رواية انتقامي و حبك الفصل الثامن والعشرون 28 - بقلم رحمه تاج

بعد اسبوع من اكتئاب ليان، محدش عرف يخرجها من الاكتئاب، لدرجة ادم كان خايف عليها، مبقاش يروح الشغل. في الفيلا. ليان ماشية براحة في الجنينة و ادم ماسكها من أيدها و بيساعدها. والكل قعد في البلكونة بيتفرج عليهم. ادم بص لها وهي ماشية وماسك في ايده وهو ماشي بضهره. ادم بزعل: انتي هتفضلي زعلانه كده كتير؟ هتفضلي مخوفاني عليكي. ليان بصت له بدموع بعد ما وقفت بتعب. ليان: مش قادرة يا ادم، بجد مش قادرة. ادم قرب منها وباس خدها.

ادم: كفاية حزن بقى، علشان نعرف نجيب عيل تاني. ليان بصت له. ادم وهو بيغمز لها وبييقرب منها ومسكها من وسطها: ولا انتي رحت عليكي. ليان ضحكت بالعافية. ليان: انت قليل الأدب، أقسم بالله. ادم وهو بييقرب منها وبيغمز لها. ادم: بقولك إيه، متجيبي بوسة. ليان اتكسفت وضربته على صدره. ليان: عيب ها، عيب. ادم: عيب إيه بس، انتي تعرفي بقالي قد إيه محضنتكيش. ليان وهي بتحاول تفك إيده اللي على وسطها.

ليان: بس بقى يا ادم، ده أنا كل يوم مبنمش غير في حضنك. ادم شدها أكتر عليه. ادم: أنا كدب، طيب هاتي بوسة وأسيلك. ليان بتبعد وشها عنه. ليان: لا. ادم: لا والله، هاخد البوسة. ليان بضحك: ادم، عيب بقى خلاص. ادم: لا والله، عيب. وبيبوس خدها وليان عمالة تضحك وبتحاول تبعد. ليان بضحك: ههههه، ادم، عيب. ادم بيبوس خدها وحضنها وبييبوس رقبتها. ليان بضحك: ههههه، لا، بغير، بغير، أوعى. ههههه. ادم: لا. وعمل يحضنها.

ليان بضحك وهي هتقع ورجليها بقت في الهوا. ليان: خلاص، بالله عليك، خلاص. ادم رفعها من على الأرض بإيد واحدة وبإيد التانية ماسك إيدها ووشه في رقبتها وهي بتضحك. ليان بتعب وهي بتضحك: ادم، مش قادرة، والله بجد، حاسة بطني اتفتحت. ادم بص لها ووشه كان أحمر. ليان بخضة ومسكت وشه. ليان: انت وشك أحمر ليه كده. ادم باس إيدها اللي على وشه وباس خدها ونزلها براحة على الأرض. وليان غمضت عيونها بالم. ادم: بس خدها تعبانة، تقعدي.

ليان هزت راسها. ليان: آه. ادم شالها براحة وهي ساندة راسها على صدره وهو بقى يتمشى براحة وهو بيبوس راسها. ليان بتعب: ادم، أنا تعبانة. ادم راح قدام البسين، موجود ركنة كبيرة جداً، راح عليها وقعدها براحة وحط ورا ضهرها مخدة وحطت عليها كوفرته. ليان بتعب: ريح فين. ادم: هنام في حضنك. ليان بذهول: هنا. ادم: اممم. وقلع التيشيرت بتاع ضهره ورمه على جنب وقعد جنبها وخدها في حضنه. ليان حطت راسها على صدره وسكتت. ادم قعد سرحان.

ليان بصت له بحزن. ليان: انت متأكد إنك هتبقى مبسوط معايا. ادم قربها منه وباس إيدها. ادم: بلاش تفكري بالطريقة دي، لأنك عارفة إنك أغلى حاجة في حياتي، أغلى من نفسي، أغلى من روحي، أنا من غيرك أموت، صدقيني. ليان بلهفة: بعد الشر عندك، اللي يكرهك يا رب. ادم بخبث: يعني انتي مش بتكرهيني زي ما قولتي في المستشفى. ليان بلهفة ومسكت وشه. ليان: لا، متقولش كده، ده انت كل حاجة ليا، انت نبضي يا ادم، أنا بحبك، وانت عارف كده صح.

ادم مسكها من وسطها وشدها عليه لدرجة وشها قصاد وشه بالظبط وشفافهم لمست بعض. ادم وهو بيبص على شفافها. ادم: عرفت طبعاً، وعرف كمان إني عاوزة بوسة. بص لها في عيونها. ادم: يا عسل بمكسرات. ليان بتوهان في عيونه: ها. ادم بخبث وهو بيحكم في مسكتها. ادم: ها إيه. ليان فاقت من سحر عيونه واتكسفت وبتحاول تبعد عنه. ادم بضيق: إيه، في إيه، م كنا حلوين. ليان: أوعى يا عم، حد يشوفنا. ادم وهو بيقفل إيده عليها.

ادم: انتي شايلة هم الناس ليه، ما يشوف يشوف، الله. ليان بضحك وهي بتبعد إيده. ليان: لا، عيب. ادم: يا ست، متخافيش، محدش يشوفنا، تعالي بقى. ليان وهي بتضحك وبتحاول تفك نفسها منه. ليان: لا. ادم: أنا عايز بوسة. ليان بضحك بتعب: لا. ادم: ولو ختها عفيه، اد هاني انتي يله، أحسن ما أخده. ليان شالت إيدها من على إيده اللي ماسك وسطها وهتسكت. ادم: أيوه. ليان: طيب حاضر. وبصت حوالي ها زي الحرامية وقربت من خده وبوست. ادم برفع حاجب.

ادم: لا ي شيخة، تصدقي تعبتي نفسك. ليان بمكر: ليه يا حبيبي، معجبتكش. ادم بخنقة: لا، معجبتنيش، انتي بتبوسي ابنك. ليان وهي بتقرب منه بدلع. ليان: أيوه طبعاً يا حبيبي، انت ابني الكبير وجوزي وحبيبي وأخويا وأبويا وكل حاجة ليا. ادم ينفذ صبره وهو بيبص على شفافها. ادم: لا كده كتير بصراحة. ليان بستوه من خده بتعب. ليان: لإن الجرح وجعها جداً، خلاص كده، مرضي. ادم لاحظ تعبها. ادم: مرضي يا ستي. وسابها براحة وحط راسها على صدره.

ليان سكتت، هي بتبص للبسين. ادم بص لها وفهم نظرتها. ادم: تيجي. ليان بصت له بستغراب. ليان: تيجي إيه. ادم: ننزل المايه. ليان: لا، غلط على الجرح. ادم: حبيبتي، انتي استحمتي امبارح، يعني عادي. ليان بخوف: لا، بردوه أخاف. ادم: صدقيني، خلاص انتي خفيتي، انتي بس اللي بتدلعي عليا علشان تعرفي غلوتك عندي. ليان بتعب: بجد مش بدلع، أنا تعبانة. ادم: عرف ي نور عيني إنك تعبانة، معلش، هتخفي، استني أجيب لك مسكن. ليان: لسه واخده.

ادم: طيب نامي شوية. ليان غمضت عيونها. ليان: تعرف. ادم: اممم. وباس راسها ومسك إيدها بيبوسها. ليان دموعها نزلت. ليان: وجع إني عيالي نزلوه أوجع من مليون عملية. ادم: لا لا لا، قولنا مفيش عياط صح، وقولنا كمان إني إحنا في البداية. ومسح دموعها وبصلها. ادم: كفاية دموع، ماشي. أنا ممكن أحلف إنك حتى لو حملتي، هغصبك تنزليه. ليان بصت له بصدمة. ليان: انت بتقول إيه.

ادم: بقول إن لو شفتك بتعيطي تاني، أنا هقلب بجد، وحلفت إنك حتى لو حملتي، هغصبك تنزليه. ليان سكتت. ادم: حبيبتي. ومسك إيدها باس إيدها. ادم: أنا بحبك انتي، وكفاية، كفاية زعل. ليان بدموع: هو انت ليه مش زعلان زي. ادم اتعدل في قعدته بهدوء ومسك إيدها وحط إيده على خدها. ادم: أنا مش زعلان يا ليان، دول ولادي يا حبيبتي، أكيد هزعل، بس هزعل وهم في الجنة، انتي تزعلي إن عيالك مبسوطين وفي الجنة.

ليان بدموع: لا، مزعلش إن عيالي في الجنة. ادم: بس خلاص، وصدقيني هتجيبي عيال كتيرررر أوي وهيجننوكي، كفاية دموع بقى، اوكي. ليان هزت راسها وسكتت. ادم مسح دموعها وباس خدها وحضنها وهي حضنته ولف إيدها على رقبته وحطت وشها في رقبته وهو بيمشي إيده على ضهرها وبيلعب في شعرها. ادم حس بدموعها اللي نزلت على رقبته. ادم باس راسها وبيطبطب عليها. بعد شوية على الوضع، وحس إنها نامت.

نيمها كويس على الركنة وغطاها وبص في وشها ومسح دموعها وبعد الخصلة اللي على عيونها وباس خدها ووقف ولبس التيشيرت ومسك اللاب وبدأ يشتغل عليه. بعد عشر دقائق، غرام جت قعدت جنبه من غير ما تتكلم. ادم بص لها وبص في اللاب تاني. ادم: مالك يا غرام. غرام لكسوف: احم، يعني أنا كانت، يعني. ادم: قولي من غير كسوف، اتكلمي. غرام: يعني عايزة فلوس، ولا أقولك، خلاص. وسكتت. ادم مسك فونة وعمل حاجة وصلها.

غرام فونها عمل رسالة، فتحت فونها واتصدمت وبصت لادم. غرام: ليه كل ده. ادم: اطلبي اللي انتي عايزاه، وقولت لك مليون مرة، خدي ورثك اللي بابا كتبهولك، رفضتي، وعرضت عليكي مصروف كل شهر، مردتيش، عرضت عليكي إني أعملك فيزا، انتي مردتيش، شوفي عايزة تجيبي إيه وهاتي، انتي كده معاكي فلوس. غرام بصدمة: بس كده كتير. ادم: ملكيش دعوة، ويلى قومي بقى، بطلي رخامة. غرام بضحك: ماشي. وقفت مشيت.

ادم بص لليان اللي نايمة ومسك الفون وراح بعيد يتكلم فيه. بعد شهر. روان قاعدة على الكنبة بتتفرج عليها وعيونها حمرا. الباب فتح ومازن دخل ورمى المفاتيح على الجزامة وبص لروان بملل ودخل على أوضة النوم وبيقلع التيشيرت. روان بصت له بدموع ووقفت بعصبية وراحت وراه دخلت لقتوه بيقلع التيشيرت بعد ما قلع التيشيرت. روان بعصبية ودموع: ها يا أستاذ مازن، إيه أخبار مراتك التانية. مازن بص لها بملل: مراتي مين.

روان بانهيار: والله، يعني انت متجوزتش من خمس أيام، انت إزاي خاين كده، أنا بكرهككك، بكرهك يا مازن، طلقني يا مازن. مازن بملل: مبطلقش. روان بانهيار: لا، هتطلقني، ورجلك فوق رقبتك، سمعني، هتطلقني. مازن: مش هطلق. روان: لا، هتطلق، أنا بكرهك يا حيواننن. مازن آخرسها بقلم وبص لها بغضب شديد. مازن: اتمسي وقولي يا مساء. روان بانهيار: بكرهك يا مازن، بكرهك، وقربت منه وبدأت تضربه بضعف.

روان: بكرهك يا مازن، طلقني، عمري ما هرجعلك زي الأول، سمعني، عمري ما هرجعلك، وابنك اللي في بطني، بح، مفيش ابنك مات بسببك، سمعتني، انت السبب، حسبنا الله ونعمل وكيل فيك، سمعتني، أنا بكرهك، ورقتي تجي بكرة على بيت ابويا. وخرجت من الشقة كلها ونازلة على السلم. وآدم شافها. ادم بخضة: روان، مالك، بتعيطي ليه. روان بانهيار: آدم، خالي أخوك يطلقني، عشان أنا مش هرجع له، سمعتني يا آدم.

ونزلت تجري على السلم ودخلت عمارت أبوها وطلعت الشقة، فضلت تخبط، ملقتش حد، نزلت وطلعت عمارة آدم تاني وطلعت الشقة اللي فوق شقة مازن، الشقة دي آدم مديها المفاتيح تظبط الشقة على ذوقها، قعدت في الشقة وقفل ت على نفسها وانفجرت في العياط. روان بانهيار بعد ما وقعت على الأرض. روان: بكرهك يا مازن، بكرهككك، بكرهككك. وراحت عليها نومة.