرحمن. … خلصنا كلنا وفضلنا قاعدين لحد ما عبدالله قال لنا:

"العرايس جهزت والفرقة منتظرة قدام الباب." وسمعنا الموسيقي اشتغلت. روحت خدت مروان وقولت له: "يلا يا عريس تجيب عروستك، وع الله تزعلها ولا متقولش لها كلام حلو. ساعتها هخلي لسانك يلحس التراب اللي أختي بتمشي عليه، فاهم؟ وأول ما وصلنا عند عمتي لقيت جيلان وقفت قدامي وبتقولي: "شكلك قمر يا عريس." بصيت لها ومردتش عليها. ولقيت مروان بيقولها: "طب وايه رأيك فيا؟ قالتله: "آه كويس." بصيت لهم وقولتلها: "وسعي لأختك، قصدي لجوزك."

وروحنا ع المأذون وكتب كتاب مروان الأول، وعمي وأنا كنا شهود. وبعد كدا كتبت كتابي ع أنجي، وأبويا صمم يكون هو وكيل العروسة مش عمي عثمان. وبعد ما خلصنا الزغاريط كترت وضرب النار اشتغل إعلان أننا خلاص كتبنا الكتاب. وعمتي اخدتنا علشان ندخل نجيب العرايس من الأوضة. خبطت ع الباب ودخلنا الأوضة لقيت سناء كانت قمر بالفستان. قولت لها: "إيه الجمال ده؟ قالتلي: "لسه، تعالى شوف ده انت هتتحسد انهاردة يا عريس."

وببص لقيت أنجي حسيتها بتنور زي الكريستال، فضلت أبصلها ومش قادر أوصف جمالها لدرجة أنها اتكسفت. ولقيت سناء قالت: "يلا علشان تتصوروا." ودخلت المصورين. وبعد ما خلصنا صممت أتصور مع سناء. وبعد كدا وقفت في النص وأخدتهم في حضني واتصورنا. وببص ع مروان علشان يتصور لقيته 😲!