رواية انتقام وعشق الفصل الرابع والعشرون 24 - بقلم اميرة محمود

يعني هما مطلقين وهياخدها يروح بيها إزاي؟ أنتو اتجننتوا؟ رائد، اهدي يا منال، هو هيحاول يصلح بس اللي عمله في حقها. منال، حق إيه اللي بتتكلم فيه؟ الحق بيقول إنها متحَلَّلوش. أنت اتجننت يا رائد؟ بتخرف؟ سارة، خلاص يا ماما. جاتلي فكرة. روحي مع سليم وفرح. حاولي متخليهوش يقرب منها، بس يحاول يقربها منه. منال، يقرب منها؟ لا ميقربش منها. لا دي هربت منكم.

رائد، بصي يا مون مون. انتي هتروحي على إنك تساعديها في تربية الولاد. بس سليم هيحسن أسلوبه معاها، عشان ترجع تحبه. ولما ذاكرتها ترجع لها، يبقوا يتجوزوا. وياستي أنا هنبه على سليم مينامش معاها في نفس الأوضة، يتحجج بأي حجة. وأهو الدكتور قال إن الموقويات والعلاج هينشط الذاكرة. المسألة مسألة وقت. سارة، بصراحة أقنعتني يا سليم. منال، تمام. أنا هروح معاهم. رائد، دي هتكهربهم. ربنا يستر. منال، في حاجة؟

رائد، لا عادي يا حماتي. متأخديش في بالك. ادخلي حضري الشنط يا سارة عشان نمشي. سارة، ماشي يا حبيبي. *** سليم، حبيبتي يلا نروح عشان نجيب الولاد. فرح، ماشي. يلا يا... أنت قلت اسمك إيه؟ سليم، مدحت. وبيدلعوني بفوزي. فرح، ههههه. سليم، والله وحشتني ضحكتك وغمزاتك. فرح، اممم. طب يلا قوم نمشي. سليم، ماشي يا قمري. *** سليم كلم رائد ينزله الأولاد. رائد نزل، إحنا ماشيين معاكو. خد ولادك وحماتك، وأنا هركب مع سارة عشان هروح على شقتي.

سليم، هتيجي معانا يا منال؟ منال، برفعة حاجب. أيوه. عندك مانع؟ سليم، ابدأ يا روحي. ده أنتِ تنوريني. منال، بحسب. فرح، ماما ممكن تجيب لي بيبي من معاكي؟ منال، خدي يا حبيبتي. دي ليان. فرح، الله اسمها جميل. سليم بص على بنته. راحت بصاله وضحكت. سليم، الله. دي عندها غمازات زيك. فرح، هو أنت اتجوزتني عشان غمازاتي؟ منال، أنتوا واخدين الغمازات أنتوا وسارة من أبوكوا. الله يرحمه. فرح، الله يرحمه. هو مات إزاي وإمتى؟

سليم، لا دي حكاية كبيرة. خلوها أما نروح. وراح ماسك بنته. راحت ضاحكة تاني. فرح، يا خلااصي. أنتِ قمر ياناس. الحق يا سليم دي عينيها خضرا زيك. سليم، أمم. أخدت بالي. فرح أخدتها في حضنها وناموا. بعد شوية. سليم بص لهم وابتسم وقال لنفسه، سليم الهواري بقي عنده أسرة وعيلة كبيرة بعد ما راحت عيلته كلها. فرح صحت. وصلنا ولا لسه؟ سليم، خلاص داخلين الفيلا حالا. يلا يا حبيبتي. حمد الله على السلامة.

فرح دخلت الفيلا وهي مستغربة كل حاجة فيها. حاسة إنها شافتها قبل كده. سليم، أنا هطلع أنام. يلا نطلع سوا. منال، لا يا فرح. معلش تعالي معايا. أصلي أول مرة أبات بره بيتي وبخاف. نامي معايا عقبال ما أتعود. سليم فهم. ماشي يا فرح. روحي مع مامتك يا حبيبتي. تصبحوا على خير. فرح دخلت نامت مع أمها في غرفتها. *** تاني يوم. رائد، أيوه يا فندم. أنا رجعت حالا. تعالى لي مكتب المخابرات حالا. رائد، تمام يا فندم. سارة، في إيه يا حبيبي؟

رائد، عايزني في مكتب المخابرات دي الوقت. سارة، خير يا حبيبي. رائد، متقلقيش. إن شاء الله خير. سارة، تمام يا حبيبي. مش هتفطر حتى؟ رائد، لا. أنا هفطر هناك. سلام يا قلبي. رائد وصل المكتب. رائد، أيوه يا فندم. في مهمة في منتهى الخطورة، بس أنت هتنقذ بيها البلد يا رائد لو تم. رائد، مهمة إيه يا فندم؟

في شحنة أسلحة داخلة البلد. ومن مصادرنا عرفنا إن اللي وراها راجل أعمال كبير ومعاه تلاتة من بره البلد. الشحنة دي فيها أسلحة ممنوع استخدامها دوليًا. وأكيد أنت عارف إنها رايحة لإيه وفين. رائد، سينا. أيوه سينا. راجل الأعمال ده ليه نشاطات بره ضد مصر. وعامل نفسه وطني وبيحب البلد. رائد، طب ممكن تعرفني كل حاجة عن الشحنة دي وعن الراجل ده؟ أهم حاجة عايز الشحنة تبقى عندي وبعدها بإيدي. والراجل ده متكلبش.

رائد، إن شاء الله هكون عند حسن ظنك سعادتك. أنا أملي في ربنا كبير، ثم فيك يا رائد. عارف إنك قدها. رائد، إن شاء الله يا فندم. عن إذنك. *** سليم خارج من الحمام أخد شاور. لقي فرح بتطلع له هدوم. فرح، صباح الخير. سليم، صباح النور على عيونك يا قمر. فرح، أنت بتصحى بدري أوي كده ليه؟ سليم، أنا اتعودت على كده. فرح، معلش بقي إن ماما خلتني أنام معاها. وراحت تحضن سليم.

سليم بادلها الحضن. وافتكر في لحظة إنهم مش متجوزين. راح باعد مرة واحدة. فرح، في إيه يا ابني؟ مش إحنا متجوزين ولا أنت بتضحك عليّ؟ سليم، مفيش. أصل جالي مغص جامد. اااااه. فرح، طب أجيب لك إيه؟ وراحت جري على صيدلية الحمام. جابت له ملين. سليم، ااااه. مش قادر. فرح، خد اشرب دي وهتبقى كويس. سليم أخدها شربها. وبعد شوية. بين نفسه، طبيعي. فرح، بقيت كويس؟ سليم، يعني بقولك ممكن تنزلي تحضري لي الفطار عقبال ما أخلص لبس. فرح، ماشية.

نزلت فرح تحضر الفطار عقبال ما سليم ينزل. منال نزلت، صباح الخير يا حبيبتي. إيه صاحية بدري ليه؟ فرح، بحضر الفطار لسليم. منال، اممم. الأولاد نايمين فوق. خلي بالك منهم. عمل، أروح التدريب في المدرسة. فرح، هو أنتِ بتدربي ليه؟ منال، أنا مدرسة. والمدرسة هتبتدي الأسبوع الجاي. فلازم أروح التدريب. فرح، طب اقعدي افطري معانا. منال، لا مفيش وقت. هو سليم ماشي صح؟ يعني هتقعدي لوحدك؟ صح؟ فرح، آه.

منال لنفسها، كويس أهو عشان ميأذيش حاجة في البنت وأنا مش هنا. فرح، بتسألي ليه يا مامي؟ منال، عادي. خلي بالك من الأولاد عقبال ما أجلك. سلام. سليم نزل لابس ومتشيك عشان يروح الشركة. سليم، تسلم إيدك يا حبيبتي. بس ليه كل الأكل ده؟ فرح، كل براحتك. أنت بتتعب. سليم قعد وأكل. وجاي يمشي. سليم، بطني. اااه. هو الأكل ده فيه إيه؟ فرح، دي ممكن الحباية اللي عطتهالك. أصلها ملين. سليم، م... إيه... ااااه. وطلع يجري على الحمام.

سليم اتأخر في الحمام. فرح قلقت وطلعت له. فرح، سليم سليم. أنت كويس؟ سليم، بطني. مش قادر. مش هعرف أروح الشركة. ووطا صوته وقال لنفسه، ربنا يسامحني. أنا اللي كذبت. واهي جت على دماغي في الآخر. وبعد شوية خرج من الحمام. فرح، أنا عملت لك نعناع يريح بطنك شوية. سليم، تسلم إيدك يا قلبي. وأخدها وشربها. فرح سمعت حد من ولادها بيعيط. راحت له جري. وسليم راح وراها. سليم، ده التلاتة بيعيطوا مع بعض. فرح، طب والحل؟

تعالي أنا هشيل واحد. وأنت واحد. اللي يسكت نسيبه. نشيل التاني. سليم، طب يلا بينا. وفضلوا على هذا النمط مع الأولاد لحد ما سكتوا. فرح، دول ناموا الحمد لله. سليم، قاعد جنبها. تعرفي إن شكلهم حلو أوي وهما جنب بعض. فرح، فعلاً. اللي يأكد لي إنك مبتكذبش عليّ. وإني مراتك. إنهم شبهنا إحنا الاتنين. سليم، يا سلام. فرح، امم. وحياة عبد السلام. وراحت قاعدة على حجره. وفضلوا باصين لبعض.

سليم حس إنه هيضعف. راح ماسك بطنه وعقد حواجبه. ااااه. بطني. رجع الوجع تاني. فرح، قامت وقفت. فرح، طب تعالي نروح للدكتور أو المستشفى. سليم، لا. أنا هروح الشركة. وأمري لله. وهبقى كويس. فرح، طب ما تقعد انهارده بس معايا. سليم، ماشي. طب هدخل أنام شوية عشان أريح بطني. فرح، ماشي. أنا أدخل أنام معاك شوية.