رواية اوقعتني في عشقها الفصل الثاني عشر 12 - بقلم فاتن جمال

وقفت لي يا ولدي مازن بعيون كلها شر، لكن رسم ابتسامة على وجهه. مازن: مفيش، بس علشان مكنتش عامل لحضرتك إزعاج. حمدان بحب: كيف يا ولدي، ده انت هتنورنا. مازن كان مستغرب إزاي راجل الطيبة اللي باينة على ملامحه يكون بالجبروت ده. مازن: معلشي، ممكن أقعد برا على أول البيت، يمكن أشوفها. حمدان: كيف يعني، ادخل ومتقلقش. مازن: المشكلة إن فونها مقفول. حمدان: إيه فونها ده؟ مازن: آسف، قصدي تليفونها. حمدان: آه، المحمول.

مازن هز رأسه بمعنى أيوه. روحية: كيفك يا بوي؟ حمدان: كنت لسه هناديكي. وينه عرفان؟ روحية: خرج يا بوي. مازن كان مستغرب إن دي خالته، مش شبه أمه ولا شبه مامت زمرد. روحية بلهفة: عارف يا أبويا، في بنت لحقت بنت فوزية قبل ما الميه تاخدها. حمدان بقلق: البت الصغيرة جرالها حاجة؟ روحية بحب: لا يا أبويا، هي بخير. حمدان: طب جهزوا الأكل، معايا ضيف. روحية بصت على مازن، حست إنها تعرفه، بس هو مين؟ متعرفش.

روحية: حاضر يا أبويا، بس إحنا عندنا ضيفين. حمدان: مين الضيف التاني؟ روحية: الست اللي جابت البت. حمدان: هي فين عشان أشكرها؟ روحية: تعرف يا أبويا إنها شبه نادية. حمدان وقف مرة واحدة، كأنه رجع للحياة تاني. أم مازن ف من الصدمة مكنتش عارفة تعمل إيه. حمدان بدموع: هي فين؟ روحية بدموع: جوه يا أبويا. حمدان دخل على جوه على طول، ومازن وراه. زمرد كانت قاعدة مكسوفة أوي.

زمرد لقت مازن جاي عليها، ابتسمت وقامت تجري عليه، لكن كان حمدان سبقها ومسك إيديها. حمدان بحب: كيفك يا بتي؟ زمرد باستغراب: الحمد لله. حمدان: اتوحشتك جوي يا بتي. زمرد: بس أنا معرفكش. مازن كان مستغرب حبه لزمرد، اللي فاكر إنها بنته، وإزاي قتلها، يمكن حس بالندم. مازن بابتسامة: بعد إذن حضرتك، دي مراتي اللي كنت بدور عليها. زمرد لسه هتتكلم، مازن قاطعها وقال: حبيبتي، كنتي فين؟

ينفع مرات رجل الأعمال سامي الجيار تمشي من غير حراسة؟ زمرد فهمت إن مازن بيحاول يوضح ليها إن متقولش اسمه الحقيقي. زمرد بابتسامة: آسفة يا سامي، بس كانت البنوتة بتغرق. مازن بابتسامة: ولا يهمك يا روحي، المهم إنك بخير. زمرد: الحمد لله بخير. حمدان: الأكل يا روحية للضيوف. روحية: حاضر يا أبويا. مازن: متشكرين، بس لازم نمشي. حمدان: كيف يعني لازم تأكلوا؟ مازن بابتسامة: عشان منكونش عاملين إزعاج.

حمدان وعيونه على زمرد: إزعاج إيه يا ولدي، ده انتوا منورين والله. زمرد: شكراً. مازن بابتسامة: حبيبتي، هدومك كلها ميه، استني، خدي الجاكت.