رواية انتقام تمارا الفصل الثاني عشر 12 - بقلم رنا سعيد

مازن بإعجاب: أوووبا أي الصاروخ اللي دخل علينا ده. ماندو بتوهان: ده بطل وصاروخ وكل حاجة حلوة. هو في جمال كده؟ بس أنا بعتقد إني شاقط بنات الجامعة كلها. ده شكلها جديدة معانا هنا ولا إيه. فهد عنده فضول يشوف مين البت الجامدة اللي لافتة نظرهم بالشكل ده. فهد أول ما لفته وشه وشافها قلبه دق بعنف. فهد بتوهان وفي نفسه: تمارا. سارة بغيرة وغضب: فهد. فهد وفاق على صوتها. فهد: إيه ياقلبي. سارة بضيق: إيه عجبتك أوي كده.

فهد بضيق: أنا زهقت من أم الغيرة الزيادة دي. عن إذنك. وسابها ومشي وطلع فوق ودخل المدرج. كانت تمارا قاعدة في أول المدرج وحاطة الهاند فري في ودنها وماسكة فونها وبتقلب فيه. فهد وراح قاعد جنبها يتأكد من ملامحها وأنها أكيد تمارا. فهد بابتسامة: ازيك ياتمارا. تمارا وحاطة الهاند فري في ودنها ومش سامعة. فهد وشال الهاند فري من ودنها. تمارا بضيق وبتحسب خلود اللي عملت الحركة دي. تمارا بضيق: خلود قولتلك مليون مرة مبحبش الحركة دي.

وبتبص جنبيها ملقتش خلود ولاقيته فهد. فهد بابتسامة: وحشتيني. تمارا برفع حاجب: نعم. فهد بابتسامة: انتي صحيح اتغيرتي ياتمارا وبقيتي بطلة وقمر أوي. بس متأكد إنك لسه نضيفة وطيبة من جواكي. وبضحكة تصدقي إني الشلة بتاعتي معرفوكيش ومازن وماندو فضلوا يعاكسوا فيكي على أساس إنك بنت جديدة معانا في الجامعة ومعرفوكيش. وأنا الوحيد اللي عرفتك. وعارف ليه أنا الوحيد اللي عرفتك. بس عارفة ليه؟ تمارا مردتش. فهد ورجع كمل وشاور على قلبه.

عشان قلبي ده بيحبك وعايزك. متعرفيش قد إيه اتعذبت في بعدك عني الفترة دي ياتمارا. طبعًا مستغربة كلامي صح؟ بس دي الحقيقة اللي أنا كنت بتجاهلها ديما. بس لما بعدتي عني الفترة دي اكتشفت إني مقدرش أعيش من غيرك لحظة. وكنت مستني الجامعة تفتح عشان أشوفك بفارغ الصبر ياقلبي. تمارا بضحكة بسخرية: حلوة التمثيلية الجديدة دي. وبغضب ممكن تتفضل تقوم من هنا عشان صحبتي جت وعايزة تقعد مكانها. فهد وبص لقى خلود واقفة وعايزة تقعد مكانها.

فهد وقام بحراج وسلم على خلود وقعد في آخر المدرج جنب سارة والشلة. ماندو بضحكة: شاقطها ولا لسه. فهد ومش بيرد وسرحان في تمارا اللي قاعدة قدامه. سارة بضيق وغيره: مرد. فهد بضيق: عايزة إيه ياسارة. سارة بضيق: أنا زهقت. فهد بضيق أكبر وقام من البنش: وأنا تعبت. وساب المدرج كله ونزل.

وبعد فترة من الوقت خلصوا المحاضرة ونزلوا تحت. وتمارا وخلود قاعدين في الكافتيريا. وفهد قاعد هو والشلة بتاعته. وفهد عينه على تمارا وهي قاعدة. وتمارا خدها بالها من نظراته بس متجاهلاها. والشلة خدوا بالهم من نظرات فهد لتمارا. ماندو بخبث ودقق في ملامح تمارا وعارف إنها تمارا. ماندو بخبث وعينه على تمارا: البت الجديدة اللي قاعدة مع خلود دي. دي بطل يجدعان. يالهوي هو في جمال كده. وعض على شفايفه.

فهد بغيرة وضيق: ماااندو احترم نفسك وملكش دعوة بيها ولا تجيب سيرتها على لسانك تاني. ماندو برفع حاجب: وانت مالك؟ هي تخصك إنت؟ خليك في اللي يخصك بس. وبص على سارة. فهد بحده وقام وقف: أيوه تخصني. فهد وراح عند تمارا. فهد بغيرة وضيق: المحاضرة قربت تبدأ. يلا اطلعي. تمارا برفع حاجب: وانت مالك؟ اطلع ولا مطلعش؟ حاجة متخصكش. يلا شوف انت رايح فين بقا. مش ناقصة قرف عالصبح.

فهد بغضب: تمارا أنا ماسك نفسي عنك من الصبح من طول لسانك ده. لمي دورك بقا ويلا زي الشاطرة بقا اسمعي الكلام واطلعي. سارة من وراه وبصدمة: ت تمارا إزاي. فهد بضيق: اللي جابك ورايا. يلا غوري اقعدي مع الشلة. سارة بابتسامة بسخرية: وأنا بقول الشكل ده مش غريب عليا برضه. وبسخرية بس حلو عمليات التجميل ياتمارا. تمارا بابتسامة مستفزة: عمليات التجميل دي للي زيك ياقلبي. سارة بغضب: انتي نسيتي نفسك ولا إيه يابت؟

وابتسامة بسخرية لو ناسيه هفكرك حالا انتي مين. تمارا بنفس الابتسامة المستفزة: مش محتاجة أمثالك يفكرني ياقلبي. لإن أنا عارفة أنا مين كويس. زاي ما أنا عارفة انتي مين برضه كويس. وبسخرية ياسارة هانم. بس الفرق بيني وبينك إني أنا إنسانة نضيفة من برا ومن جوه. اومال انتي بقا؟ وبسخرية ولا أقولك بلاش نكمل. كل واحد عارف نفسه هو مين كويس. وابتسامة مستفزة. ولا إيه سارة. سارة بغضب: انتي إنسانة حقيرة.

تمارا بابتسامة مستفزة: وانتِ لوكل أوي. سارة ولسه هترد بس فهد زعق فيها. فهد بغضب: سارة روحي يلا اقعدي مكانك. ومشوفكيش أبداً تكلمي مع تمارا. وحسابك معايا بعدين. سارة بغضب: ماشي يافهد. ماشي. وسابته وراحت قعدت مكانها. سارة بغيظ: انتوا عارفين مين البت اللي عاملين تكلموا عليه دي. ماندو بضحكة: تمارا. بس فهد شكله كان بيزعقلك ليه.

سارة بحراج: ابدا. ده كان بيقولي روحي اقعدي مكانك ياقلبي وأنا جاي عشان مش عايزيني أتخانق مع تمارا وأنزّل مستوايا ليها. بس مش أكتر. مازن بضحكة وبخبث: أها عشان كده إحنا فكرنا بيزعقلك والله. هايدي بضحكة: بس البت بقت قمر وبطل فشخ أوي يجدعان. بوسي بابتسامة خبث: بس فهد ماله ومال تمارا؟ عينه منزلتش عليها النهاردة وطلع وراها المدرج ودلوقتي راح ليها بيكلمها. هو مش المفروض بيحبك ياسارة. سارة أضايقت وقامت من مكانها خالص.

عند فهد وتمارا. فهد: أنا آسف بالنيابة عن سارة ياتمارا في كل كلمة قالتها ضايقتك. تمارا ببرود: ممكن تمشي ومش عايزة أشوف وشك تاني قدامي لو سمحت. عشان مبلغش عنك عميد الجامعة وأقول إنك بتتعرضلي وبتضايقني. فهد بابتسامة: انتي بتهدديني بقا؟ ماشي ياتمارا. بس أقولك حاجة؟ أنا مش بخاف من حد. واتقلي براحتك. بس انتي ملكي أنا. فاهمة؟ ملك فهد وبس. فاهمة. تمارا بابتسامة مستفزة: ربنا يشفيك. اتفضل امشي بقا. ولا أقولك إحنا اللي هنمشي.

تمارا وقامت مشيت وخلود قامت وراها. تمارا وهي ماشية طالعة المدرج في شباب بيعاكسوهم وفهد خد باله. الشاب الأول وعينه على تمارا: هي الجامعة مالها بقت حلوة أوي كده ليه. الشاب الثاني: إيه يابطل ماتحن علينا وقول أي كلمة. ولا إحنا مش قد المقام. الشاب الثالث: ولا هو حلو الضحك والكلام. مع فهد وإنت وحش لينا يقطة. فهد وجه من وراهم وضربه بالبوكس في وشه ووقعوا في الأرض. فهد بغيرة وغضب

كالجحيم وعروق وشه بارزة: وماله تعالها. أنا هوريك الكلام حلو معايا أوي إزاي يابن الـ***.