رواية انتقام هزم بعشق الفصل الرابع عشر 14 - بقلم فيولا عماد

ناصر: هنعمل إيه دلوقتي يا نور؟ نور بتوهان: في إيه؟ ناصر يزهق: في كامل الهلالي يا نور. مالك تائهة من ساعة ما كلمتك في التليفون؟ نور: أبدًا، أنا عاوزة أدمر كامل الهلالي وبس، وأنا عارفة هعمل إيه. وأنت؟ ناصر بخبث: من سنة زرعت واحد في شركة الأم بتاعت كامل الهلالي، وبقى دراع اليمين للمساعد بتاع كامل الهلالي. يعني عارف كل اللي بيحصل في كل الشركات. نور: وبعدين؟ ناصر: هاخد حقي، والباقي هكتبه لأولاد إسلام.

نور: وبكده أنت استفدت إيه؟ ناصر: أنا مش عاوز حاجة غير حقي. وبعدين يوم ما يعرف إنه إفلاس، أقل حاجة فيه هتحصله سكتة قلبية تموته. نور: أنا بقى أعرف واحد هيساعدني أوصل كامل الهلالي لحبل المشنقة، وكمان كتير قضايا. ناصر بصدمة: انتي بتتكلمي جد؟ نور بجدية وهدوء وتتكلم في الهاتف: نفذ. بعد مرور ساعتين. مصطفى بغضب: نورر! نور بسخرية: إيه ده إيه ده، صوتك عالي. مصطفى بغضب: إيه اللي انتي هببتيه ده؟ انتي فاكرة نفسك مين؟

نور بكره: مش هسيب كامل الهلالي إلا وهو ميت، أقسم بالله ما هسيبه حي. هذلوا. مصطفى: نووور، اياكي ثم اياكي تقولي كده على جدي. نور بسخرية: تعال تعال يا راجل، اقعد شوف المذيعة وهي بتطرب كده، استمتع بكلام. المذيعة في التلفاز: أخبار عاجلة عن رجل الأعمال المصري كامل الهلالي والقبض عليه بأكثر من قضية، اختلاس ومخدرات وبيع أعضاء وبنات قاصر، وكثير من القضايا. ابقوا معنا لمتابعة الأخبار العاجلة.

نور براحة: سامع كلام كده يسلطن الدماغ. حسن بغضب: إيه اللي انتي عملتيه ده؟ نور بغضب: عملت إيه زيادة عن اللي هو عمله؟ أنا بأخد حقي بس. هو استسهل وقال يموتوا على طول. أنا بقى الذكية عنه، قلت أشوه سمعته وأحبسه وإفلاسه، ويتحكم عليه ويموت. نور: آسفة يا جدي، بس أنا مش هخرجه.

وأكملت لمصطفى: وأنا يا مصطفى، أنا كل التهم دي مش جايباها من دماغي أو أنا اللي لبستها لجدك، لا جدك هو اللي قالوا أكتر من ست سنين بيشتغل في بيع البنات للأجانب أو رجاله من الوطن العربي، وكمان متفق مع تجار المخدرات في أمريكا. كل التهم دي حقيقة، وجدك اتسجن بسبب التهم دي. أنا مليش دعوة، أنا كل ذنبي إني وصلت للأسرار دي مش أكتر. مصطفى بصدمة: ما كنتش أعرف إنك كده يا نور. كان ممكن تقوليلي ونتفاهم. نور بغضب: نتفاهم إيه؟

هو أنا بقولك غلط؟ ده بيتاجر في البنات وقتل أهلي. لو جدي مكان جدك كنت عملت إيه أنت؟ مصطفى: كنت قتلته. نور بدموع: مش هأقول غير كلمة، اخرج برة يا مصطفى. وخرج مصطفى بصدمة من قضايا على جده، ومن كره اللي بعيون نور. حسن: ليه كده؟ نور بدموع: مش عاوزة أتكلم في حاجة، لو سمحت يا جدي. حسن: مش هتلحقي مصطفى من خطوبته وتقوليلوا إنك بتحبيه. نور: ده كان زمان لما كنا أطفال.