رواية انتقام وعشق الفصل الثالث 3 - بقلم اميرة محمود

في الفيلا الباب خبط. فرح: مين؟ نرمين: أنا نرمين، ممكن أدخل؟ فرح: اتفضلي. نرمين دخلت: أنا جبتلك الترنج ده عشان لو هتاخدي شاور، عشان انتي بهدومك من امبارح وانتي تقريبا نفس عودي. فرح: شكراً ليكي، بس مش خايفة يزعقلك؟ نرمين: هو عصبي بس قلبه حنين، ياللا خدي شاور وتعالي نتعشى مع بعض، هو هيتأخر، فتعالي كلي معايا قبل ما يجي. فرح: أو شكراً ياقمر. نرمين: أنا خارجة، هستناكي تحت، ياللا باي.

فرح دخلت أخدت شاور ولبست الترنج وعملت شعرها ديل حصان ونزلت عشان تتعشى مع نرمين. نرمين: أي القمر ده، شعرك جميل أوي، أنا كنت مفكرة إن شعري طويل. فرح: انتي اللي قمر. نرمين: طب ياللا ناكل. فرح: ماشي. فرح قاعدة بتاكل مع نرمين، فجأة نرمين بصت ورا فرح بصدمة. سليم دخل لقي نرمين بتتعشى هي وفرح. سليم شد فرح من شعرها: انتي إيه اللي نزلك؟ نرمين: أنا يا سليم، البنت مأكلتش حاجة، فقولتلها تيجي ناكل سوا.

سليم قعد يجرها من شعرها وطلع السلم بيجرها من شعرها. نرمين: حرام عليك يا سليم، ليه كده؟ سليم فتح باب الأوضة وراح رميها على الأرض. فرح: آآآه، بدموع، أنا عملتلك إيه لكل ده؟ أنا ذنبي إيه؟ سليم: ذنبك إنك بنته. فرح: لو سمحت اقتلني وخلصني. سليم: قولنا مش دي الوقت. فرح: أنا هريحك مني، انت وبابا، وطلعت تجري تفتح الشباك ترمي نفسها. سليم: جرى شدها دخلها. سليم بزعيق: انتي مجنونة؟

فرح: أنا تعبت، تعبت من كل حاجة، أنا مش عايزة أعيش، أنا ذنبي إيه لكل ده؟ سليم: أول ما يتنازل عن مصنع أبويا اللي أبوكي أخده، أنا هريحك وأخلصك من الدنيا دي كلها. فرح: تصدق أنت حيوان بجد. سليم: مين ده اللي حيوان، يابنت الكلب، وراح ضربها بالقلم. فرح مناخيرها نزفت من شدة القلم: على فكرة أنا مش خايفة منك أصلاً. سليم: لا ده انتي جريئة أوي، وفضل يقرب عليها لحد ما لزقها في التسريحة. فرح: أنت هتعمل إيه؟

سليم شد منديل من على التسريحة وراح مسحلها الدم. فرح بصتله باستغراب: هو أنت مجنون؟ سليم بص في عينيها: اسكتي عشان الدم يقف. فرح دقات قلبها بقت سريعة: طااا. سليم: هششش. فرح: طب ابعد شوية، مينفعش كده، الدم وقف. سليم فضل باصص في عينيها جامد. فرح: في إيه، ابعد، أنت لازق فيا على فكرة. سليم فاق مرة واحدة من سحر عينيها: آآآ أنا ماشي. فرح: طب وربنا مجنون. سليم في غرفته: هو إيه ده؟

دي عينيها فيها سحر رهيب، أنا مينفعش أبص في عينيها تاني، أما أنام، عينيها مش بتروح من بالي، أووووف، أما أقوم أشرب سيجارة. فرح: ده مجنون والله، بس والله لهندمه على اللي عمله فيا، أما أقوم أقف في البلكونة، جايز أعرف أهرب. فرح راحت وقفت في البلكونة بتبص لقت سليم واقف بيشرب سيجارة. أوووف بقي، إيه اللي مصحيه ده؟ سليم: دي إيه اللي واقفة دي الوقت في البرد ده؟ شكلها عايزة تهرب.

سليم راح جري غرفه فرح وفتح الباب ودخلها البلكونة من غير ما تحس. فرح: هو راح فين ده؟ كان لسه واقف، أحسن يمكن دخل يتخمد، أما أدخل أنا كمان أنام. بتلف بجسمها. فرح بصوت: أعاااااا، عفريت، عفريت، الحقوني. سليم حط إيده على بقها وشدها يدخلها. سليم: يخربيتك يا مجنونة، ده أنا. فرح فضلت راسا بخوف وبعدين شالت إيده مرة واحدة من على بقها: أنت إيه اللي جيبك هنا؟ أنت اتجننت ولا إيه؟ سليم: انتي إيه اللي واقفة في البرد ده في البلكونة؟

فرح: اتخنقت، وقفت أغير جو. سليم: وحياة أمك، انتي هتستعبطي؟ فرح: مسمحلكش تجيب سيرة أمي، فاهم؟ سليم: نامي، مسمعلكيش صوتك. فرح: لا مش عايزة أنام، أنا حرة. سليم: عارفة شعرك اللي فرحانة بيه ده؟ أنا هقصهولك عشان تبطلي تتلمضي. فرح: متقدرش. سليم: بقي أنا مقدرش، ماشي. سليم قام خرج وعنيه كلها شرار. فرح بخوف: بطلي طوله لسان، ربنا يستر. سليم جاب مقص ودخلها جرى. سليم: أنا بقي هوريك مقدرش إزاي.

فرح: يا لهوي، الحقوني، وفضلت تجري وسليم يجري وراها. لحد ما مسكها. سليم: وقعتي في إيدي، ومسك شعرها وفتح المقص. فرح بدموع: بلاش، عشان خاطر، والنبي بلاش. سليم: فتح المقص، قصهولها ورماه على الأرض. فرح وقعت على الأرض منهارة، مسكت شعرها وفضلت تعيط جامد عليه. سليم زعل من منظرها واتخنق وراح أوضته. سليم: هو أنا بزعل ليه؟ أنا المفروض هنتقم منهم، فيه إيه؟ فرح طول الليل ماسكة شعرها وبتعيط لحد ما نامت وهي بتعيط وماسكاه. تاني يوم.

سليم صحي أخد شاور وجهز عشان يروح الشركة. سليم: أما أدخل أشوفها. فتح الباب واتصدم من المنظر، نايمة على الأرض سانده ضهرها على السرير وشعرها على رجليها. سليم اتخنق ونزل جري ركب العربية وساقها راح الشركة. نرمين: أنا طالعة أقعد معاها شوية يا داده. أم محمد: ربنا يستر والباشا ما يجي يزعقلك. نرمين: والله أنا حبيتها أوي، حاسة إنها غلبانة وملهاش دعوة بحاجة. أم محمد: فعلاً، وسهل، كله براءة. نرمين: طب أنا طالعةالها.

أم محمد: ماشي يابنتي، هجيب ليكم الفطار فوق. نرمين: ماشي يا داده. نرمين قعدت تخبط. فرح: مش عايزة أشوف حد. نرمين: أنا نرمين. فرح: قولت مش عايزة أشوف حد. نرمين جايه تمشي، فرح فتحت لها الباب. فرح: ادخلي. نرمين بصدمة: قصيتي شعرك ليه؟ فرح: اسألي أخوكي. نرمين: هو اللي عمل كده؟ فرح: آه، عشان يحرق قلبي عليه. نرمين: معلش يا فرح، هو أكيد اتعصب، سليم أنا بيتعصب، بيتهور جامد، بس والله بيندم. فرح: ياريت يقتلني ويخلصني.

نرمين: على فكرة أخويا مش هيقتلك، هو بيهدد أبوكي بس. أم محمد: الفطار أهو يابنات. فرح: مش هفطر، مش عايزة حاجة خالص. نرمين: لازم تاكلي عشان ما يحصلكيش حاجة تاني. فرح: يحصل ولا ما يحصلش. نرمين: أقولك على حاجة ومتزعليش. فرح: إيه؟ نرمين: طب وربنا شكلك كده أحلى، أبقى سيبيه كاري كده على طول. سليم ساب الشركة وروح البيت عشان فرح، وأول ما وصل عند غرفتها سمع.

فرح: مامي كان شعرها طويل، وأما أخدت الكيماوي شعرها وقع، وحلفتني إن عمري ما أقُص شعري، عشان كانت بتفرح أوي أما بتشوفني فرداه وتقولي بتفكريني بشعري. سليم: أنا آسف. نرمين: ده بجد سليم بيتأسف؟ دي معجزة. فرح: أسفك هيرجع شعري تاني، اتفضل اطلع بره وشوف هتقتلني امتى وتخلصني، أنا مستعدة. سليم: نرمين روحي أوضتك معلش. نرمين: ماشي، وسابتهم وخرجت. سليم: انتي اللي عصبتيني. فرح: عصبتك؟ هو اللي بيعصبك، بتقصله شعره؟ حلوة دي؟

سليم: والله شكلك كده قمر. فرح: اطلع بره ياللا، بدل ما أوريك وشي التاني. سليم: أنا عايز أشوفه. فرح راحت ضرباه بالقلم. سليم: أظاهر إني خليتك تاخدي عليه، وفضل يلطشها بالأقلام لحد ما وقعت اتخبطت في السرير، أغمى عليها. سليم جرى عليها يفوق فيها، لقي دم نازل من راسها. سليم: أيوه يا أحمد، تعالي بسرعة. أحمد: فيه إيه؟ سليم: فرح وقعت ودماغها اتفتحت، تعالي بسرعة لأنها بتنزف جامد ومغمي عليها. أحمد: طب أنا جاي حالا.

نرمين: ليه كده يا سليم؟ عملت فيها إيه لكل ده؟ سليم: مش هي اللي عملت، أبوها اللي عمل. نرمين: بذمتك مش بتصعب عليكي؟ سليم: مش وقته الكلام ده خالص.