رواية اوقعت في حب مجنونة الفصل التاسع 9 - بقلم رنا سعيد

جنا عقدتها على كورنيش البحر ودموعها على خدها. جنا: جنا بصت خلفها وبصدمة. مالك: مالك. مالك: أنا آسف. جنا: ولفت وشها أقصد البحر. مالك: وجه قعد جنبيها ومسك وشها بإيديه. أنا عارف إنك زعلانة مني وده من حقك إنك تزعلي، بس أنا آسف بجد. جنا: حبك لجاسمين كان عاميك عن الحقيقة، مش كده؟ وأنا بقا المفروض أسامحك صح؟ بعد ما كسرتلي قلبي بكلامك إنت وهي. آسفة، مش هقدر أسامحك. مالك: قلبك؟ جنا:

أيوه قلبي اللي حبك من أول يوم شفتك فيه. وهو مبطلش دق لاسمك. كل حاجة جوايا عايزة إنت، وإنت مش حاسس بيه. بس هتحس إزاي وإنت بتحب واحدة غيره؟ هتحس إزاي يا مالك؟ وفضلت تبكي. مالك: كل ده في قلبك ومخبياه عني؟ بس تعرفي إنتي مجنونة فعلًا. جنا: ليه؟ مالك: عشان بتصدقي أي حد بيقولك أي حاجة وخلاص. جنا: إزاي؟ مالك: عشان أنا بحبك إنتي ومش بحب جاسمين. ويلا ارجعي معايا الشركة بقى. جنا: أنا؟ جنه: جنا جنا. جنا: أيوه. فين مالك؟

كان هنا في ن. جنه: سلامة عقلك، مفيش حد هنا. أنا اللي واقفة هنا من بدري وبكلم فيكي. ولا إنتي هنا خالص. جنا: أنا اتخيلت إنه هنا وكان بيكلمني وقال لي إنه بيحبني. جنه: فوقي يا بنتي. مالك مجاش هنا ولا هو بيحبك. فوقي بقى. هو بيحب خطيبته جاسمين. يا جنا لحد إمتى هتفكري فيه؟ انسيه بقى خلاص. مش كفاية اللي عملوه في الشركة هو وخطيبته ولسه بتحبي؟

فوقي يا جنا. ويلا نمشي. وافتحي صفحة جديدة من حياتك بقى. وانسى مالك وانسى أصلًا إنك اشتغلتي في شركته. فين جنا المجنونة القوية اللي مفيش حاجة بتهزها ولا حد يقدر يقف قبالها؟ فين جنا دي؟ مش جنا الضعيفة اللي حتة بت مفيش ليها لازمة ضربتها بالقلم. ودلوقتي جاية تقعد على الكورنيش وتعيط؟ إنتي نسيتي إنتي بنت مين؟ إنتي بنت دكتور أحمد الشرقاوي. بنت أشهر دكتور في العالم. نسيتي يعني؟

لو روحتي اشتغلتي في أحسن شركة في مصر غير شركة مالك هيقبلوك على طول. فوقي بقى لنفسك يا جنا. فوقي يا حبيبتي. جنا: عندك حق فعلًا. يلا نمشي عشان أنا جعانة أوي بصراحة وعايزة آكل وأقرأ رواياتي عشان وحشوني أوي بصراحة. جنه: أيوه بقى، دي جنا اللي أعرفها. بتقرأي رواية إيه دلوقتي؟ جنا:

خلصت رواية "حلم الملاك" وبقرأ دلوقتي "أوقعت في حب مجنونة". وأنا حبيت صعيدي بس البطلة اللي في "أوقعت في حب مجنونة" بحسها بتشبهني أنا بالظبط. بجد تسلم إيد الكاتبة رنا سعيد، رواياتها تحفة. جنه: طب يلا نمشي بقى. وذهبت جنه وجنا، كل واحدة راحت فيلتها. جنا: يا أهل الدار، هل يوجد أحد في الفيلا؟ حنان: نحن هنا في المطبخ. جنا: وذهبت للمطبخ. جنا: اخص على الرجالة اللي بتقطع بصل في المطبخ. أحمد: تعالي يابكاشة. جنا:

معقول دكتور أحمد الشرقاوي هنا بنفسه في المطبخ وبيقطع بصل؟ أحمد: هههههههههه. وفي إيه؟ جنا: فيها كتير. أحمد: ماشي ياستي، بدل ما إنتي واقفة كده تعالي ساعدينا عشان في ضيوف جايين لنا النهارده. وكمان إيه اللي رجعك بدري من الشغل كده؟ بعتقد لسه بدري على ميعاد رجوعك. جنا: اسكت، هو إنت متعرفش إني سيبت الشغل؟ أحمد: سبتي الشغل ليه؟ جنا: الشركة مش عاجباني ومش مرتاحة فيها ومخنوقة كده منها. حنان: الشركة مالك الشافعي مش عاجباكي؟

أي شخص يتمنها بس يشتغل فيها. مش عاجباكي إنتي أصلًا. لو جابولك أي حاجة مش بتعجبك. جنا: ولا صيام في رجب. هههههههه. أنا طالعة أغير لبسي وأنام شوية. عن إذنكم. وإنت قطع البصل كويس يا دكتور أحمد. ههههههههههه. أحمد: ماشي يا جنا، ماشي. وجنا طلعت فوق وغيرت هدومها ونفضت أي تفكير من دماغها ونامت. وجاء وقت المساء. حنان: جنا اصحي، الضيوف تحت. اصحي. جنا: وأنا مالي يا ماما ومال الضيوف؟ أنا عايزة أنام. حنان:

يبت اصحي، عمك هيثم وابنه مالك تحت. جنا: قامت بسرعة وبخضة وقاطعتها: م... مالك؟