رواية اوجاع الماضي الفصل الخامس 5 - بقلم سلوى عوض

متقلقش يا بوب، بس حضرتك لازم تقول لجدو ليه سافرت وسيبت فرحك وعروستك؟ بقولك يا بنتي، أبويا خد عزايا وقال للبلد كلها إني موت، لأني سبت بنت عمي ومشيت. ودي فضيحة كبيرة عندنا، إحنا صعايدة يا بنتي! وأكيد الناس كلها مسكت سيرتها وقالوا عريسها فاتها يوم كتب الكتاب، يعني أكيد شاف حاجة عليها. لكن يشهد ربي إن صافيه نعم الأدب والأخلاق، دي تربية أمي ست الكل، ومربّية معانا ومع أختي إكرام.

أنا ضحيت بحبي، وفوّت أهلي وناسي، وكسرت قلبي وقلبها، علشان ما أكسرش قلب أخويا. خلاص يا بوب، قطعت قلبي... يخرب بيت برودك! إنت إيه؟ ما عندكش أي إحساس؟ خلاص بقا! حضرتك بتقول إنها اتجوزت عمي، وكمان خلفوا تلت عيال! عامل مناحة ليه بقا؟ وبعدين الموضوع ده عدى عليه كتير أوي، واديك أهو خلفت بغلين وجحشة صغيرة! والله لأقطعلك لسانك الطويل ده، ادهم! ده لو حصلتني! ربنا يهديك وتعقل يا ادهم. لأ، متحلمش! ده هيفضل طول عمره أهبل!

طاب كده يا جحشة! شايف ابنك يا بابا؟ معلش، سيبكم منه دلوقتي... ننتقل إلى الصعيد –منزل العائلة الجد حامد يجلس مع زوجته جميلة إيه يا غالية، لساكي زعلانة مني ومحارباني؟ ربنا يرد الغايب المظلوم! لو أعرف بس عملنا ليه كده، وسابلنا الفضيحة؟ ولدي مش جليل الأصل، وقلبي محدّثني إنه مظلوم. طاب خدي علاجك علشان ترجعي زي زمان. هاتلي ولدي، وأنا أخف وأجُوم أرمح في البلد كلها... يا رب، يا ولدي، عمل إيه الزمن فيك؟ يا ترى عايش؟

ولا بعد هانت عليك أمك يا عز؟ طمّني عليه يا رب... أنا نازل أشوف حالي. ربنا يهديكي ويشفيكي... ينزل حامد للأسفل، ويجد "صافيه" تجلس حزينة يا صافيه، مالك بس يا بت أخوي؟ مافيش يا عمي... بس قلجانة على روضة، مرت شمس. البت فيها حاجة! أنا هخلّي شمس يوديها للحكيم. آه يا عمي... البت مبتقومش خالص من رقدتها، وشمس، ولدي، حالته تقطع القلب. فين شمس؟ فالمكتب جوه، قاعد لحاله. هخشله أنا واتحدث معاه. أعملك قهوة يا عمي؟ ياريت يا بتي.

من عيني، حاضر... الجد حامد: مالك يا شمس؟ الدنيا كلها! سلامتك يا جدي... الله يسلمك يا ولدي، أبوك فينه أمال؟ من عشية مشفتهوش... يسمعوا صوت عالي أهو جبنا سيرة القط بيزعق! ليه الغجري ديتي؟ أنا هطلع أشوفه. يخرج شمس ويجد والده يتحدث مع والدته بغضب فيه إيه يا أبوي؟ حسّك عالي ليه؟ بس انته يا واد! جدك أنا بتحدث مع مراتي، ليكش صالح! حاضر يا عبدالرحيم، هعمل القهوة لعمي وأحضّرلَك غيارك.

جُلت غوري، طلعي الغيار، مفاضيش أنا ليكي، ولا لعمك! جيري لمّي العفش كله! كتر خيرك يا واد عمي... خلّصي غوري، مره فجر! مش عاوزين الحديث ديتي يا أبوي! والله عال! هتعلّمني أتحّدث مع مراتي كيف؟ مش قصدي يا أبوي، إنما بس بقول إن أمي مبجتش صغيرة على الشتيمة كل ساعة والتانية! طاب إيه جواك؟ أشتها وأضربها بالمركوب كمان؟! العايبة دي بتاعت عز! وايه لزمة الحديث دي؟ ما كل حاجة راحت لحالها من زمن الزمن... مين عز ديتي؟

وإيه صالحتها مع أمي؟ خلاص يا شمس، خش انت لجدك يا ولد. يالله يسامحك يا عبد! يعني محدش راضي يقوللي عز ديتي مين؟! تدخل إكرام فجأة ما تتكلم زين مع مرتك يا عبدالرحيم! والله عال! ماناقصش كمان غيرك إنتي، يا عاجز، يا جليلة الخلف! إيه اللي مجعدك هنا؟ متغوري على بيتك! يخرج الأب على صوت عبدالرحيم العالي بقولك إيه يا واد؟ لما يبجالك بيت، ابجا اتحكم مين يقعد ومين يِهمِل! معارفش، أنا الموت تايه عنيك فين! يدخل نزار على صوته

يا أهل الدار! إيه مالكم؟ صوتكم جايب لغاية مصر! الحمد لله على السلامة يا ولدي. ليه ما اتكلمتش؟ كتّ بعتلك عربية تجيبك من المحطة! أنا جيت بعربيتي. مش قلتلك ألف مرة ما تسوقش مسافات طويلة؟! سواقتك زفت! والله عال يا شمس! عامل كبير على خيك وأنا واقف! له يا أبوي، أخويا بس، خايف عليا! طاب يا أخويا، خليه ينفعك! متغوري، طلّعي الغيار! أسلّم بس على ولدي... اتوحشتك يا أمي... وعمتك له! ده كله إلا إنتي يا عمه... إنتي أمي التانية!

أمك كيف يا واد؟ ديه عاجز مبتخلفش! كتر خيرك يا أخوي... استهدوا بالله بس... ميصحش كده يا أبوي! نعم؟! انت كمان هتعلّمني الأدب يا واد؟ غوروا كلكم، خلّف يعر! يتركهم ويخرج خارج المنزل أخبارك إيه يا نزار؟ الحمد لله يا جدي... تخبّرو، قابلت مين وأنا جاي؟ عمي بسيوني، ومعاه بنته عشج إكرام... بسيوني ده كان صاحب الغالي وشجيجه... الغالي؟ والغايب؟ مين هو يا ناس؟ خلصنا بقا! ماعادش عاوز أسمع ولا حد منكم يتحدث!

وانتي يا إكرام، كفاية، جلبتوا مخي... الله يجازيكم. في القاهرة –جميلة تتصل بالمعد بقولك إيه يا برنس، فاكر المكالمة الأخيرة بتاعت الراجل الصعيدي اللي قال إنه هيستضيفنا عنده؟ آه فاكر طبعًا! احنا نسّقنا معاه، وأخدنا العنوان، وكله تمام. طاب، كلّمه حالًا، وقوله إننا هنوصل عندهم بكرة إن شاء الله. آه، وبالنسبة لفريق البرنامج، احجزلهم في فندق، علشان أنا مسافرة أنا والعيلة. ليه يا جميلة؟ بعدين أفهمك...

بس اتصل بيهم حالًا وبلغني. حاضر! تشرفوا في أي وقت، تحت أمركم... مين دول اللي يشرفوا؟ ده البرنامج بتاع المذيعة حبيبتك، بيقولوا جايين بكرة. طاب عال عال! يالله، وضّبوا البيت! اطلعي يا إكرام، افتحي الجناح المجفول، ووضّبيه! جناح إيه؟ الجناح المجفول؟! جُلت! تقصد جناح الغالي، الأب؟ اسمعي الكلام وخلصي! أمي لو عرفت، هتزعل مني جوي! مالكيش صالح بأمك، اسمعي الحديث! في القاهرة

خلاص يا بوب، أنا خلّصت كل حاجة، وإن شاء الله هنسافر بكرة. برده عملتي اللي في مخّك؟