رواية اوقعني الصعيدي في حبه الفصل الثالث 3 - بقلم نوران احمد

اتصدم مالك حيث رأى جميلة. حطت على الكنبة اللي في الأوضة بطانية ومخدة، وقالت له: "أنا حضرت لك الكنبة نام عليها عشان أنا مش هنام على الكنبة." مالك ببرود وسخرية: "وأنا مش هنام على الكنبة، أنا هنام في سريري. اتنيلي أنت نامي على الكنبة." جميلة بغضب: "لأ مش هنام على الكنبة." راح مالك وغير ودخل نام على السرير، وهي قعدت تثرثر وهو مش مديها اهتمام، وقال: "اتخمدي أحسن لك." جميلة وهي تتنطط وتدبدب برجها على الأرض.

ابتسم مالك على طفوليتها. وعمل نفسه نايم عشان يشوف هتعمل إيه. أول ما قعدت على الكنبة، غطت في نوم عميق. ورقبتها كانت مدلدلة ومش مظبوطة، فقام مالك وعدلها. وغطه في نوم عميق. في صباح اليوم التالي. عند فارس وورد. صحوا على صوت خبط على الباب. قامت ورد. دخلت الحمام ولبست عباية بيضا للصباحية، ولفّت حجاب أبيض، وكانت منورة. وكان فارس فتح، لقى خدامة بتقول: "الحج راضي بيقول إنزلوا افطروا كلكم تحت يا فارس بيه." فارس بإيماءة:

"طيب. روحي أنتِ وقولي لجدي نازلين." قفل الباب ولقى ورد في وشه، قال لها: "بسم الله. قمر يا حبيبتي." ورد بكسوف: "خلاص بقى يا فارس. غير هدومك عشان ننزل." فارس: باس راسها وقال لها: "حاضر. استنيني." ودخل الحمام وخرج، وكان لابس عباية سوداء. ونزلوا. قبل شوية، بعد ما الخدامة خرجت من عند فارس، راحت لمالك وقالت له نفس كلام فارس. صحي جميلة وهي قاعدة، ضهرها واجعها وبتتاوب. دخلت الحمام، خدت دش وخرجت.

لبست دريس طويل قط بحمالة رفيعة لونه بيج، وعليها جاكت جينز تلت كم. واستنت مالك يخلص، وقال لها: "يلا." ونزلوا. كان يترأس السفرة الجد راضي، ويمينه كامل وبجانبه زوجته. وكانت نادية أم جميلة بجانبها، وجمبها فارس وورد. ويساره خالد وبجانبه زوجته، وجمبها مالك وجميلة وحبيبة وزين. الجد: "مبروك يا حبايب قلبي. إن شاء الله أشيل عيالكم." فارس ومالك وورد وجميلة: "الله يبارك فيك يا جدي." وبدأوا ياكلوا وانتهوا.

وخرج الرجال لعملهم، وتبقت النساء. وعلى المغرب كان الرجال وصلوا، لكن مالك لسه موصلش عشان كان عنده مشوار. وهو داخل سمع صوت أي الجنينة. كانت جميلة قاعدة. وفجأة صدحت صوت يعلن عن رنين هاتف جميلة. اتوترت جميلة وقامت وقالت: "عن إذنكم. هروح أرد على الفون." خرجت جميلة للجنينة وردت وقالت: "ألو." الرقم: "عاملة إيه يا جميلة يا حبيبتي. وحشتيني." جميلة بتوتر وخوف: "باسم. لو سمحت مينفعش كده. أنا دلوقتي بقيت متجوزة."

باسم بصدمة وغضب: "نعم. اتجوزتي؟ اتجوزتي مين؟ وإزاي؟ أنتِ بتاعتي أنا." جميلة بحنق: "باسم. إحنا فركشنا الارتباط ده من زمان. إحنا مننفعش لبعض." باسم بخنقة: "جميلة. قلت لك كانت غلطة." جميلة: "معلش بقى. خليها عليك. وبعدين أنا دلوقتي بقيت متجوزة. مينفعش أكلم حد. وسلام بقى." باسم: "ماشي يا جميلة. ماشي." مالك بتراقب: "كنتي بتتحدتي مع مين يا جميلة." جميلة اتخضت وقالت: "ده دههه...

اه. واحدة صحبتي كانت بتتطمن عليا وبتسألني اتجوزت إمتى وإزاي." مالك بشك: "والله. طب خشي يلا الجو برد." ودخلوا وقعدوا. وجميلة كانت قاعدة متوترة وبتفرك في إيدها. ومالك قاعد ملاحظ ملامحها وفركها وبيفكر هي كانت بتكلم مين وإيه سبب توترها. دخلت عليهم حبيبة وقالت: "...................