رواية انتقام تمارا الفصل الخامس والعشرون 25 - بقلم رنا سعيد

فهد جت عينه على تمارا وفضل يبص عليها بلهفة وشوق وحب وعتاب وكسرة وحزن أنها سابته وراحت لغيره. فهد ولسه هيتكلم مع تمارا بس دخل عليهم فارس، خطيب تمارا. فارس وجرى على فاتن وحضنها بخوف. فارس وقام وقرب من تمارا. فارس: مالها طنط؟ فيها إيه؟ تمارا بخبث وبصت على فهد ورجعت بصت على فارس. تمارا بخبث: متخافش يا حبيبي، ماما بخير. هي تعبت شوية بس عشان مخدتش علاج السكر فالسكر ارتفع فاغم عليها. فاتن بتعب وبصت على فهد اللي قعد جنبها.

فاتن: فهد حبيبي، عامل إيه؟ كده مجتش تشوفني طول المدة دي كلها؟ افرض مت ولسه مكملتش كلامها وفهد حط إيده على شفايفها. فهد والدموع في عينه: بعيد الشر عليكي. انتي أمي التانية ومش مستعد أخسر أمي تاني للمرة التانية. أنا بحبك أوي وكان غصب عني، وإنتي عارفة إني مجيتش هنا. أنا آسف، حقك عليا. فاتن قامت وخدته بالحضن ولحظة الدموع في عينه وإنه عايز يعيط. فاتن بتفهم: ممكن الكل يطلع بره ويسبني أنا وفهد لوحدينا.

الجميع بعد ما طمنوا عليها طلعوا برا. فاتن بحنية وهدوء: عيط يا فهد، عيط، متتكسفش، أنا أمك. عيط يا حبيبي عشان ترتاح، طلع كل اللي جواك وأنا سامعاك. فهد بعياط كالاطفال: ماما، أنا تعبان أوي، تعبان. أنا عارف إني غلطت في حقها بس هي عقبتني بعقاب وحش أوي يا ماما. ليه عملت فيا كده؟ توافق تتخطب لحد غيري وأنا واثق ومتاكد أنها لسه بتحبني؟ ليه كانت عقبتني عقاب تاني؟

وأنا هوافق، لكن متبعدنيش عنها للأبد وتكون مع حد غيري. أنا بحبها جداً يا ماما. تعرفي أنا مكنتش عايز أجي هنا عشانها وعشان كنت زعلان منك إنك وقفتي على خطوبتها على حد غيري. هي ليه عملت فيا كده؟

أنا اتأسفت وندمت على اللي عملته فيا. أنا ندمان يا ماما، ندمان عشان عملت فيها كده وزعلان ومنكسر أوي أوي إنها مع حد غيري. أنا لما بشوفها مع فارس بتوجع أوي يا ماما. آهيء آهيء آهيء آهيء. تعرفي حسيت فيها إنها شبه ماما الله يرحمها في صفاتها وشكلها وكل حاجة. أنا كنت بعتبرها ماما وحبيبتي وأختي ومراتي وكل دنيتي، لكن هي جت وجرحتني أوي بقرار خطوبتها لحد غيري. يا ماما أنا بتوجع من جوه أوي يا ماما، بتوجع أوي. أنا انكسرت ليه تاني مرة من بعد وفاة أمي؟

جت وكسرتني بنتك يا ماما، جت وكسرت قلبي اللي حبها بكل صدق. بنتك كسرتني أوي يا ماما، كسرتني وجرحتني أوي أوي. آهيء آهيء آهيء آهيء. فاتن والدموع في عينها: اهدي بس يا حبيبي، اهدي عشان خاطري، اهدي. والله هي لو من نصيبك هتاخدها. فهد ومسح دموعه: أنا آسف، عارف إني ضيقتك وإنتي تعبانة. المهم إنتي عاملة إيه دلوقتي؟ فاتن ببتسامة: الحمد لله يا حبيبي. فهد: طب أنا هستأذن أمشي بقى عشان ترتاحي، وبكرة هاجي أطمن عليكي.

فاتن: هتمشي تروح فين؟ إحنا النهاردة هنسهر مع بعض لغيت الصبح. فهد: لأ، إنتي هتنامي عشان تعبانة وعشان جسمك يرتاح. فاتن وقامت وقفت. فاتن بضحكة: لأ، الحمد لله أنا كويسة. يلا تعالي ورايا عشان هنسهر أنا وإنت ندردش مع بعض لغيت الصبح. فهد بضحكة: ماشي. فاتن وفهد نزلوا تحت في الصالون وكان الجميع قاعدين في الصالون. فارس: عاملة إيه يا طنط دلوقتي؟ فاتن ببتسامة: الحمد لله يا حبيبي.

تمارا وقامت وقفت: بما إن الكل متجمع النهاردة، أحب أقولكم خبر حلو. أنا وفارس كتب كتابنا الخميس الجاي. الجميع باركوا لتمارا وفارس. فهد بوجع وقام وقف: مبروك. وسابهم ومشي. يوم الخميس كتب كتاب فارس وتمارا. فاتن: هو العريس اتأخر كده ليه يا تمارا؟ تمارا بقلق: مش عارفة، وبرن عليه ومش بيرد. بعد فترة من الوقت. المأذون: طب أنا هستأذن بقى عشان عندي كتب كتاب دلوقتي تاني، عن إذنكم. فهد وجه عليهم: استنى عندك يا حضرة الشيخ.

فهد وقرب على تمارا. فهد بحب وطلع خاتم وقعد على رجله. فهد ببتسامة: تقبلي تجوزيني؟ تمارا ساكتة. فهد ببتسامة: تقبلي تجوزيني؟ تمارا ساكتة ومردتش. فهد ببتسامة: تقبلي تجوزيني؟ تمارا ساكتة ومش بترد. فهد وقام بحرج وحزن ولف وشه ومشي خطوة. تمارا بصوت عالي بفرحة: موافقة. فهد وجرى عليها وحضنها بقوة. وكتبوا كتب الكتاب. المأذون: بارك الله لكما وبارك عليكم وجمع بينكم في الخير. فهد وحضن تمارا. والكل بارك لهم. فهد: أنا بحبك أوي.

تمارا: وأنا بعشقك. تمارا بخبث: بس بصراحة قلقانة على فارس. معرفش هو مجاش ليه؟ معقول يكون حصله حاجة؟ فهد بغيره: أنا خطفته. ولو جبتي سيرته تاني هخلي الرجالة تخلص عليه، فاهمة؟ انتي فاكرة هتكوني لحد غيري ولا إيه؟ انتي بتاعتي وبس، فاهمة؟ تمارا ببتسامة حب: كنت عارفة إنك هتعمل حاجة ومش هتسبني لحد غيرك. عشان كده لما وقفت اتخطب لي عشان أغظك وأنتقم منك، كنت عارفة ومتاكدة إنك مش هتسبني. أنا بحبك أوي يا فهد.

فهد: وأنا بموت فيكي يا قلب فهد.