رواية انتقام وعشق الفصل الثاني 2 - بقلم اميرة محمود

نرمين: حبيبي اتاخرت ليه؟ أنا استنيتك بس انت اتاخرت. اتعشيت عشان آخد العلاج. سليم: ألف هنا يا حبيبتي. رائد: اللي حضرتك توقعته حصل. أيمن تحت برجاله. سليم: أنا نازل حالا. نرمين: في إيه يا حبيبي؟ سليم: مفيش حاجة. عن إذنك يا حبيبي. بالحق، كلمت دكتور في ألمانيا وهنروح. قال فيه أمل. نرمين: انت لسه عندك أمل؟ ده أنا فقدت من زمان الأمل. سليم: ده أنا عندي أمل. وحسين وفؤاد. نرمين: ربنا يخليك ليا يا حبيبي. *** بنتي فين يا سليم؟

سليم: ماقولتلك مبخطفش بنات. أيمن: وديني لو لمست منها شعراية هيكون آخر يوم في عمرك. وسألبه ومشي. سليم: أنا طالع أنام. محدش يعطيها بق مياه. كلامي يتسمع. ماشي يا فندم. *** تاني يوم الصبح. نرمين: صباح الخير يا حبيبي. سليم: صباح الجمال على عيونك يا قمر. نرمين: بكاش. سليم: اخس عليكي. نرمين: والله ما تزعل يا حبيبي. سليم: أنا قايم نازل رايح شغلي. نرمين: ماشي يا حبيبي، في سلامه الله. *** حد حطلها أكل أو شرب؟ رائد: لا يا باشا.

سليم: طب أنا داخلها. افتحوا الباب. هاتوا إزازة مياه. رائد: اتفضل يا باشا. سليم: يخربيت جمالك! ملاك نايم على الأرض. وراح جايب إزازة المياه وكببها فوقها. فرح: اعع! في إيه؟ سليم: قولت أصحيكي. فرح: هو انت هتيجي كل شوية تحرق دمي وتمشي؟ سليم: يا تكلمي معايا بأدب يا متكلميش. فرح: تصدق فعلاً أنا غلطانة. سليم: بسبب اعترافك بغلطتك هخليهم يجبولك فطار. فرح: مش عاوزة. وقامت واقعة مغمي عليها.

سليم شالها بسرعة وطلعها غرفة في الفيلا. نرمين: في إيه يا سليم؟ مين دي؟ سليم: مش وقته. هاتلي حاجة أفوقها بسرعة يا رائد. رائد: اتفضل البرفن أهو يا سليم. سليم نيمها على السرير وقعد يفوق فيها. رائد: دي ممكن تكون ماتت. أهو خلصنا منها. سليم: لا. مش عايزها تموت دلوقتي قبل ما أصفّي حسابي مع الكلب أبوها. رائد: طب أجيب لها دكتور؟ سليم: طب كلم أحمد ييجي بسرعة. رائد: ماشي. نرمين دخلت: مين دي يا سليم؟ وفيها إيه؟

انت بتجيب بنات الفيلا يا سليم؟ اخص عليك. سليم: انتي تعرفي عني كده؟ نرمين: أومال مين دي؟ وخليك صريح. سليم: دي بنت اللي قتلوا أبوكي وأمك والسبب في اللي حصلك. نرمين: طب وجايبها هنا ليه؟ سليم: هاخد بتارهم. نرمين: لا ده انت اتجننت بجد! هتقتل بنت؟ خد حقك من الراجل مش من البنت. وحرام دي ذنبها إيه؟ سليم بزعيق: ذنبها إنها بنته. نرمين: ترضى حد يعمل فيا كده؟ سليم: أرضى لو أنا ظلمت وسرقت وقتلت. رائد: الدكتور أحمد وصل.

سليم: دخّله. أحمد: سلام عليكم. خير يا سليم؟ أحمد دكتور باطنة وجهاز هضمي. يبقي ابن عم سليم. عنده ٢٩ سنة. بيحب نرمين. كل أمله إنها تبقي كويسة. طويل القامة. قمحي البشره. عيناه بنيتان. جسمه رياضي. سليم: أنا عايز البنت دي متمتش. عايزها تعيش. ضروري. أحمد: مين دي أصلاً؟ سليم بزعيق: مش وقته. شوفها يلا. أحمد: هبوط في الدورة الدموية. شكلها مأكلتش ولا شربت. أنا عايز المحلول ده بسرعة يتركبلها. سليم: خد هاتوه بسرعة يا رائد.

أحمد: مين البنت دي يا سليم؟ دي جريمة. شكلها قاصر. ودي جريمة كبيرة. سليم: ملكش فيه. أحمد: هو إيه اللي ملكش فيه؟ سليم: زي ما سمعت. نرمين: محدش قادر عليه يا أحمد. منشف دماغه جامد. أحمد: طب قولي بس عملت فيك إيه؟ مع إنها شكلها متقدرش حتى تعلي صوتها عليك. سليم: رائد جبت العلاج؟ رائد: آه. أهو يا سليم. سليم: ركبهولها وامشي يلا يا أحمد بسرعة. أحمد: انت بتتكلم كده ليه؟ سليم: بعمل إيه؟ مانت اللي مصمم تدخل نفسك في اللي ملكش فيه.

أحمد: ماشي يا سليم. أنا خلصت. عن إذنكم. أما أمشي قبل ما ألاقيك بتجيب البواب يطردني بره. سليم: متزعلش مني. بس أعصابي مشدودة شوية. هي البت دي هتفوق إمتى؟ أحمد: شوية كده وهتفوق لوحدها. نرمين: والله شكلها كيوت أوي. سليم: كيوت مين؟ اطلعوا بره كلكم. سليم خرج راح غرفته وقفل الباب على فرح. راح نام عالسرير. سليم: معقول الملاك ده بنت الشيطان ده؟ موبايله رن. سليم: أوووف. كنت لسه بفكر فيك يا شيطان. أيمن: هتفضل حاجزها عندك كتير؟

سليم: أما تتنازل عن المصنع. أيمن: ولو متنازلتش؟ سليم: هخلي الجاردات اللي عندي يعملوا عليها حفلة. أيمن: لو حد قرب من بنتي أنا هنسفه. سليم: طب أنا نفسي أشوف هتنسفه إزاي. أيمن: زي ما نسفت أبوك وأمك. سليم: وقسما بالله لهخليك تتمنى الموت. مش هخليك تموت موته عادية. والله لهندمك. وراح قافل السكة في وشه. سليم: والله لهنتقم منك يا أيمن الكلب. وهبعتهالك جثة. وقام دخل الغرفة اللي فيها فرح.

فرح: اااه. مش قادرة. أما أقوم أروح الحمام. هو أنا فين أصلاً؟ سليم: فتح الباب. الله! انتي فوقتي؟ فرح بصوت ضعيف: للأسف مامتش. سليم: لا. لسه عايزك عايشة. أنا هخليكي تتمني الموت انتي وأبوكي. فرح: أنا بتمناله أصلاً من زمان. من يوم ما مامي ماتت. بس ربنا مش رايد. سليم: افرحي بقي. هانولهالك. انتي قايمة ليه؟ عايزة تهربي؟ فرح: لا. عايزة أروح الحمام. سليم شاورلها بإيده: هناك اهو. فرح ماشية مش قادرة تمشي ولسه هتقع.

سليم جرى عليها مسكها من وسطها. فرح: لو سمحت سيبني. هعرف أروح لوحدي. سليم فضل باصص في عينيها. فرح: إيه؟ شيل إيدك كده. عيب. سليم سابها وعطاها ضهره ومشي. أيده على شعره بغضب من نفسه. سليم: في إيه؟ هي عينيها بتكهرب كده ليه؟ أنا لازم أبقى شديد معاها. مينفعش كده. فرح اتأخرت في الحمام. سليم راح يخبط: انتي كويسة؟ وسمعها عمالة تعيط. فرح كانت قاعدة عمالة تعيط. سليم: في إيه؟ مبتخرجيش ليه؟ فرح قامت غسلت وشها وفتحت الباب وخرجت.

سليم: أنا نازل رايح الشركة. حسك عينك تخرجي بره باب الفيلا. شيفه الحراس؟ أول ماتفكري إنك تعتبي بس بره الفيلا هتكوني مضروبة بالنار. فاهمة؟ فرح حركت رأسها بماشي. سليم نزل راح الشركة يخلص الاجتماع ويروح. *** في الفيلا. الباب خبط.