رواية انتقام تمارا الفصل الحادي عشر 11 - بقلم رنا سعيد

تمارا بصراخ وبصوت عالٍ بكل وجع وانكسار: أنا موافقة. فهد رجع تاني على الكنبة وقلع قميصه وبقى عاري الصدر. بدأ يقترب منها بحنان ورومانسية، ونظراته متعلقة على جسمها بشهوانية كبيرة. مرة واحدة خدها في الحضن بتملك وغمض عينه بيستنشق ريحة شعرها الجذابة. بعد فترة من الوقت بعد عنها ومسك وشها بحنان ومركز على شفايفها بتوهان وشهوانية.

وبيقرب واحدة واحدة منها عشان يبوسهم، بس مرة واحدة دمعها نزلت من تمارا بقهر وشهقة طلعت منها غصب عنها. فهد بعد عنها مرة واحدة وراح ناحية الكنبة ولبس قميصه بغضب. تمارا دموعها نزلت كالشلالات على وشها وعمالة تشهق بقوة. فهد وشافها بتعيط حس بالندم باللي عمله ولف وشه ناحية التانية ومسح على وشه بغضب. تمارا بصوت متقطع ورجفة في شفايفها: فـ فهد.

فهد أول ما سمع صوتها لف ليها بسرعة وعايز يجري عليها ياخدها في حضنه ويتأسفلها على اللي عمله. وفاهم من نظرات عينها هي عايزة تقول إيه. وجري فتح الباب من نفسه وتمارا طلعت تجري على برا بسرعة كبيرة وركبت العربية. فهد قفل باب الفيلا وبص في الساعة. فهد بغضب: ده مفيش وقت. اللي أنا عملته ده غبي غبي يا فهد. وطلع يجري على برا وركب العربية وساق بسرعة رهيبة. في الجامعة. الأوراق اتسلمت عليهم وبينادوا على الأسماء.

خلود قاعدة قلقانة ومتوترة على صحبتها. المراقب: تمارا محمد شعبان. تمارا دخلت جري المدرج. تمارا وهي بتنهج: نعم. وخلود فرحت أوي لما شافتها وابتسمت وحمدت ربنا أنها رجعت. المراقب: اتفضلي خدي ورقتك وادخلي. تمارا ودخلت وقعدت جمب خلود. وفهد دخل بعدها. وسارة بقت بتبص لتمارا بحقد وهتموت وتعرف اللي حصل بينها وبين فهد لما خدها ومشي. وعد أسبوع على الامتحانات. وجه آخر يوم في الامتحانات وخلصوا على خير والكل بيودع بعض.

خلود وتمارا كانوا لسه هيخرجوا من المدرج ويمشوا. مازن بابتسامة: أشوف وشك على خير يا خلود انتي وتمارا وإن شاء الله بتوفيق لينا كلنا. خلود وتمارا ابتسموا له. وتمارا وخلود جايين يمشوا بس صوت فهد وقفهم. فهد بابتسامة خبث: طب على الأقل تعالوا سلموا علينا قبل ما تمشوا. ده إحنا حتى زملاء مش كده ولا إيه يا تمارا. لا يوجد رد. وتمارا وخلود خرجوا من المدرج والجامعة كلها. في السكن. معلومة: خلود وتمارا ولاد خال.

خلود: هتبدأي من امتى؟ تمارا بابتسامة: من الأسبوع الجاي. خلود بفرحة: مشتاقة لليوم ده بجد. تمارا ابتسمت لها. وعد شهرين وبدأت الدراسة وهنرجع نشوف أبطالنا من تاني. في الكافتيريا. نلقي شلة فهد قاعدين في كافتيريا الجامعة. سارة وهايدي وبوسي ومازن وماندو. ماندو بخبث: إيه فهد أنت مستني حد غيرنا ولا إيه؟ عينيك رايحة كده وكده. فهد بحرج: لأ عادي. مازن باعجاب: أوووبا إيه الصاروخ اللي دخل علينا ده.

ماندو بتوهان: ده بطل وصاروخ وكل حاجة حلوة. هو في جمال كده؟ بس أنا باعتقد إني شاطت بنات الجامعة كلها. ده شكلها جديدة معانا هنا ولا إيه؟ فهد عند فضول يشوف مين البت الجامدة اللي لافتة نظرهم بالشكل ده. فهد أول ما لف وشه وشافها قلبه دق بعنف. فهد بتوهان وفي نفسه: تمارا.