رواية انتقام تمارا الفصل الثالث 3 - بقلم رنا سعيد

هي دي اللي سيبني عشانها وجاي تشوفها ياشيخ ده انت ذوقك بقى وحش ورخيص أوي. فهد وتمارا بصوا وراهم. فهد بصدمة: سارة. سارة بغل: أيوه سارة ياخاينين ياغشاش. أحسن مني في إيه عشان تسبيني وتروح ليها؟ ياأخي، وبستهزاء: طب على الأقل لما تيجي تخون، خون مع واحدة تستاهل إنك تخون عشانها. فهد قرب عليها ومسك إيدها. فهد بتوتر وبدون وعي: سارة افهميني، الموضوع مش زي ما انتي فاهمة كده. سارة بصراخ: أومال إيه؟

أغيب كام أسبوع، أجي النهارده ألاقي الجامعة كلها بتتكلم على علاقتك بالبنت دي. وأنا كنت مش مصدقة، إزاي فهد السيد يبص لواحدة زي دي؟ مش من مستواه وبيئة كده؟ وعبيطة وهبلة في نفسها، والجامعة كلها بتسخر عليها وعلى تصرفاتها. وغير كده مش حلوة أصلًا عشان يبص ليها. لكن صدقت دلوقتي لما شفت بعيني. فهد فاق لنفسه وبص على تمارا وضرب سارة بالقلم. فهد بغضب: اخرسي، اياكي أشوفك بتكلمي كده عليها. سارة بدموع: بتضربني عشانها يافهد؟

فهد بغضب: وأكسر دماغك كمان. سارة بصت على تمارا بغل وحقد ومشيت. فهد راح لتمارا وجاي يمسك إيد تمارا، لكن تمارا بعدت إيدها عنه. تمارا بدموع: مش قولت إنكم سبتوا بعض خلاص؟ فهد بتوتر: أيوه. تمارا بغضب: واضح من كلامها إنكم سبتوا بعض. عن إذنك. ولسه هتمشي، بس فهد مسك إيدها. فهد بتمثيل: تمارا، والله أنا بحبك انتي وبس. وأنا وهي خلاص سيبنا بعض. أنا معرفش إيه جابها هنا وإيه الكلام اللي بتقوله ده. تمارا لفت ليه وجريت عليه حضنته.

تمارا بحب ودموع: وأنا كمان بحبك. أنا خوفت من فكرة إنك بتضحك عليا ومستحيل تبصيلي زي ما هما بيقولوا، وإنك لسه على علاقة بيها فعلًا. فهد وبعيد عنها ومسك دماغها وباسها. فهد: عايزك تكوني عندك ثقة في نفسك وفيا أكتر من كده، ماشي ياحبيبتي. تمارا بحب: حاضر. فهد: يلا أوصلك بقا. تمارا: لأ، أنا هاخد تاكسي. فهد بضحكة: مفيش منه. وخدها في حضنه وركب العربية ومشي. في المساء. فهد سهران مع صحابه في كافيه.

ماندو بضحكة: بس طلعت بتعرف تمثل أهو. أنا خلاص صدقت إنك بتحبها والله. هههههه. مازن بضحكة: يحب مين يا عم، هي ناقصة مرض؟ ماندو: اتصالح انت وسارة ولا لسه؟ فهد: هي راضية ترد عليا أصلًا. سارة جايه عليهم هي وبنتين. سارة وبتلقيح: وانت ليك عين أرد عليك أصلًا. فهد بابتسامة حب: كان غصب عني، وانتي عارفة. وأكيد مازن فهمك أنا بعمل كده ليه. سارة وقعدت جمب فهد. سارة وباسته من خده: بس كنت لازم تفهمني من الأول. وكمان بتضربني عشانها.

فهد بأسف: آسف، بس أنا كان لازم أعمل كده عشان التمثيلية تكمل يقلبي. وبغمزة: وخلاص حصل خير بقا. سارة بتشكيرة: ماشي. فهد: اضحكي بقا، بلاش أم التكشيرة دي. سارة بابتسامة: ماشي. فهد بضحكة: لأ، قاعد. هههههه. سارة بتشكيرة: ياظريف. فهد بضيق: ما خلاص بقا، قولنا. انتي هتقضيها نكد ولا إيه؟ ماندو: خلاص بقا يجماعة، صلوا على النبي. الجميع: عليه الصلاة والسلام. مازن بخبث للبت اللي قاعدة جنبه وفي ودنها: بس إيه الحلاوة دي ياهايدي.

هايدي ابتسمت له. مازن بضحكة: منورة يابوسي. بوسي بابتسامة: بنورك ياميزو. ماندو: إيه رأيكم نلعب لعبة الصراحة؟ الجميع: موافقين. ماندو شرب بقية الماية اللي في الإزازة. ماندو وهيبدأ يلف الإزازة. ماندو بابتسامة: يلا هنبدأ بسم الله. ماندو ولف الإزازة. ماندو بضحكة: مازن هيسأل بوسي. ماندو غمز لمازن ومازن فهمه. مازن بخبث: بتحبي؟ بوسي بصدمة من السؤال. ماندو بضحكة: جاوبي يلا، مش محتاجة تفكير يعني. بوسي بتوتر: أيوه.

ماندو بتسرع: اسمه إيه؟ بوسي برفع حاجب: أعتقد اللعبة سؤال واحد وأنا جاوبت. ماندو اتحرج من تسرعه وكمل لعب. ماندو: هايدي تسأل مازن. هايدي بخبث: آخر بنت كلمتها كانت مين؟ مازن بضحكة: انتي والله. هايدي اتحرجت. الجميع: الحب ولع في الدرة ولع ولع. ماندو وكمل لعب. ماندو: سارة تسأل فهد. سارة بخبث: فهد، قولي ممكن يحصل زي الروايات وتحب اللي اسمها تمارا دي وتسبني؟ فهد ونفخ بضيق من السؤال. فهد بضيق: لازم يعني تجيبي سيرتها؟

سارة: دي لعبة وكل شي جايز فيها. فهد وبص قدامه وخد نفس عميق. سارة بقلق: جاوب. فهد بص في عين سارة. فهد بتوهان: معرفش. سارة وقامت وقفت بغضب وووووووو.