رواية انتقام ملغم بالحب بقلم سارة الحلفاوي | كاملة
قيّم الرواية:
لا توجد تقييمات بعد
من أحداث الرواية
في قاعة أفراح فخمة جدًا ومليانة ناس من علية القوم والطبقة المخملية زي ما بيقولوا، الناس كلها فرحانة إلا هي. قاعدة في الكوشة المزينة برُقي، مشبكة صوابعها ببعض، باصة قُدامها بفارغ حقيقي على قلبها. عينيها مليانة دموع محبوسة بس قلبها كان بينزف دم، لابسة فستان أبيض كان من أحلامها إنها تلبسه لشخص تحبُه ويُحبها. ولبست الأبيض بجد، ألتفتت براسها وشعرها الطويلة البني اللي سابته مُتحرر مُنساب على ضهرها. ب تبُص للشخص اللي قاعد جنبها راجل أقل ما يُقال عنه من أوسم الرجال، راجل أمتلك قلبها في أقل من دقيقة، مش بس قلبها ده إحتل عقلها في وقت لا يُذكر. كان لابس بدله سودا كانت زياداه جمال، كل أحلامها إتحققت، فستان أبيض وراجل بتعشقُه عشق، وفرح كله هيتكلم عنه. بس اللي ناقصها بجد قلبه! حُبه ليها اللي مش موجود! مقدرتش تاخد قلبه زي ما هو خد قلبها. بصتله بحُزن وقلبها بيتقطع، بدأت تتأمل في ملامحه، شعرُه البني الناعم، وعينيه اللي شبه...
