رواية انتقام تمارا الفصل السادس عشر 16 - بقلم رنا سعيد

فهد بهدوء: ساره، إحنا مينفعش نكمل مع بعض. ساره بصدمه والدموع اتجمعت في عينها: فـ فهد، إنت بتقول إيه؟ إنت بتهزر صح؟ فهد ببرود: ساره، أنا آسف، بس إحنا مينفعش نكمل مع بعض. ساره بدموع: ليه؟ أنا عملت إيه عشان تقول نسيب بعض؟ مش أنا بحبك وإنت بتحبني؟ ليه عايز تبعد عني؟ فهد بثقه: عشان أنا محبتكيش. ده كان مجرد إعجاب بشكلِك بس. وأنا بحب تمارا. ساره بصدمه: بتحب تمارا؟ ومجرد إعجاب بشكلي بس؟

ساره وبتمسح دموعها: يا، إنت قد كده إنسان أنا… فهد بهدوء: ساره، ماسمحلكيش. ساره بقوه: تصدق أقولك حاجة أحسن؟ اللي سيبنا بعض. أنا ميشرفنيش أعرف إنسان زايك. حقير بالشكل ده. وسابته ومشيت. فهد ولف وشه لي تمارا وخلود: يلا نطلع المحاضرة. بدأت المحاضرة. فهد وتمارا وخلود طلعوا مع بعض. وبعد فترة خلصوا المحاضرة. خلود: كارما، رايحة فين؟ كارما بهدوء: هروح أقعد على البحر. خلود: هاجي معاكي. كارما: لأ، عايزة أكون لوحدي. خلود: تمام.

كارما ومشيت. وبالفعل راحت على البحر، ولاقت ساره قاعدة بتعيط وصوت شهقات عالية. كارما واقتربت منها: اتفضلي. ساره وبصيت ليها نظرة كلها وجع وكره: عايزة إيه؟ مش كفاية خدتي فهد؟ عايزة إيه تاني منكِ؟ كارما وقعدت جنبها: أول حاجة، امسحي دموعك دي عشان نعرف نتكلم. ثانياً بقا، أنا مخدتش منك فهد وإنتي عارفة كده كويس. ساره: ما إنتي لو مش ظهرتي في حياته، فهد كان هيكون ليا أنا. كارما بابتسامة وبهدوء:

طبعًا كلامك غلط. بصي يحبيبتي، فهد لو كان حبك بجد، مستحيل كان يحبني. لأن اللي بيحب بجد مستحيل، لو مين قدامه، يحب غيره. فهمتي؟

عشان ساعتها حبيبته بتكون مليا عينه هو وبس. وأنا مش ذنبي إن فهد حبني عشان تيجي وتلومني أنا. ومتزعليش إنه سابك، لأن لو كان يستاهلك، كان فضل معاكي. وأكيد ربنا شيلك حاجة أحسن منه. وإنتي إنسانة جميلة وباين عليكي من جوه طيبة. مشكلتي الوحيدة إنك متكبرة وبتشوفي نفسك على اللي أقل منك جمال وفلوس. وده لوحده غلط. بصي حواليكي كده، شوفي كام واحد بيحبك. هتلاقي عدد قليل اللي بيحبك ومعاكي. وهتلاقي منهم اللي مصاحبك عشان فلوسك. وقليل أوي اللي هتلاقي حبك بجد. كلنا بشر ومينفعش نتكبر على حد. من تواضع لله، رفعه. اعملي الناس زاي ما بتحبي يعملوكي. بلاش تتكبري عليهم. الدنيا دي فانية وكلنا هنسيبها. والإنسان سيره، فـ ليه نموت وإحنا سايبين ذكرى وحشة بين الناس؟

فيها إيه لما تسيبي ذكرى حلوة بين الناس؟ يفتكروكي بيها. بدل ما تسيبي ذكرى وحشة وكل اللي يفتكرك يكره اليوم اللي اتعامل وشافك فيه. بدل ما يدعيلك ويدعي لباباك ومامتك على تربيتك الكويسة والجميلة، بدل ما يدعو عليكي من سبب أسلوبك الوحش معاهم. وأنا واثقة إنك زاي ما جميلة من برا، أكيد جميلة ونضيفة من جوه برضوا. ياساره. ساره بستغراب: إنتي إزاي كده؟ رغم اللي عملناه فيكي، وجاية تكلمي معايا كده؟

بدل ما تكوني فرحانة فيا دلوقتي على اللي عملتوه معاكي؟ كارما بابتسامة: ربنا بيسامح. إحنا اللي عبيد عنده، مش هنسامح. ساره بندم وبابتسامة: إنتي إنسانة جميلة أوي يا تمارا، وقلبك أبيض جدًا، وإنسانة تتحبي. ومن حقه فهد يسيبني ويحبك إنتي. أنا آسفة يا تمارا بجد على أي حاجة وحشة أنا عملتها معاكي. بتمنى تسامحيني. كارما بابتسامة: بس بشرط. ساره: اتفضلي. كارما: تتغيري وتقربي من ربنا، وتنسي أي حاجة حصلت خلاص. وأنا سامحتك.

ساره بابتسامة: حاضر. بجد، أنا حبيتك أوي. ممكن نكون صحاب؟ ولو مش عايزة، ارفضي. أنا صحيح هازعل، بس ده من حقك بعد اللي عملتوه معاكي. كارما بابتسامة: قولتلك مسامحاكي. ممكن ننسى اللي فات بقا ونفتح صفحة جديدة. ساره بابتسامة: حاضر. بجد شكرًا ليكي. متعرفيش كلامك فوقني وريحني أوي. كارما بابتسامة: ربنا يخليكي ياقمر. وفضلوا يكلموا مع بعض. في المساء: كارما: ساره دي طلعت بنت طيبة وكويسة على فكرة. بس ظروف هي اللي خلتها بقت كده.

خلود: مالها؟ كارما بنعس: هحكيلك بكرة عشان نعسانة أوي بجد مش قادرة وعايزة أنام. تصبحي على خير. خلود بابتسامة: وإنتي من أهله. وأنا كمان هنام. خلود: فهد بيرن عليكي. كارما بنوم: سيبيه، مترديش عليه. خلود: ماشي. وفضل يرن وهما ميردوش. وكارما آخر ما زهقت عملت فوزها صمت ونمت. صباح جديد على أبطالنا. في الجامعة: كارما وخلود قاعدين في المدرج لوحدهم. والمدرج مفهوش حد. فجأة فهد دخل عليهم هو ومازن. فهد بعصبيه:

ممكن أفهم إيه اللي عملتيه امبارح ده؟ معني إيه؟ وكمان مش بتردي على الفون؟ عشان خايفة توجهيني يا ست هانم؟ كارما برفع حاجب: عملت إيه؟ فهد بضيق: على أساس مش عارفة إنتي عملتي إيه؟ كارما: لأ مش عارفة. ممكن أفهم بقا أنا عملت إيه؟ فهد بضيق: إنتي بتهزري؟ كارما بضيق: إيه هتهزري دي؟ قولتلك معرفش. مش عايز تقول براحتك. فهد بضيق وووووو