رواية اوهام الليل الفصل الثالث 3 - بقلم شروق فتحي

كانت واقفة لتشعر بأن قطرة سقطت على ملابسها ولكنها لم تكترث لها. لتجد أن السماء يتساقط منها وكأنه شلال، ولكن لم يكن ماء بل كان دماً. لتهلع فلك من هول المنظر، وملابسها كانت مليئة بالدماء. ظلت تركض وهي لا تعرف إلى أين ذاهبة، ويتردد في أذنها اسمها "فلك…فلك…فلك" ولكن بصوت يدخل للقلب الرعب. لتجد أحد أمسك قدميها، لتنظر. وعندما نظرت كان شخص وجهه مشوه مليء بالجروح والدماء. لتصرخ وهي تحاول أن تبعد عنه.

ليقف مرة واحدة وهو يقترب منها، وهو يضحك: هههه أنتِ خايفة أنتِ لسه شوفتي حاجة! وهي تصرخ بطريقة هستيرية، لتستيقظ من نومها وهي تصرخ. لتذهب لها والدتها: في إيه يا حبيبتي…إحنا جمبك مش تخافي! وهي تبكي بطريقة تقطع القلب: أنا تعبت تعبت! ليدخل لها والدها، ويجلس بقربها وهو يربت عليها: بصي روحي الكلية انهارده…تغيري من الجو ده! وهي تهز رأسها، وتحاول أن تقف، وهي تشعر بأن جسدها منهك.

وتدخل الحمام بعدما انتهت وارتدت ملابسها، لتجد بأن هناك ألم شديد يحرق ذراعها. لتصرخ من قوة الألم، ليفتح والدها الباب بقوة: في إيه يا حبيبتي! وهي تصرخ بشدة، وممسكة ذراعها: أيدي!!! فيها نار!!! والدها وهو يحاول أن يمسك ذراعها: نار إيه وريني! وعندما نظر لذراعها صدم. كان مكتوب على ذراعها رمز وكأن أحد أمسك سكين وتمت كتابتها بها. ايه ده ايه اللي حصل…هو ايه اللي حصل ردي عليا!

وبعدما كانت تشعر بهذا الألم جلست على الأرض، وأعينها ذبلت من كثرة الدموع. ليقترب والدها منها: طيب تعالى نخرج من هنا! وهو يساندها للخروج خارج الحمام، لتجلس على الأريكة. والدها وهو يضع يديه على ظهرها بحزن: ايه اللي حصل بس يا حبيبتي! وهي تتحدث بإرهاق: أنا كنت بعدل لبسي…لقيت إيدي…كأن فيها نار…عمري ما حسيت بوجع كده! والدها محاولًا بث الطمأنينة لها: بصي أنا انهارده هتصرف صدقيني وهنحل الموضوع ده! وهي تهز رأسها:

ماشي هقوم أجهز نفسي علشان أروح الكلية…وأحط حاجة على وشي أحاول أخبي علامات الزرقة دي! ذهبت لتجهز نفسها، وذهب معها والدها لجامعتها لإيصالها. صديقتها وهي تتفحص وجه فلك: مالك يا بنتي…وشك باين عليه الإنهاك كده ليه؟! وهي تنظر للأسفل: مفيش يا ملك مش نمت كويس بس! صديقتها الأخرى بنوع من المزاح: مش نمتي كويس…دانتي كأنك مش شوفتي نوم من سنين! فلك وهي تضع كفها على وجهها كنوع من أسناد وجهها: أنا لما مش بنام بكون كده! صديقتها

وهي تهز رأسها بتفهم: أيوه أكيد نوم شئ أساسي…بس احنا هننزل بعد المحاضرات علشان ناكل! صديقتها الأخرى: ده أكيد! بعد انتهاء المحاضرات، ذهبت فلك للحمام، وهي تنظر في المرآة بإرهاق. لتجد أن في الانعكاس كان وجه مخيف. لتنظر خلفها ولكن لم تجد شيئاً. لتنظر أمامها لتجد شخص لا يفصل عن وجهها يكاد شيئاً: أحنا هنفضل وراكي وراكي!!! ليختفي، لتصرخ فلك. لتدخل لها ملك: في إيه يا بنتي مالك! وكانت فلك تبكي، لتعانقها محاولة أن تهدأها.

صديقتها الأخرى: تلاقيها لقت حشرة ولا حاجة…وخايفة من كده! ملك وهي تنظر لها بغضب: بس يا روح…باين عليها في حاجة خوفتها جامد! روح وهي تأخذ نفس عميق: مالك يا بنتي…ايه اللي حصل! لتبتعد عن ملك، وهي تمسح دموعها: مفيش افتكرت أنا شوفت حاجة…يلا علشان ناكل! لتنظر لها ملك وهي تعقد حاجبيها، وكأن قلبها يخبـرها أن هناك أمراً آخر: حاجة حاجة إيه! فلك وهي تشعر بأن قلبها أن هناك صخرًا عليه: مفيش بيحصلي ساعات تهيؤات كده!

وقبل أن تجيبها ملك، تتدخل روح: خلاص يا ملك…يلا علشان جعانة! ليذهبوا كافتيريا الجامعة، وكانوا جالسين ولكن فلك ذهنها في عالم آخر. ليوقظها شخص وهو يضع المشروب المثلج على وجهها: يا عم بطل حركاتك رخمة دي! ملك وهي تضحك عليها: ما هو لو بطل حركات دي مش هيكون…رياض! رياض وهو يجلس: ما هو أنتِ مش موجودة هنا خالص…ايه اللي واخد عقلك كده! صديقه بمزاح: ممكن تكون أنتَ! وهي تهز رأسها بضحك: عليك رخامة أنت كمان يا مالك!

رياض وهو يتمعن النظر لها: مالك! وهي تبتلع ريقها بتوتر، فهي دائماً لا تستطيع أن تخفي ما يدور بداخلها عنه: مفيش…مش نمت كويس بس! روح وهي تشتت انتباه رياض: بقولك صحيح يا رياض…عملت إيه في امتحان الميد ترم! لتجد فلك هاتفها يهتز، لتجد والدها يتصل بها: ماشي هتيجي تاخدني…ماشي أنا طالعة. معلش يا جماعة همشي دلوقتي أصل بابا جاي ياخدني! رياض وهو ينظر لها بعدم فهم: أشمعنى كده…فلك أنتِ أكيد كويسة! وهي تحاول أن

تجبر وجهها على الابتسامة: صدقني كويسة…الحمد لله! رياض وهو يقف: طيب استنى هاجي أمشي معاكي لحد البوابة…ومن غير اعتراض! روح بتدخل: استني هاجي معاكوا! ملك وهي تمسك يدها لتجلس: استني معانا! مالك بمزاح وهو يضع يديه خلف رأسه: اقعدي أصل هي فاكراني أمنا الغولة! لتضحك عليه فلك: سلام! ليذهب معها رياض: ها قوليلي مالك!!!!