رواية اوقعتني في عشقها الفصل الحادي عشر 11 - بقلم فاتن جمال

بعد وقت كان مازن وزمرد وصلوا الصعيد. مازن: زمرد فوقي يا حبيتي، احنا وصلنا. زمرد: حاضر. مازن بابتسامة: طب ياله قومي علشان ننزل الأوتيل. زمرد بدأت تفوق. زمرد ومازن نزلا الفندق. مازن: لو سمحت، في حجز باسم سامي الجيار وحرمه. زمرد بصدمة لكنها فضلت ساكتة. السكرتيرة: أيوه يا فندم، اتفضل مفتاح الجناح. زمرد بصوت هادئ: مازن، مين سامي دا؟ مازن: احنا هنا في مامورية، والا نسيتي؟ زمرد: معلشي نسيت.

مازن: ولا يهمك، أنا كان المفروض أقولك كل حاجة. زمرد: ولا يهمك. مازن: طب ياله ادخلي غيري علشان ننزل شوية. زمرد: هننزل خروجة والا تبع العفريت؟ مازن بضحكة: عفريت مين؟ زمرد: دا السين اللي ما بينا. مازن: ماشي يا ستي، بس عمتنا مش تبع العفريت. زمرد بفرحة: فورية هكون جاهزة. مازن بابتسامة: طب مفيش حضن؟ زمرد بكسوف: مازن، انت قليل الأدب. مازن وهو قاعد على الكنبة: ولما أقوم أضربك. زمرد: لا خلاص، انت مؤدب. مازن: أيوه كدا.

بعد وقت كانت زمرد ومازن جاهزين. زمرد: هنروح فين؟ مازن: أنا حاجز في الرحلة اللي رايحة معبد الكرنك، أي رأيك؟ زمرد: بجد؟ دانا من زمان نفسي أروح هناك. مازن بحب: انتي اتمني بس. زمرد بكسوف: طب ياله بينا. مازن وزمرد نزلا الاستقبال. مدحت: مين دول؟ سامح: دول رجل الأعمال سامي الجيار وحرمه. مدحت بخبث: بس مراته قمر. سامح: اسكت، الله يحرقك. مدحت: سكت. سامح بصوت هادئ: المهم الأخبار. مدحت: لحد دلوقتي مشفتش حاجة غريبة.

سامح: الشحنة الليلة. مدحت بخبث وهو عينه على زمرد وهي ماشية مع مازن: وبعدها فرحي. زمرد: مازن، ممكن نلف البلد من جوة؟ مازن بخوف: لا. زمرد: والنبي. مازن: لا يعني لا. زمرد بزعل مصطنع: ماشي يا مازن. مازن بابتسامة: دا على أساس إني مش عارف إنك بتكدبي. زمرد: طب علشاني والنبي، انقل دان. مازن: متجوز طفلة، أنا قلت. زمرد: طب هديك حضن. مازن باستغراب: انتي بتديني راشوه؟ زمرد: قصدك رشا. مازن بضحكة: مجنونة والله. زمرد: وافق بقا.

مازن باستسلام: طيب، بس تفضلي في إيدي. زمرد: حاااااضر يا أجمل مازن. مازن: دلوقتي بقيت أجمل مازن. زمرد: ياربي عليك، مش بتحب الهزار أبدا. مازن: طب ياله يا طفلة. زمرد بعصبية طفولية: أنا دكتورة مش طفلة. مازن بابتسامة: انتي طفلتي. زمرد بكسوف: احنا في الشارع. مازن: ماشي. زمرد ومازن نزلا البلد، فضلوا يتفرجوا على البيوت والشوارع، وفجأة مازن لقى دوار مكتوب عليه دوار عائلة الصفونيه.

مازن بعصبية مكتومة، فضل واقف مكانه، محسش بزمرد إلا وسابت إيديه وجرت تنقذ البنت اللي وقعت في البحيرة. فوزية: حد يلحقني يا خلق، بتي بتموت. زمرد غطست في المية وطلعت البنت منها. زمرد: متخافيش، هي هتكون كويسة، بس لازم أكشف عليها. مازن كان واقف بعيد عنها، كل اللي بيفتكره أمه وهي في الحلم ووشها مليان دم. زمرد: فين بيتكم؟ فوزية: أنا خدمة دوار الصفونيه. زمرد: طب ياله بسرعة، فين البيت دا؟

فوزية خدت زمرد ودخلت دوار الصفونيه، دخلت البيت اللي فيه ناس بتتمنى موتها. فوزية: تعالي يا ست هانم، من باب الخدمين. زمرد: مفيش مشكلة. روحية: خير يا فوزية، حصل إيه؟ فوزية: بتي يا ست روحية وقعت في الترعة وهي بتجيب المواعين، والست هانم لحجتها. روحية بصت لزمرد بصدمة. روحية: نادية! زمرد: أنا آسفة، بس أنا اسمي زمرد. روحية بدموع: اسمك جميل يا بتي. زمرد: شكراً لك. مازن فاق على إيد حمدان. حمدان: مين انت يا ولد؟ مازن

مسح دموعه اللي نزلت منه: أنا اسمي سامي الجيار، ودي مراتي. ولما بص ملقاش زمرد. وقال بصوت قومي: زمرد، زمرد. زمرد حسّت إن مازن بينادي عليها. زمرد: يا نهار أبيض، دانا نسيت أقول... وسكتت فجأة وقالت: أنا لازم أمشي. روحية بحب: خليكي شوية يا بتي. زمرد: آسفة، بس أنا سبت إيد جوزي من غير ما أقوله، وأكيد قلقان عليا. روحية: أنا هبعت حد معاكي. حمدان: متقلقش يا ولدي، تعال معايا وأنا هخلي حد يدور عليها.

مازن بقلق: أنا خايف عليها، دي غريبة عن البلد. حمدان بحب: تعال يا ولدي وجامد قلبك أكده. مازن بابتسامة: دي روحي، في حد يقدر يجمد قلبه على روحه؟ حمدان: ربنا يبارك ليك فيها يا ولدي. مازن بحب: يارب. حمدان: تعال معايا. مازن مشي معاه، وكل خطوة حمدان يقرب من البيت، مازن يستغرب أكتر. مازن بحمحمة: هو حضرتك مين؟ حمدان بفخر: أنا كبير الصفونيه. مازن وقف مرة واحدة واتصدم من كلمته. حمدان: وقفت لي يا ولدي؟ مازن بعيون كلها شر...