رواية انتقام من غدر الزمن الفصل الثالث 3 - بقلم يارا محمد

رايا بصدمة: إزاي خسرنا المناقصة دي؟ انت عارف كانت بكام؟ احنا كان معانا الورق اللي يكسبنا والحسابات، إزاي ده حصل؟ رواد: اهدي، الأمور مش بتتحل كده. خلينا نهدي ونفكر إزاي خسرنا؟ وانت مش إحنا كنا ضامنين المكسب؟ الشركة المنافسة فازت بيها إزاي يا حامد؟ حامد: مش عارف يا باشا، إحنا كنا ضامنين المكسب. وتاليا النصير، زوجة بحر المغربي، هي اللي كانت حاضرة في المناقصة دي وحطت رقم خيالي معرفناش نتكلم، وأخدتها هي. رايا: مصيبة!

وخلت علينا. هقول لبابي إيه ده؟ كان معتمد على المناقصة دي، وعليا أبلغه إزاي دلوقتي؟ رواد: اهدي يا رايا، هنحلها بالعقل. هو مين اللي ظبط الحسابات والأرقام؟ رايا: البنت الجديدة اللي اسمها زمن دي. رواد: طيب ابعتيلها خلينا نتكلم معاها. رايا بعتت لزمن، وهي دخلت ليهم المكتب، ولاحظت رواد وابتسمت ليه وبصت لرايا. زمن: خير، حضراتكم طلبتوني في حاجة؟ رايا: بعتينا بكام؟ انطقي! مفيش غيرك يعمل كده. قبضتي كام من بحر المغربي؟

زمن: أنا آسفة، مش فاهمة. أنا مش بعت حد، انتوا بتتكلموا عن إيه؟ رواد: رايا اهدي، أنا هكلمها. آنسة زمن، انتي قابلتي حد من رجالة بحر المغربي بعد ما مشيتي عطاكي فلوس علشان تديه الحسابات والمبلغ اللي مطلوب للمناقصة؟ زمن: لأ، محصلش الكلام ده. أنا خلصت الورق والحسابات وسلمتها ليكم ومشيت. يعني أنا مش عارفة بتتكلموا عن مين بالظبط. رواد: خلاص، اتفضلي انتي دلوقتي على مكتبك.

زمن خرجت وراحت مكتبها وقعدت، وافتكرت اللي عملته من يومين قبل ما المناقصة تبدأ. هي خلصت الحسابات وسلمتها، وبعدين أول ما خرجت من الشركة اتصلت على بحر المغربي، اللي جابت رقمه بطريقتها، وطلبت تقابله. فلاش باك: بحر: انتي مين وطلبتي تقابليني ليه؟ عندك إيه علشان تقابليني شخصياً؟ زمن خرجت نسخة من الورق وعطته ليه.

زمن: اتفضل، ده نسخة من ورق المناقصة اللي داخلها قدام عيلة العسكري. هما حاطين مبلغ قليل، وأنا سمعت إنك غني أوي، يمكن أكتر منهم، فـ قدامك فرصة تعلي برقم هما مش هيقدروا عليه. تاليا: وانتي هتستفيدي إيه لما تبعيهم وتسلمي كل حاجة لينا؟ زمن: تار قديم ومش ههدي غير وأنا واخدة حقي. بحر: تمام، موافق. هاخد الورق، بس المقابل عايزة كام بداله؟ اطلبي الرقم اللي عايزاه وزيادة.

زمن: شكراً يا باشا، مش محتاجة. أنا بس عايزة إني أكسرهم وآخد حقي اللي اتسلب مني وعيشوني سنين في جحيم. تاليا: انتي علاقتك إيه بيهم وليه الكره ده كله؟ زمن بابتسامة: أوعدك لو لقيت فيكم الأمان هحكيلكم كل حاجة. عن إذنكم. باك. ابتسمت لما حصل اللي هي عايزاه. و دلوقتي الخطوة التانية: الحسابات تتدربك، وإشاعة واحدة بس تخلي سمعة عيلة العسكري تتشوه.

زمن لعبت في الحسابات وسحبت فلوس قليلة بحيث مش يحسوا بحاجة، ونشرت إشاعة إنه "طوفان العسكري" فلوسه مشبوهة، وإنه بيسحب فلوس بالملايين من فلوس الشركة وبيحطهم في شغل غير قانوني، وليه نشاط تاني غير شغله الأساسي. وحرضت شخصين يأكدوا كلامها، والكلام اتنشر بين الموظفين. وهي ولعت الدنيا أكتر لما قالت إنه مش يقدر يدفع مرتباتنا. كل حاجة عملتها زمن كانت في تلات أيام بس. رايا خرجت من مكتبها على أصواتهم العالية والخناقة.

رايا: انتوا صوتكم عالي ليه؟ دي شركة محترمة للشغل وبس. بطلوا همجية وارجعوا لشغلكم. أحد الموظفين: إحنا مستحيل نشتغل في مكان زي ده. انتوا فلوسكم مشبوهة وبتسرقوا من مال الشركة وتحطوها في حاجات تانية. رايا: انت اتجننت؟ مين اللي بلغكم بكده؟ شركة العسكري شركة محترمة ومستحيل نعمل كده.

الموظفين هاجوا عليها، وزمن بتتفرج ومستمتعة بده. بس سمعت صوت جهوري خلاها تلتفت ليه، والكل سكت من حواليها. وده كان "طوفان العسكري" اللي كل الشركة بتهابه لما بتسمع اسمه، ما بالك لما بيشوفوه. كلهم اتخرسوا وبصوا في الأرض، ما عدا زمن بصت في ملامحه اللي الزمن عدى عليه كتير أوي. برغم تجاعيده وعجزه، بس جبروت أوي. وكانت صح لما فكرت تاخد بحقها ولا تسامحه أبداً لو طلب السماح. طوفان: إيه اللي بيحصل هنا بالظبط؟ انتوا همج كده ليه؟

انطقوا. أحد الموظفين قاله وهو بصله بغضب. طوفان: جبروت؟ وانت مش دافعت عن اللي مشغلك ليه؟ ولا انتوا مش طامر فيكم أي حاجة؟ أغلبكم أنا بصرف عليه. والأولى لما تسمعوا حاجة زي كده تدافعوا، مش تصدقوا. بس عادي، مش مهم. يقولوا اللي يقولوه. وانت عشان صدقت، انت مطرود، وأوعدك مش هتعرف تشتغل في شركة تاني وهتوصل بيك الحالة للشحاتة. فاهم؟ غور من هنا، واللي معترض يحصله.

الكل سكت والموظف مشي مطاطي قدام الناس. وزمن بصتله بحسرة على حاله، وبصت لأبوها اللي أكتر من الوحش ده، مش ينفع يبقى بني آدم.