رواية انتقام هزم بعشق الفصل الخامس عشر 15 - بقلم فيولا عماد

طب هو احنا مش ممكن نعرف نوع الجنين؟ الطبيب: طبعا يا دكتور ياسر بس المدام قالت إن هي عاوزة مفاجأة يوم الولادة. ياسر: لا عاوز اعرف دلوقتي. ناني بسعادة وخوف: لا مش دلوقتي لما أولد. ياسر برجاء: عشان خاطري دلوقتي أنا عاوز أختار الاسم. ناصر بزهق: مخلص بقا احنا مش عاوزين نعرف دلوقتي. ياسر بإحراج: احم خلاص عادي كله كام شهر وأشيلها على إيدي. ناصر برفعة حاجب: لا أنا عاوز ولد مش عاوز بنتي. ياسر باستغراب: أنا الأب مش أنت.

ناصر: أنا جدهم وأنا اللي أقرر. الطبيب ليفض بينهم: يا جماعة حصل خير، على العموم المدام ناني حامل في توأم، بس أنا مش هقدر أقول بنت أو ولد أو اتنين متشابهين. ياسر بسعادة: بجد توأم. وقبل ناني وجينتها بحب. ناصر بغضب: ابعد عنها. الطبيب بسرعة: اتفضلوا بقا لو سمحتوا، وكمان مدام ناني المفروض ترتاح من الإرهاق وكمان يكون حواليها هدوء. ناصر وياسر: طبعاً. في الخارج. ناني بتعب: ي بابا مش وقته. ناصر: هيجي بيتي يعمل إيه؟

ياسر: أنا مش حابب أجي بس دي مراتي وعيالي عاوز أقضي معاهم وقت أطول وكمان الوحام وحاجات كتير لو سمحت. ناني بزهق: ي بابا وافق أن أقعد معاه هو جوزي مش هياكلني يعني. ناصر بغيرة وخوف: لا اقعدوا معايا في البيت، أنا كده كده هسيب بيتي وشركاتي وفلوسي لمين م ليكي، اقعدوا معايا وكمان تكوني معايا وشايفك طول. ناني بحب: ربنا يطول في عمرك يا بابا. ياسر: طب أنا هجيب حاجتي وعربيتي وأجي على القصر على طول.

ناصر: تمام يكون الخدم جاهزلك جناحي. ياسر باستغراب: لا أنا هعيش مع ناني في جناحها؟ ناصر: لا تعيش لوحدك لحد ما أعملها فرح كبير، دي وحيدتي أعملها فرح كبير زي البنات وأكمل بحزن: ولا عشان خلاص بقا مش بنت يبقا ملهاش فرح. ياسر بسرعة: لا والله أبداً يتعملها أكبر فرح في مصر كله. ناصر بفرح: طب يلا أنت تعال في عربيتك وأنا وبنتي مع بعض. في عربية ناصر.

ناصر بحزن: أنا عارف إن قصرت معاكي وكمان خليتك تعملي تمثيلية على أسد لعبة وسخة أنا آسف يا بنتي بس الانتقام عانى عيوني بس دلوقتي والله هفضالك وهعوضك عن كل حاجة بس انتي سامحيني أنا آسف من النهاردة أنا مش هعمل أي حاجة تزعلك أو هاذي حد أنا آسف.

ناني بدموع وحب: أنا اللي آسفة وسامحني إني خليت راسك في الأرض أنا آسفة بس أنا وياسر بنحب بعض وهو كويس وطيب جدا أنا آسفة إني ضيعت من إيدي كل حاجة حلوة معاك بس كنت بخاف منك من وفاة ماما وأنت بعيد عني وبتعاملني بجفاء وعصبية فلقيت ياسر وكان حنين عليا أنا آسفة يا بابا.

ناصر بحب: أنا اللي آسف وإنتي منزلتش راسي الأرض ولا حاجة أنا اللي قصرت في حقك بس كان غصب عني أمك كانت أحلى حاجة في حياتي بموته وبعدها عني خوفت تبعدي أنتي كمان كنت فاهم إن بغضبي وأن أكون جامد معاكي ده صح أنا آسف. ناني بحب: خلاص يا بابا صافي يا لبن واللي فات مات وأنا مسامحاك أهم حاجة دلوقتي إنك بتحبني وإن أنا وأنت وياسر هنعيش في سعادة وحب خلاص مفيش جفاء تاني.

ناصر ويقبل رأسها: خلاص يا حبيبتي كل الوحش راح دلوقتي أنا عايش لأجل سعادتك أنتي وأحفادي. أسد: قولت إيه يا نور؟ نور: أنا معنديش مشاكل إنكم تتجوزوا على بركة الله. حسن: بس خلي بالك هتلعب كده كده هجيبك. نور برفعة حاجب: يبقا يعملها أو يفكر يخلي دعتها تنزل أو تزعل بس أقسم بالله أطربقها فوق دماغها. أسد بهمس ل فيروز: بحبك. مصطفى بغيظ: ركز معانا شوية بتقولك هطربقة فوق دماغك.

أسد بخبث: ليه كده بس يا نور عشان خاطر غلاوة مصطفى عندك.