رواية انتقام من غدر الزمن الفصل الثاني 2 - بقلم يارا محمد

هخليهم يعانوا هيندموا واحد واحد. هوريهم عذاب سنين وجحيم مش هيعرفوا يفوقوا منه. كل مصيبة هعرفهم مين هي زمن اللي الدنيا داست عليها بالجامد. انتي عارفه عنوان شركتهم. أيوة زمن. لو هتعملي حاجة هتاذيكي بلاش يا بنتي خلاص. لا اطمني الأذية هطولهم هما وأولهم طوفان العسكري ولا أقولك ولاده الأول. سابت أمها ودخلت أوضتها واتصلت بصحبتها. راوية بقولك انتي بتشتغلي في شركة طوفان للبناء الصناعي مظبوط. أه بس ليه السؤال ده.

انتي قولتي من فترة إنكم بحاجة موظفين خلاص هاجي يمكن اتقبل. زمن انتي مؤهلاتك مش للشركة. أه عارفة أن خريجة تجارة بس انتي مش تنفعي بشكل لبسك الباهت انسي الموضوع. تمام يا راوية هشيله من دماغي. قفلت معاها بعصبية وقررت إنها هتعمل أي حاجة علشان تدخل الشركة. عملت سي في وراحت الشركة تاني يوم قدمت واتقبلت فيها. اشتغلت في قسم الحسابات وفي ظرف شهر بقيت موظفة كفؤ جداً.

وعرفت كل حاجة عن الشركة والموظفين والأهم رايا العسكري البنت الصغيرة اللي لفؤاد. وعرفت بتكره إيه وبتحب إيه والأهم الشخص اللي بتحبه رواد التهامي ابن شريكهم وابن عمها في نفس الوقت. وهي قررت تلاعبه من بعيد. خلصت شغلها وخرجت من المكتب وهي ماشية اتخبطت في كتف رواد والورق وقع منها. نزلت تلمه وهو ساعدها. بعتذر يا فندم ما أخدتش بالي من حضرتك متأسفة. لا يهمك شكلك جديدة لسه. بالظبط بقالي شهر هنا.

أنا بعتذر مرة تانية اللي حصل مش هيتكرر. لا يهمك يا. أنا زمن. حضرتك زمن عبيد محمود. زمن اسمك مميز أوي. على العموم حصل خير عن إذنك. مشي وهي بصتله بابتسامة مدارية وراها حاجات كتير وكملت طريقها لبرة. بس مش كانت تعرف إن رايا مراقباهم من مكتبها. دخل ليها رواد وقعد قدامها وهي كلمته بضيق. ممكن أعرف بتتكلم مع البنت دي ليه وواقفه معاها كل ده ومش سبتها.

بدأنا البنت خبطت فيا من غير قصد وهي اعتذرت ليا ولفت نظري اسمها مميز كده وحلو. بجد اسمها حلو ده انت اتعرفت بقي واسمها إيه ست الحسن. زمن. بذمتك مش اسم حلو وفيه رونق كده. أهي عينك الزايغة دي هتوديك في داهية. احترم عمك وراعي إني هكون مراتك خلال شهرين. أنا عملت إيه بحكيلك اللي حصل. المهم نخش في الشغل. بصي يا ستي. اتكلموا في الشغل والصفقة والمناقصة اللي هيدخلوها.

في بيت طوفان كان قاعد قدام مراته اللي كانت ومازالت ست جبروت رغم كبر سنها. انت بتقول إيه بقي. إحنا خلصنا منها زمان وأنا عرفت أخلصك منها ومن عقاب عمي إنه يحرمك من ميراثك. جاي تقولي اتصلت بيك تاني وعايزاك تعترف ببنتك منها. تبقي مجنونة لو طالت حاجة زي دي. اللي عملته زمان مش هياخد مش هضيع سمعتي وسمعة ولادي وإنه يكون ليهم اخت شرشوحة مش ليها أصل. أهدي يا جيهان مش مستاهلة عصبيتك دي. أنا حكيتلك علشان تبقي معايا في الصورة.

ما أنا بكون معاك في الصورة لما بتعمل مصايب وبس. لكن غير كده لا. انت شفت بنتك دي قبل كده تعرف اسمها. مش يهمني أصلاً أعرفها ولا أعرف حاجة تخصها. بس ليه السؤال ده. هقولك بعدين. سيبني أخطط بس وأعرفك هعمل إيه. في الشركة بعد أسبوعين. حد من رجال رواد دخل المكتب بسرعة البرق عليهم وهو قلقان. بتقول إيه مش ممكن.