رواية اوقعت في حب مجنونة الفصل السابع 7 - بقلم رنا سعيد

جنا بغضب وبعفوية: بترن ليه يامستر مالك؟ ها، روح رن على حبيبت قلبك وخطيبتك جاسمين، زي ما قالت لك، رن عليها لما توصل. ولا استنى، يمكن اتلخبطت ودست على رقمي غلط ومفتكرني جاسمين، مش كده؟ سلام يامستر مالك. مالك باستغراب: اا... فجأة جنا قفلت السكة. جنا بغيظ: أحسن كده إن قفلت في وشك، خلي بقا خطيبتك تنفعك. جنا بتفكير ولنفسها: ياخريبتك! إيه الانتي عملتيه ده؟

ده أكيد بعد اللي عملتيه ده هيرفدني. هو أنا مالي، يكلمها، ميكلمهاش. يا لهوي، هيقول عليا إيه دلوقتي؟ فجأة موبايلها رن، وكان مالك. مالك بعصبية: انتي مجنونة؟ انتي إزاي تقفلي في وشي؟ وإيه الكلام الأُهبل ده اللي انتي قولتي؟ جنا بغيظ: مش دي الحقيقة. مالك باستغراب: حقيقة إيه؟ ومين اللي قال لك الكلام ده؟ جنا بغيظ وبضيق: حقيقة إنك خاطب جاسمين سيف، اللي قالت لي. مالك بابتسامة جانبية وبخبث: ويخصك في إيه إذا كنت خاطبها أو لأ؟

جنا بتوتر: مـ... ميخصنيش في حاجة. مالك بابتسامة جانبية: المهم، ابقا هاتي الملف اللي أنا نسيته معاكي في الحفلة، هاتي بكرة. جنا بغيظ: تمام. مالك وقفل السكة. جنا بضيق وبغيظ: واحد بارد ومستفز. جنا وبترن على شخص. جنا: الو يا جنه. جنه: إيه يابنتي، رجعتي من الحفلة؟ جنا: أيوه، ويا ريتني ما روحت. جنه بضحكة: ليه؟ جنا بغيظ: الأستاذ طلع خاطب. جنه بعدم فهم وبضحكة: أستاذ مين؟ وضحي أكتر. جنا بضيق: مالك طلع خاطب، بت!

جامدة بصراحة، عيون إيه، شعر إيه، بصي بصراحة فرسة! جنه بخبث: وده يهمك في إيه؟ جنا بتوتر: معرفش، ليه حاسة إني مضايقة وزعلانة وغيرانة أوي. جنه بخبث: القطة بتحب مديرها. جنا بابتسامة: قصدك إيه؟ جنه بخبث: يعني انتي بتحبي مالك يا جنا. جنا بزعل: حتى لو بحبه، مش هينفع يا جنه، هو خاطب وبيحب جاسمين، يعني أنا مليش وجود في حياته. جنه بزعل على صحبتها: يبقا طلعي من دماغك ومتفكريش فيها كتير. جنا ودمعة نزلت منها: تمام.

جنه: بقولك يا جنا، متقولي لمديرك ده يشوف لي شغلانة معاكي. جنا بفرحة: بجد؟ هتجي؟ جنه: أيوه. جنا: تمام، هقوله بكرة. تصباحي على خير. جنه: وانتي من أهله. وجنا قفلت السكة. وبعدها فضلت تفكر شوية ونمت. صباح جديد على أبطالنا. حنان: جنا، قومي، اتاخرتي على الشغل. جنا قامت وبفزع: إيه؟ اتاخرت؟ وبتبص في الساعة. جنا وحطت إيدها على دماغها: يا لهوي، فعلاً اتاخرت ربع ساعة. حنان: طب قومي طيب، جهزي نفسك طيب، أحسن ما تتاخري أكتر من كده.

جنا: تمام. وقامت واخدت شاور، وارتدت جيبة لونها أسود قصيرة لحد ركبتها، وقميص أبيض، وصندل بكعب أسود، وشعرها منسدل على ظهرها، ووضعت مكياج خفيف على وجهها، ووضعت برفانها الأنثوي، كانت في غاية الجمال. جنا ونزلت تحت في الصالون. حنان: خدي سندوتشات دي معاكي، افطري بيها وانتي في العربية. جنا وباست أمها: ماشي. أومال فين بابا؟ حنان: أبوكي راح المستشفى عشان عنده عملية جراحية. جنا بابتسامة: تمام، سلام.

جنا ومشيت وركبت العربية مع سائقها. وبعد فترة واصلت الشركة. ولقيت الأسانسير متعطل، وأخدت السلم جري. وخبطت على مالك، ومالك استأذن لها بالدخول. جنا وبتنهج: صباح الخير يامستر مالك، أسفة على التأخير. مالك بابتسامة سخرية: لسه بداري يا آنسة جنا؟ جنا بغيظ وبجز على أسنانها: أسفة. مالك: ومالك بتقوليها من تحت أسنانك كده ليه؟ جنا بضيق وبهدوء: أنا أسفة على التأخير، كده حلو؟

مالك بابتسامة جانبية: يعني. المهم، هاتي الملف، وتاني مرة تيجي بدري. جنا: حاضر، اتفضل. مالك واخد الملف منها: يلا روحي بقا على شغلك. جنا: حاضر. وجنا ذهبت على شغلها وقعدت على المكتب. وفي واحدة جت وكانت هتفتح مكتب مالك، وجنا فجأة جت لأنها كانت في الحمام. جنا: استني عندك يا آنسة. فجأة البنت لفت وشها. جنا بصدمة: انتي! البنت برقة: أيوه، أنا جاسمين، وانتي عايزة إيه؟ جنا: استني، متدخليش المكتب إلا لما أقول لمستر مالك الأول.

جاسمين بسخرية: انتي مين انتي عشان تمنعيني أدخل لي مالك؟ جنا بحدة: أنا سكرتيرة مستر مالك، ومش هتدخلي غير لما أقوله الأول. جاسمين: وإيه رأيك بقا إني هدخل؟ جاسمين ولسه هتفتح الباب، جنا مسكت إيدها ووقفت قدام المكتب. جنا بحدة: وأنا بقولك مش هتدخلي غير لما أقوله. جاسمين بصوت عالي وبعصبية، والمكتب اتلم عليهم. جاسمين: انتي مجنونة يابنتي؟ انتي إزاي تمنعيني أدخل؟ انتي متعرفيش أنا مين؟

جنا بصوت عالي وبعصبية: متغلطيش لو سمحتي، ده شغلي، ولازم مدخلكيش غير لما أقوله، حتى لو كنتي بنت مين. جاسمين بعصبية وبصوت عالي: انتي واحدة قليلة الأدب وعايزة تتربي. ولسه هتضربها بالقلم، بس شخص جاء ومسك إيدها. : اخرسي، انتي شكلك اللي عايزة تتربي، مش هي.