رواية انتقام ولكن الفصل الرابع عشر 14 - بقلم شهد مصطفى

تانى يوم أسيل بتصحى قبل يوسف وبتدخل الحمام تاخد شور. قالت: لازم أقول له. طلعت وكان لسه نايم. نزلت تحت ومسكت التليفون وكلمت حد. أسيل: تمام، النهاردة هنخلص. يوسف: هنخلص من إيه يا أسيل؟ أسيل اتخضت ولفت. أسيل: أنت فين يا يوسف؟ يوسف بحزن: أسيل، أنا صاحي من ساعة ما قومتي وعارف إنك شايفاني. أسيل قربت منه. يوسف: ليه يا أسيل، ده أنا اتغيرت عشانك. نسيت كل حاجة وحبيتك. أسيل بدموع: كنت لازم أعمل كده عشان أحسسك بالذنب وتتغير. ويوم الحادثة أنا افتكرت كل حاجة ورجعت لي الذاكرة. وطلبت من الممرضة تقول لك كده. يوسف مسك دراعها وقال: يوسف: اطلعي بره، أنتِ طالق. أسيل دموعها نزلت وهو طلع فوق. أسيل مشيت وهو مهتمش، بس من جواه بيتحرق. أسيل: الو، يا نسرين اجهزي. بعد وقت، عند مكان مهجور وصل كريم وبعده صابر والد أسيل. صابر: هو أنت بقى اللي طلعت قلت ليوسف كل حاجة؟ كريم: آه، أنا اللي قلت له إنك قتلت أبوه. وهو بدل ما يقتلك يا عمي، خطف أسيل يوم فرحنا. وأنا لما أسيل هربت بعت لها نورا وحازم وهما اللي خدوها بعيد. صابر: وكان إيه هدفك من إنها تبقى مع حازم؟ كريم: إني أبعدها عن يوسف. وفجأة دخل حازم وهو في إيده مسدس. حازم: يعني أنت كنت مخطط لكل ده يا كريم؟ كريم: بالضبط. وفجأة دخلت أسيل. أسيل: برافو عليكم واللهي، ده أنتم كنتم ثلاثي هايل.