رواية انتقام وعشق الفصل العشرون 20 - بقلم اميرة محمود

فوقي يا ساره فوقي يا قلبي ساره: أنا فين؟ رائد: احنا في أوضتنا، انتي أغمي عليكي وأنا طلعتك هنا الأوضة. ساره: حاسة إن الدنيا بتلف بيا. رائد: طب اقعدي يا حبيبتي متقفيش، أنا هجبلك حاجة تشربيها تفوقك. ساره: لا أنا هنام، أنا تعبانة وعايزة أنام. رائد: شكلك أخدتي ضربة شمس ولا حاجة. ساره: لقيتوا فرح يا رائد. رائد: هنلاقيها، هتروح مننا فين. ساره: متأذوهاش والنبي يا رائد، شكلها يا قلبي خلاص قربت تولد.

رائد: هو حد قالك إني بأذي حريم. ساره: لا بس خلي صاحبك ميجيش عليها، فرح استحملت كتير أوي في حياتها. رائد: صحبي هيموت عليها، أنا حاسس إنه هيحصله حاجة بسببها. ساره: ربنا يستر ويرجعهم لبعض. *** تاني يوم في المطعم. نسرين: هو العيل الصغير ده هو اللي هيتحكم فينا. هالة: عيل صغير مين ده، قمر قدامك أهو، ده في رابعة جامعة. نسرين: اممم. ابن صاحب المطعم: انتي يا هانم اتفضلي اطلعي نضفي المطعم، الأرض عايزها بتلمع.

فرح: أنا لسه منظفاها ومخليها فل. ابن صاحب المطعم: يعني أنا هتبلى عليكي، وبعدين حد بيشتغل وبطنه قدامه تلاته متر، انتي شكلك مش هتنفعي هنا. فرح بدموع: خلاص، أنا خارجة أنضف الأرض تاني. ابن صاحب المطعم: ياللا وبلاش كلام كتير معايا. فرح: حاضر، أنا آسفة. وخرجت تمسح الأرض تاني. سليم دخل المطعم شاف فرح بتمسح المطعم، راح قعد من غير ما تاخد بالها. سليم قعد وطلب أكل وفرح دخلت المطبخ تاني. فرح: ده حيوان، أقسم بالله ماهو بني آدم.

نسرين بعياط: قلبي وجعني أوي، أما عيل صغير في سن ابني الله يرحمه يزعقلي ويهيني قدام الكل، ملعون أبو لقمة العيش اللي تيجي منه، أنا ماشية. هالة: اهدي يا سوسو، نستحمله اليومين دول عما أبوه يرجع. فرح: فعلاً نستحمله، اهو أهانني قدامكم بس كبرت دماغي منه عشان أكمل فلوس الولادة. نسرين: اهو بينده، أما أخرج أشوفه عايز إيه، والله لو ضايقني لضاربه. فرح: لا خليكي، أنا هخرجله أنا، خليكي يا حبي. وخرجت له جري. فرح: نعم يا أستاذ أحمد.

أحمد: الأستاذ اللي على الترابيزة رقم 8 وقع كوباية العصير عالأرض، روحي امسحيها. فرح: ماشي، هدخل أجيب الشرشوبة وجاية حالا. أحمد: ماشي، بسرعة. سليم لنفسه: والله لهخليكي تيجيلي لحد عندي يا فرح، وأشوف هتعملي إيه. فرح: ممكن يا فندم حضرتك تقعد على ترابيزة تانية عشان أمسيح. سليم: رفع راسه لفرح: أوي أوي. فرح بصدمة: سليم! سليم قام وقف

وبصلها بعين كلها احتكار: سبتيني وقولتي مش عايزاني عشان مسببة لك ألم، وقولت ماشي، أما أمك الغلبانة اللي مبتبطلش عياط عليكي دي ذنبها إيه إنك تموتيها بالبطيء؟ ويا ريتك بعدتي عننا ومرتاحة، لا ده انتي اشتغلتي ماشاء الله خدامة. فرح بعين حادة: ملكش دعوة بيا لو سمحت. أحمد بزعيق: إيه ده، عملتي إيه؟ أنا حاسس إنك مش مظبوطة من الأول. سليم ضربه بوكس في وشه: اتكلم عن مراتي كويس يا حيوان. أحمد: مراتك؟

وأما سيادتك، ماشاء الله باين عليك غني، مشغل مراتك خدامة ليه؟ ولا أنت عايش على قفاها؟ سليم فضل يضرب فيه وخرج كل طاقته فيه. فرح خرجت تعيط من المطعم، سليم لمحها، ساب أحمد وطلع يجري وراها. سليم: عجبك اللي حصل ده. فرح بعياط جامد: أنا مممم. سليم لاحظ إنها لسانها تقل ومعدتش عارفة تتكلم. سليم: راح خدها في حضنه في الشارع بره: خلاص، أهدي، أنا آسف، آسف والله، خلاص. فرح خرجت من حضنه: عايزة أمشي من هنا.

سليم: طب تعالي. وركبها العربية بتاعته ومشي. سليم كل شوية يبص عليها: ما خلاص بقي يا فروحتي، بطلي عياط. فرح: آآآآه، بطني، آآآآه. سليم: في إيه مالك. فرح: بولد، آآآآه. سليم راح جري على المستشفى ونزل سند فرح، نزلها من العربية. فرح: آآآآآه، هموووووت. سليم: اصبري بس، أوديها فين؟ هتولد. الممرضة: دخّلها الأوضة اللي في آخر الطرقة، الدكتور هيجيلها حالا. سليم سند فرح دخلها: فرح، اهدي، والنبي اهدي.

فرح بعياط جامد: بموووت، والله بموت، آآآه. سليم بدموع: لا يا حبيبتي، مش هتروحي مني، اصبري، الدكتور فاته جاي، اهدي. الدكتور دخل: ممكن حضرتك تخرج بره عشان نشوف شغلنا. سليم مرضيش يسيب إيد فرح: لا، مش هسيبها، أنا مش هخرج من هنا. الدكتور: خلاص براحتك، بس يا ريت تبعد شوية عشان ميجرالكش حاجة. سليم: ليه؟ هي هتتحول لديناصور وهي بتولد. الدكتور: خلاص براحتك، بس متبقاش تلوم حد غير نفسك.

سليم: ياللا يا دكتور، الله يخليك، خلص، بدل ما هي عمالة تصوت كده. الدكتور: ياللا يا ماما، ساعديني، ياللا. فرح: مش قادرة، والله، خالصوراحت، صارخة، آآآآآه، بصوت عالي في ودن سليم. سليم: اهدي يا حبيبتي، ودني باظت. الدكتور: دي كده بتسخن، أنت لسه شفت حاجة. فرح: اممممم، مش قادرة خلاص. وراحت ماسكة دراعه بأسنانها بكل قوتها. سليم: آآآآه، إيدي، هموووت. الدكتور: بدأنا، ياللا يا ماما، ساعديني، البيبي خلاص اهو قرب ينزل.

فرح سابت إيد سليم وفجأة بكل قوتها قلم على وشه: ربناااااا يسامحك، أنت السبب، آآآآآه. سليم: لا، أنا أخرج بكرامتي أحسن، إيدي كلها دم. فرح: آآآآه، متسبنيش. سليم: خلاص يا قلبي، مش هخرج، أنا واقف جنبك. فرح: عشان تشمت فياااااا، آآآآه، يا حيوااااان. الدكتور بضحك: والله حذرتك، ده مراتك دي محترمة عن اللي بيجوا يولدوا طبيعي. فرح: ماتخلص أنت كمان، آآآآه. سليم: اهدي، اهدي يا حبيبتي. وراح معيط على شكلها جامد وفضل يمسحلها العرق.

الدكتور: الحمد لله، أول واحد اهو، ولد، ماشاء الله. الممرضة أخدته من الدكتور. فرح: كفاية، والنبي، معتش قادرة. الدكتور: يعني هتسيبي اللي لسه جوه يعمل إيه؟ ياللا شدي حيلك معايا. فرح: هموت يا سليم، والله، معتش قادرة، قوله كفااااايه، آآآآه. سليم: معلش، استحملي. الدكتور: خلاص اهو، رأسه بانت، الحمد لله، ياللا يا مدام. فرح: مانت مش حاسس بحاجة يا روح أمك، آآآآه. سليم: فرح، عيب كده. فرح: اخرس يا حيوااااان، أنت كمان.

الدكتور ضحك: والله مراتك بردك محترمة عن اللي بشوفه. سليم: أنا بفكر أزعل بجد. الدكتور: تزعل من إيه؟ دي بتتعذب قدامك أهي. فرح بصريخ: هايحس بيا إزاي، آآآآه. الدكتور: الحمد لله، البيبي طلع بنوتة، ماشاء الله، ياللا شدي حيلك معايا، معدش غير واحد. سليم: ودول أجبلهم هدوم يلبسوها، ولا أجبلهم قفص وحبة قش. الدكتور: هههههه. فرح: أنتو بتهزروا كمان وبتضحكوا، آآآآآه، يااااارب، يااااارب، مش قادرة خالص.

سليم: أنتِ مش كنتي قايلة لي اتنين. فرح: خفت لتحسدهم، أنا عارفااااك. سليم موبايله رن: أيوه يا رائد. رائد: إيه الصوت اللي جنبك ده. سليم: فرح بتولد، بالحق، هات لي قفص بسرعة، قصدى هات هدوم للبيبيات وتعالى لي بسرعة المستشفى اللي في العجمي *****. رائد: بيبيات؟ هما كام. سليم: تلاتة، استنى كده، بقولك يا دكتور، لسه في جوه تاني. الدكتور: هههههه، لا، خلاص. سليم: تلاتة، ولدين وبنت، بسرعة يا رائد.

رائد: يتربوا في عزكم يا حبيبي، هو انتوا اتصالحته. سليم: مش وقته، أنا في أوضة العمليات، سلام. رائد: سلام. وقفل. ساره: مالك بتضحك ليه يا حبيبي. رائد: هههههه، فرح ولدت وسليم معاها. ساره: والله؟ طب هما فين؟ وياللا عشان نروح لهم، وبعدين إيه اللي يضحك في كده. رائد: عارفة فرح ولدت كام. ساره: أي، كام دي، يا واحد يا اتنين. رائد: تلاتة، هههههه. ساره: بجد، ماشاء الله، تبارك الله.

رائد: هههههه، غلط، بدل ما يقولي هات هدوم للبيبي، قالي هات قفص ليهم، بصراحة عنده حق، دول عايزين عشة يقعدوا فيها. ساره: اخس عليك، ده بدل ما تقول ماشاء الله، ياللا، أنا داخلة أغير هدومي بسرعة وتعالي نروح لهم. رائد: ماشي يا حبيبتي، هههههههه، مش قادر أبطل ضحك بصراحة. ساره: أنت مجنون أوي يا حبيبي. وسابته ودخلت تغير هدومها.