رواية انتقام في السر الفصل الرابع 4 - بقلم صفاء احمد

الجد بحده: البت دي تقطع علاقتك بيها، انت فاهم يا عثمان؟ عثمان بتوتر: طبعًا طبعًا يا جدي. الجد: خد مراتك يلا واطلعوا أوضتكم. عثمان: حاضر. يلا يا فريدة. دخلوا أوضتهم. عثمان دخل الحمام، غير ولبس بدلة كانت قمر عليه أوي. فريدة فضلت باصة عليه. عثمان وهو باصص عليها من المرايا: عارف إني حلو. ضحك بسخرية. فريدة بتوتر: لأ عادي على فكرة. وبعدين انت رايح فين كده؟ عثمان قرب منها: رايح الشركة. عايزاني أقعد؟

فريدة: لأ طبعًا، روح يلا على شغلك. عثمان ضحك وبص على نفسه في المرايا، رش برفان ومشي. فريدة: الواد قمر، يخرب بيته. ضحكت. عند آدم. راح شركة عثمان. آدم: السكرتيرة، عثمان بيه موجود؟ السكرتيرة: لأ مجاش. مقالتش الكلمة وجاها عثمان. عثمان: أهلًا أهلًا يا آدم بيه. تاني مرة تحصل، تدخلي على طول من غير ما تقولي. آدم: ربنا يخليك يا عثمان بيه. عثمان بضحك: يا جدع، دا إحنا نسايب. آدم ضحك. عثمان أخده على مكتبه.

عثمان قاعد: تشرب إيه يا آدم؟ آدم برفض: لأ مش عاوز حاجة. أنا كنت جاي أديك حاجة وماشي والله. عثمان: والله أبدًا، تشرب إيه الأول؟ آدم: قهوة طيب. عثمان في التليفون: اتنين قهوة، هاتيهم على مكتبي. آدم: من غير ما أعطلك، كنت هديك دول. عثمان باستغراب: إيه دا؟ آدم: فلوسك. مقدرتش أصرف منهم جنيه منهم، لأن أنا مش عارف عملت كده إزاي. دول فلوسك والله زي ما هم. عثمان باستغراب: خد اصرف منهم. والله ما عاوزهم.

آدم: أبدًا. أنا بس عاوزاك تتكلم مع فريدة، قولها أخوكي مكنش في عقله ولسه فايق من كلام ناس أثر فيه. آدم ساب الفلوس على المكتب وقال: أنا همشي يا عثمان. هاجيلك يوم ما أختي تسامحني. بعد إذنك. ومشي. عثمان فضل حيران من اللي قاله آدم. عند فريدة. فريدة: اوفف، اتخنقت. هقوم أروح أنزل أقعد معاهم. فريدة لبست دريس أحمر وطرحة سودة. نزلت قعدت معاهم وحبتهم أوي. بدر بتركيز في جمالها اللي ظلمه عثمان: وإنتي في كلية إيه؟

فريدة بضحك: أنا مكملتش تعليمي. بدر باستغراب: ليه؟ دا إنتي شكلك متفوقة. فريدة: ربنا يخليك. بس محصلش نصيب إني أكمل. دخل عثمان، لقاه فريدة وبدر قاعدين. عثمان بغيره: جايبالكم شجرة ليمون. ميصحش كدا. بدر فضل يضحك: تعالى يا هبل. عثمان قعد جنب بدر: إيه أخباركم؟ بدر: الحمد لله. مراتك دي حلوة وطيبة، خلي بالك منها. لخليك تتطلقها وأتجوزها بدالك. أنا بقولك أهو. وفضل يضحك. عثمان بغيره،

عروقه بانت في رقبته: لأ متخافش، أنا بخلي بالي كويس. يلا يا فريدة. بدر: متخليك. عثمان: حاسس المكان مش مكاني. يللا. فريدة اتنفضت من مكانها: يلا يا عثمان. طلعوا غرفتهم. عثمان: إيه اللي مقعدك مع أخويا ها؟ فريدة: وإنت مالك؟ أنا حسيت نفسي زهقانه، نزلت أقعد. عثمان: وتقعدي مع بدر لوحدك؟ فريدة: تعرف يا عثمان، أنا مكنتش عايزة أتوزجك. أنا حاسة أخوك أحسن منك. وبجد كنت أتمنى يكون هو اللي مكانك.

عثمان سمع كلامها دا وعروقه بانت في جسمه كله بسبب عصبيته. عثمان قرب منها وقبلها. قبلة فيها غضب وغيره وووو.