رواية انتقام من غدر الزمن الفصل الخامس 5 - بقلم يارا محمد

فتح بحر الملف وقرأ اسم البنت الأول، وكان اسمها زمن عبيد محمود. لكنه تفاجأ باسم الأم، ونادى على تاليا لتُقرأ الاسم، لعله مخطئ. لكن الاثنان تفاجآ باسمها: شادية عمر ربيع. وشاهدا صورتها، وكانت هي نفسها السيدة التي يبحثون عنها منذ زمن طويل. وأخيرًا وجدوها، ولم يتوقعوا أن الصدفة ستجمعهم بها مرة أخرى. بحر: انتي قرأتي الاسم؟ دي هي يا تاليا، ودي صورتها، بس كبرت والزمن عدى عليها. تاليا:

أخيرًا لقيناها وقابلنا بنتها. تعالي نروح لها، أرجوكِ، عايزة أشوفها، وحشتني أوي. بحر: هروح لها أكيد، يلا بينا. مرام، ألغي الاجتماعات النهاردة، مش عايزين شغل، تمام. ذهب تاليا وبحر إلى العنوان وسألوا عن شقتها وذهبوا إليها. ولما قربوا من الباب سمعوا صوت زعيقها مع بنتها. خبط بحر، وفتحت شادية الباب، واستغربت من الاثنين الأغنياء الذين طرقوا بابها فجأة. شادية: خير، انتوا مين وعايزين إيه؟ زمن:

انتوا إيه اللي جابكم، وعرفتوا مكاني إزاي؟ تاليا: دادة شادية، انتي مش فاكرانا؟ أنا تاليا، وده بحر، قرايب طوفان العسكري. شادية بفرحة: يا حبايبي، انتوا كبرتوا أوي. آخر مرة شفتكم كنتوا صغيرين، ومشفتكمش بعدها. قولولي عملتوا إيه السنين دي، واتجوزتوا ولا لأ. بحر: اتجوزت يا دادة، ومعانا بنوتة حلوة أوي، وهنربيها معانا كمان. إحنا مبسوطين إننا لقيناكي. زمن: انتوا ليه هنا؟ بتدوروا ورايا ليه؟

اللي كان بينا الشغل اللي سربته لكم، غير كده، مش ليكم الحق تدوروا ورايا. اطلعوا بره. شادية: اهدّي يا زمن، دول قرايب طوفان، بس مش زيه يا حبيبتي. هما كمان اتأذوا من طوفان، وأنا كنت شاهدة على ده. اهدي. زمن: وإيه الضمان إنهم مش زيه؟ ها؟ هو زمان رماكي وإنتي لسه حامل فيا، وما تعرفيش بيا أبدًا؟ يبقى قرايبه هيبقوا كويسين. اطلعوا برة. بحر:

إحنا مقدرين عصبيتك، بس زي ما دادة قالت لك، إحنا مش زيه. طوفان آذانا كتير، ولما رجعنا مصر بعد سفرنا بكام شهر، سألنا على دادة، وبلغونا باللي حصل. معرفناش ندور عليها، أو هددونا إننا لو دورنا عليها هيقتلونا، وقالها صريحة. فسافرنا تاني. ورجعنا، وبقالنا شهرين بندور على طنط، ومش كنا عارفين إن طريقنا هيتصادف معاكي. إحنا هنساعدك ترجعي حقك، صدقيني. شادية:

قولها يا ابني، طوفان طلب منها شغل في بيتهم بعد ما اكتشف كل حاجة في الشركة، وهي مصممة تروح هناك، عايزة تحسرني عليها. تاليا: إنتي غلطانة، أنصحك مش تروحي. إحنا هنجيب لك حقك، صدقيني. اسمعي كلامنا وتعالي عيشي معانا. زمن بعند: لأ، مش موافقة، سامعين؟ هدخل البيت ده وهاخد حقي، حتى لو كان فيها موتي، فاهمين؟ هو مش شافني قبل كده، فمهمتي سهلة. هخليه يخسر كل حاجة، ولاده وشغله وسمعته. انتوا عارفين أنا عانيت إزاي؟

أنا بنت غير شرعية طول عمري، وأنا بتعاير بسببه. المقابلة انتهت، اطلعوا برة. دخلت زمن الأوضة ولمت هدومها، وراحت للعنوان المكتوب. وطمنت أمها، وهي بتحاول تمنعها، بس سبتها ومشيت. وشادية وقعت على الأرض وفضلت تبكي بحرقة. وتاليا حضنتها وطمنتها. تاليا:

متخافيش، هي قوية، وبعدين هي مش لوحدها. لينا عين في فيلا طوفان، بتنقل لنا أخباره، وهي هتبقى تحت عنينا. تعالي معانا، أرجوكي. اخرجي من الحارة دي، على الأقل، بلاش تقعدي تسمعي كلام ملوش لازمة. انتي بقالك سنين بتسمعي كلام وحش عنك وعن بنتك. أرجوكي تعالي معانا. شادية: أنا مرتاحة كده، صدقوني. مش عايزة أتقل عليكم، بس اسألوا عليا. بحر:

من غير ما تقولي، إحنا هنسأل عليكي كل يوم. وكمان فيه مبلغ هيوصلك كل شهر، انتي من دلوقتي هتبقي مسؤولة مننا، تمام؟ ولو غيرتي رأيك، قولي لنا. وافقت شادية على كلامهم، وهما مشيوا بعد ما أداها مبلغ كويس تعرف تعيش منه، وهيبعت لها كل شهر. أما زمن، وصلت الفيلا ودخلت، وبصت على الفيلا وكل ركن، وتوعدت لهم إن الفيلا دي هتبقى جحيم عليهم.

وأول حد هتنتقم منه، زوجة طوفان، بعد ما جمعت عنها معلومات، وأهم معلومة إنها مدمنة هيروين، ومحدش يعرف ده، عشان سمعتهم. وقررت هتعمل إيه. نزلت زوجة طوفان، وبصت لها من فوق لتحت باشمئزاز. وزمن ابتسمت لها.