رواية انتقام من غدر الزمن الفصل السادس 6 - بقلم يارا محمد

نورا باشمئزاز: انتي مين وبتعملي ايه هنا؟ اكيد من الناس اللي بتاخد منا حسنة كل شهر. زمن بابتسامة: حضرتك فاهمة غلط، أنا موظفة الحسابات وجاية في شغل. هقعد فترة هنا لحد ميعاد المناقصة الجاية بدل اللي خسرتوها. نورا: خسرناها؟ احنا مش بنخسر صفقات ومناقصات، احنا حيتان السوق. وبما إنك جديدة، فشكلك جاهلة. احنا نبقى مين؟ احنا عيلة العسكري يا قمورة، اللي مش بتخسر أبداً.

زمن: آه طبعاً حضرتكوا مش بتخسروا، بس الصفقة أم ملايين خسرتوها يا هانم. وأظن اللي أخدها اسمه تقريباً بحر قيس المغربي. نورا بصدمة: بتقولي مين؟ انتي اتجننتي؟ إزاي ده يحصل؟ رايا انزلي هنا بسرعة. رايا نزلت على صوت أمها الغاضب بخضة: في إيه مامي؟ مالك وليه متعصبة كده؟ نورا من غير مقدمات ضربتها بالقلم لدرجة إنها وقعت على الأرض من شدته، قدام زمن اللي شبه ابتسامة ظهرت عليها. نورا بغضب: انتي إزاي تسمحي بالغلطة دي؟ ها؟

دي فيها موتك! إزاي تسمحي لابن المغربي إنه ياخد المناقصة دي؟ انطقي. رايا بوجع: مش عارفة والله ما عارفة. أخده إزاي؟ احنا كنا مظبطين كل حاجة والحسابات والرقم اللي حاطينه، بس حد سرب المعلومات من عندنا وأخدوها هما. والله ما أعرف ده حصل إزاي. زمن كانت مظبطة كل حاجة. نورا: اسمعي، زمان دمرناهم وهما وقفوا تاني على رجليهم في لندن، بس المرة دي أنا كنت عايزاهم يتفلسوا. بس هما لسه ثابتين قدامنا. ومين اللي عمل الغلطة دي؟

انطقي، مين اللي باعكم؟ كانت هترد بس طوفان نزل من أوضته وشاف بنته مرمية على الأرض. طوفان: في إيه؟ وليه صوتكم عالي كده؟ نورا: إزاي متبلغنيش إن بحر أخد مناقصة بملايين؟ إزاي ده يحصل؟ طوفان: اهدي، محصلش حاجة لكل ده. صفقة وأخدوها، مش مهم. المهم اللي جاي، فاهمة؟ وبعدين مين بلغك بكده؟

نورا بغضب: الموظفة الغبية دي هي اللي قالت لي. أنا مش هعدي الموضوع ده بالساهل. زمان قلتلكم إنكم لازم تكسبوا، الخسارة مش في قاموس عيلة العسكري. أنا هعرف إزاي هعاقبك على غلطك ده. كل ده تحت أنظار زمن اللي كانت مستمتعة بالمسرحية دي. زمن: لسه انتوا شفتوا حاجة؟ هخليكم تكرهوا أيامكم كلها. طوفان قاطع سرحانها بعصبية وغضب: انتي إزاي تتجرأي وتقولي لزوجتي عن اللي حصل؟ هي صعبة في تعاملها. انطقي، ليه قولتي لها؟

زمن: مش غلطتي، الكلام جه في بعضه حضرتك. وبعدين هعوضها لحضرتك بمكسب أكبر أكيد. ممكن الأوضاع اللي هشتغل فيها. طوفان نادى الخدامة توريها غرفتها. دخلت أوضة مش كبيرة وقعدت فيها، ظبطت حاجتها وطلعت دفترها وكان فيه أساميهم. وكتبت في الصفحة اللي جنبها اسم رايا واللي بتعمله معاها. تشويه سمعتها، هخليها تبعد عن الكل واكسب صداقتها. زمن: نكسب صداقتها الأول وهخليها تطمن لي، وبعدين أدمرها واحدة واحدة. انتي بنت شادية صح؟

شبهها أوي، مش عارفة إزاي البيه والهانم ماخدوش بالهم. زمن سمعت كلامها، دفترها وقع منها وبصت بخوف وصدمة لصاحبة الصوت.