رواية انتقام تمارا الفصل الثاني 2 - بقلم رنا سعيد

خلصت المكالمة وجاية تدخل مكانها. في بنت حطت رجلها قصادها في سكتها عشان توقعها. وبالفعل تمارا مخدتش بالها وانشنكلت في رجلها بالفعل ووقعت. وكل الجامعة قعدوا يضحكوا عليها. تمارا بصت عليهم بدموع وشافتها وهي حطت رجلها بالعند عشان توقعها. البنت بضحكة: حتى لابساه النضارة ومش شايفة. وفي الوقت ده فهد دخل وشافها في الأرض ومسك إيدها وقومها. فهد بعصبية وهو بيبص عليهم: مين عمل فيكي كده؟

البنت اللي وقعتها بخوف: هي كانت ماشية وانشنكلت في رجلي، وقعت من غير قصد. فهد بهدوء وبص لتمارا: ده اللي حصل فعلاً. تمارا وهي بتمسح دموعها: أيوه. فهد مسك إيدها وقعدها مكانهم. شاب من المدرج: أنا معرفش بتحب فيها إيه دي يا فهد، هههههه. فهد بضيق: آجي أعرفك بحب فيها إيه يا ابن المتناكة. شاب بضحكة: آسف على إيه يا عم الطيب أحسن. تمارا عينها دمعت من الإهانات اللي كل يوم بتسمعها من سبب حب فهد ليها.

وقررت تنهي المهزلة دي النهارده. تمارا بصوت مخنوق: أنا هروح الحمام، عن إذنك. وبالفعل تمارا نزلت ودخلت الحمام وفضلت تعيط، وغسلت وشها وخرجت من الكلية وراحت مكانها المفضل. وبعد فترة، المحاضرة خلصت وفهد دور على تمارا في الكلية وملقهاش. عرف هي فين وقرر يروح ليها. في بنت جاية على فهد: إيه بيبي، رايح فين؟

فهد بزهق: رايح مشوار على السريع وجاي يا سارة، وبحب متحركيش من الجامعة عشان آخدك ونخرج شوية مع بعض عشان وحشتيني، ماشي يا حبي. سارة بابتسامة: ماشي. فهد مشي وركب عربيته وراح ليها. في مكان آخر. تمارا كانت قاعدة قدام البحر وبتعيط. فهد جه وقعد جنبها وخدها في حضنه. تمارا بعدت عنه وقامت وقفت. تمارا بعصبية ودموع: فهد، إحنا مينفعش نكمل بعض. فهد بصدمة: ليه بس؟ إحنا الاتنين بنحب بعض، إيه اللي حصل طيب؟ خليكي تقولي كده.

تمارا بدموع: يعني أنت مش عارف إيه اللي بيحصل؟ مش شايف كمية الإهانات اللي كل يوم بنسمعها؟ مش شايف... وبقهر: عشان أنت حلو وشيك وابن ناس وغني وبنات الجامعة هيموتوا عليك، فمستغربين إزاي تبص لواحدة زي مش حلوة وبتلبس نضارة و... وسكتت ومقدرتش تكمل وفضلت تعيط. فهد قام وخدها في حضنه.

فهد بهدوء: بس أنا مليش دعوة بكلامهم، يقولوا اللي يقولوه. أنتِ حلوة في نظري أنا، أنتِ بالنسبة ليا أجمل بنت شوفتها في حياتي. وأي البنات هتموت عليا دي، دي بنات ملزقة، بنات مش محترمة. كل اللي عايشين بس عشانه إنهم يلفتوا نظر الشباب باللي بيعملوه في نفسهم، سواء في لبسهم أو مكياجهم الأوفر أو ضحكتهم اللي بتجيب لآخر الشارع. دول بنات متصنعة. أومال إنتي مختلفة عنهم؟

إنتي بتصرفي على طبيعتك، محترمة وذكية ومؤدبة وطيبة وفي حالك، ومن كليتك لغاية الساكن اللي إنتي عايشة فيه. وجاية حاطة هدف قدامك دراستك وبس، وده هو اللي شدني فيكي عن البنات التانية يا حبيبتي. تمارا بدموع: يعني مش هتيجي في يوم وتبص للمظاهر وتسبني؟ فهد: عايزة الصراحة؟ تمارا بقلق: أكيد. فهد بص قدامه وخد نفس عميق. فهد بسرحان: عمري ما أقدر أسيبك، انتي بقيتي روحي خلاص. حد يقدر يسيب روحه؟ تمارا ابتسمت.

وفجأة صوت قطع عليهم اللحظة الحلوة دي. صوت: هي دي اللي سيبني عشانها وجاي تشوفها يا شيخ؟ ده أنت ذوقك بقيت وحش ورخيص أوي.