رواية اوقعتني في عشقها الفصل الحادي والخمسون 51 - بقلم فاتن جمال

مازن بعصبية مكتومة: مين وعملك إيه؟ زمرد بزعل مصطنع: في واحد قرب مني وتعالى أقولك في سرك عملي إيه. مازن قرب منها وهي بتتكلم بكسوف. زمرد بكسوف: كنا في بيت بابا من شهرين وبابا قاله إنه عايز بيبي صغير والولد اللي بحبه وبموت فيه سمع كلام بابا وأنا دلوقتي هجيب له بيبي زي السكر شبه حبيبي. مازن مكنش مصدق مش عارف يعمل إيه بس مرة واحدة.

مازن بتوتر وفرحة: يعني يعني يعني أنا هكون بابا وإنتي ماما يعني في جوة منك ابني إنتي بتتكلمي جد؟ زمرد بكسوف: أيوه. مازن حضنها وفضل يستنشق هواء عبيرها اللي كان حاسس إنه ضايع من غيره. مازن بحب: أنا بحبك أوي عارفة الهدية الكبيرة هي إني لقيتك والتانية إنك هتجيبي لي بنوتة كيوت شبهك. زمرد: لا هجيب بنوتة شبهك إنت. مازن بابتسامة: طب إيه رأيك نجيب اتنين؟ زمرد بعصبية مصطنعة: لا كفااااية أوي دا.

مازن فضل يحضن ملامحها بعيونه وهي فضلت تحكي له عن اللي حصل معاها. مازن كان كل تفكيره إزاي ينتقم من مايا. مازن بحزن: حقك عليا. زمرد بابتسامة قربت منه أوي وحضنته. زمرد بابتسامة: نور عيني معملش حاجة عشان يقولي حقك عليا. مازن بتوتر: بصراحة عملت. زمرد باستغراب: عملت... عملت إيه؟ مازن: بصراحة اتجوزت. زمرد بضحكة: مازن بطل هزار أنا تعبانة لوحدي. مازن بجدية: لا بجد اتجوزت ومايا كمان. زمرد بصدمة قامت وقفت على السرير

وحطت إيديها في خصرها: نعم يا سكر إنت بتقول إيه؟ مازن قام وقف قدامها. مازن: يا مجنونة اقعدي عشان البيبي. زمرد: وكمان خايف على ابنك مش عليا؟ مازن: يارب الصبر هو إنت يا حبيبتي ليا غيرك أخاف عليه؟ زمرد بزعل طفولي: أيوه ليك ابنك إنما أنا خلاص بقيت... مازن افتكر كلام ساهر وإن ليس هيشوف كتير أوي. مازن: طب حقك عليا ممكن تقعدي وبعدين أنا بنتخانق على جوازي دلوقتي. زمرد بتذكير: أيوه صح نسيت.

مازن: لا إزاي تنسي على الأقل دي حاجة هقدر أوضحها إنما موضوع البيبي ده صعب. زمرد: إنت بتقول إيه؟ مازن: ها ولا حاجة. ساهر دخل فجأة على صوتهم العالي. ساهر: خير يا جماعة في إيه؟ مازن بحب: ساهر إنت هتبقى عم. زمرد بكسوف ابتسمت. ساهر بفرحة: بجد يعني ابني هيتجوز بنتك؟ مازن بسرعة: غور يالا من هنا بنتي مش هجوزها لحد. زمرد باعتراض: لي بق وبعدين أنا معنديش مانع. مازن: دي بنتي. زمرد بدموع: بقت بنتك وأنا لا. مازن: الله يحرق غبائي.

ساهر ضحك عليه وقرب منه. ساهر: وليس يا ابني الله يكون في عونك نسيت كل حاجة ومسكت في الكلمة اعمل حسابك على تسع شهور بالشكل ده. مازن: ياليلة بيضا الله يحرقك يا ساهر. ساهر بضحك: طب وأنا مالي. زمرد بعصبية: بتقولوا إيه وبعدين الست زفتة دي اتجوزتها لي أنا هروح أجيبها من شعرها أقتلها خطافة الرجالة وبعدين ليك عين تتجوزها وهي اللي خطفاني. مازن بحب: يا حبيبتي اهدي وأنا هفهمك. مازن بدأ يحكي لـ زمرد كل حاجة.

زمرد بدموع: كل ده حصل. وكملت وهي بتقرب من مازن. زمرد: الجرح خف. مازن بابتسامة: إيديك بتشفي كل جروحي.