رواية اوقعت في حب مجنونة الفصل السادس عشر 16 - بقلم رنا سعيد

الدكتوره: طب إحنا هنعمل محضر عشان حاولتي تنتحري. الجميع بصدمة ما عدا مالك. جنا: تنتحري؟ مالك وقام واقف بعصبية: مفيش محضر هيتعمل، مفهوم؟ ولا إنتي متعرفيش مين الكينج؟ الدكتوره بخوف: خلاص، مفيش حاجة هتتعمل. مالك بابتسامة جانبية: شطورة، بتسمعي الكلام أهو. الدكتورة وذهبت عند جنا وبتفحصها. الدكتورة: هي كويسة وتقدر تخرج دلوقتي. مالك: تمام. والدكتورة خرجت من الأوضة. أحمد وقرب من بنته وباس دماغها. أحمد بزعل: ليه عملتي كده؟

ليه؟ هو إحنا وحشين معاكي أنا وأمك عشان تعملي كده؟ جنا بندم: أنا آسفة. حنان: وعايزة تنتحري ليه بقا؟ ومين اللي عمل في وشك كده؟ جنا بتوتر: بصراحة، في عصابة طلعت عليّ وأنا جايه أدخل الشركة وخطفتني وفضلوا يضربوا فيه، وأنا اتصلت بمالك وجه أنقذني. أحمد: شكراً يا ابني عشان أنقذت بنتي من العصابة. مالك بابتسامة: العفو. حنان: شكراً يا مالك، مش عارفة جميلك ده هنوديه فين. مالك: العفو، ولا جميل ولا حاجة، إحنا قرايب، مش كده؟

أحمد: آه طبعاً يا حبيبي. جنه وقربت من جنا وحضنتها بخفة. جنه بابتسامة وقربت من ودان جنا. جنه: إنتي مؤلفة شاطرة أوي. جنا بابتسامة: عارفة. جنه وعدلت نفسها ووقفت كويس.

جنه: ألف سلامة عليكي، كده قلقتيني عليكي، أنا كنت هموت عليكي من الخوف، وأمك اتصلت بمستر سيف ومستر سيف قالها إن إنتي مع مالك في الشغل وكده، بس أمك وأبوكي مرتحوش غير لما جم الشركة عشان يشوفوكي، وفي الوقت اللي جم فيه سائق العربية جه وقال إن مالك خدك على المستشفى عشان إنتي تعبانة وقالنا العنوان وكده. جنا: امممم، الله يسلمك. سيف: ألف سلامة عليكي يا جنا. جنا: الله يسلمك، يلا بقا نمشي عشان أنا اتخنقت من المستشفى.

وبعد فترة جنا مشيت هي وأسرتها ومالك وسيف وجنه رجعوا الشركة. جنا: يا ماما كفاية أكل بقا، شبعت. حنان: ماشي يا بكاشة. حنان: طب أنا نازلة بقا وأسيبك ترتاحي شوية. جنا: ماشي. وحنان نزلت وجنا مسكت تليفونها ورنت على مالك. جنا برقة: الو. : الو. وكان صوت بنت. جنا باستغراب: مين معايا؟ مش ده رقم مالك؟ البنت بضحكة: أنا جاسمين خطيبته. جنا بضيق: طب أومال فين مالك وتليفونه بيعمل معاكي إيه؟ جاسمين بضحكة: شيء ميخصكيش.

وفجأة باب مكتب مالك اتفتح. مالك: بكلمي مين من تليفوني؟ جاسمين: دي جنا بترن عليك وأنا رديت عليه. مالك وأخد منها الفون. مالك: الو. جنا بضيق وغيره: الأستاذ شكله مش فاضي، مش كده؟ مالك: أيوه يا آنسة جنا، سلام بقا. وقفل في وشها السكة. مالك بعصبية: آخر مرة ألاقيقي بتردي على حد من تليفوني تاني، فاهمة؟ جاسمين بدلع: فاهمة. مالك: جاية ليه؟ جاسمين: وحشاني، قولت أجي أشوفك. مالك: امممم. جاسمين: إنت عامل إيه؟ طمنيني عليك.

مالك: الحمد لله تمام. جاسمين بدلع: يا رب ديما يا حبيبي. مالك: طب أنا هقوم أروح بقا عشان تعبان. جاسمين وبتصطنع الخوف: ألف سلامة يا بيبي. مالك: تعبان ودماغي مصدعة، محتاج أنام شوية، يلا قومي عشان أمشي. جاسمين برقة: امممم، طب أنا هسبقك بقا، ولما توصلي البيت طمنيني عليكي، تمام؟ مالك: تمام. جاسمين وذهبت ومالك ذهب عند مكتب سيف. مالك: أنا همشي يا سيف، خد بالك من الشغل كويس. سيف: ماشي، ليه؟

مالك: تعبان ودماغي مصدعة ومحتاج أنام أوي. سيف: ماشي يا حبيبي، ألف سلامة عليك. مالك: الله يسلمك. ومالك مشي، وركب سيارته. وبعد فترة وصل قصره وطلع فوق وأخد شاور ونام على سرير ورن على جنا. مالك بحب: الو. جنا بغضب: نعم. مالك: بقولك الو، تقوليلي نعم إيه؟ مفيش الو يا حبيبي، يا عمري، يا حياتي، كلام من ده، مش نعم. جنا بغضب: ده اللي عندي. مالك بضحكة: لا ده كده الجميل زعلان بقا. جنا بزعل: أيوه زعلانة منك. مالك بضحكة: ليه؟

جنا بزعل طفولي: عشان قفلت في وشي السكة. مالك بضحكة: آه عشان كده. جنا: أيوه. مالك بضحكة: أنا قفلت عشان كانت جاسمين، أصلها كانت قاعدة. جنا: وجاسمين أصلاً كمان ترد على تليفونك ليه؟ مالك: أنا كنت في الحمام، ولما جيت زعقلها. جنا بفرحة: بجد؟ مالك: آه والله. جنا: طب إنت فين دلوقتي؟ مالك: أنا في القصر ونايم على سرير كمان وبكلمك. جنا: آه تمام. مالك: إنتي عاملة إيه دلوقتي؟ جنا: الحمد لله بخير. وفجأة الباب خبط على جنا.

جنا: ادخل ثانية، خليك معايا. والباب اتفتح. جنا: بابا، تعالها. أحمد: عاملة إيه دلوقتي؟ جنا: الحمد لله بخير يا بابا. أحمد: ديما يا حبيبتي، طبعاً إنتي بتحبي تروحي الأفراح والحفلات، مش كده؟ جنا: آه طبعاً. أحمد: طب بعد بكرة خطوبتك مالك وجاسمين، وجاتلك كارت دعوة من أبوها أهيه. جنا أخدت الكارت وشافته وأدته لأبوها تاني. أحمد: أنا نازل بقا. جنا وهزت رأسها له بمعنى ماشي. وأحمد نزل وجنا تليفون وقع من إيدها. مالك وسمع كل حديثهم.

مالك: ج... جنا.