رواية اوقعتني في عشقها الفصل الخامس والأربعون 45 - بقلم فاتن جمال

ياسين بصدمة: انتي بتقولي إيه؟ مايا بكذب: بقول الحقيقة يا ابن عمي، صاحبك ضحك عليا. ياسين بهدوء: وده إمتى؟ مايا: يوم ما كنت أنا وهو مع بعض في شرم الشيخ. ياسين: يوم حفلة الفنان ****؟ مايا بتأكيد: أيوه، يوميها كنت رايحة مع أصحابي الحفلة، فضل ينادي عليا وقال لي إنه بيحبني وعايز يتجوزني، وأنا صدقته ورحت معاه وحصل اللي حصل. وكملت بدموع تماسيح. ياسين بصدمة: أنا هقتله. مايا بفرح: لا يا ياسين، أنا خلاص اتجوزت وهو اتجوز.

ياسين بعصبية: انتي مش هتتجوزي غير مازن، والكلب ده هيطلقك. الشاب اللي كان واقع على الأرض: هي طالق بالتلاتة يا باشا، بس ممكن أمشي. ياسين بعصبية: غور من هنا. رحمة جت على صوت ياسين. رحمة: ياسين في إيه؟ ومايا، إيه اللي جابك هنا؟ وبعدين مين دا؟ وإيه اللي حصل؟ وليه بتعيطي؟ ياسين بتنهيدة: رحمة، لو سمحتي خدي مايا البيت. وأنا شوية وراجع. رحمة: حاضر، يلا يا مايا. مايا مسكت إيد ياسين. مايا: ياسين، أوعى تعمل له حاجة.

ياسين: امشي مع رحمة. عند يوسف وصفا. صفا بابتسامة: شكراً أوي. يوسف بحب: على إيه يا قمر؟ صفا بابتسامة: تعبتك معايا من أول اليوم. يوسف: يا ستي اتعبيني انتي، وملكيش دعوة، على قلبي زي العسل. صفا: طب يلا بينا عشان بابا. يوسف بص في الساعة. يوسف: يا نهار أبيض، دي الساعة بقت خمسة المغرب، أبوكي هيعمل مني بطاطس محمرة. صفا فضلت تضحك على يوسف اللي كان بيسوق العربية وكأنه بيسابق الزمن. صفا: الحمد لله إننا لسه عايشين.

يوسف: انزلي بسرعة بقى، تالت دقايق ويكون الوقت خلص، وأبوكي يقتلنا. صفا بضحك: مش عارفة بتخاف من بابا أوي ليه؟ يوسف: آه، ماهو مش هيقولك كل شيء، نصيب. مانا اللي بحاول لوحدي. صفا بحب: مش انت بتحبني، لازم تستحمل. يوسف بحب: عندي استعداد أستحمل الدنيا كلها عشان خاطرك. صفا بكسوف: بحبك أوي. يوسف بفرح: قولي والله. صفا بابتسامة: آه والله، بحبك أوي. لسه يوسف هيتكلم، سمع صوت والد صفا. محمود: يوسف، اطلع أنا عايزك.

يوسف: مفيش مفر، راحت عليا. صفا بابتسامة: متخافش، وراك رجالة. يوسف بقلق: مش قلقان غير منك يا سوسة انتي. صفا: لي بق؟ محمود من فوق: اطلع انتي وهي بسرعة. يوسف: انزلي، لما نشوف هنروح مركز إيه. فوق. محمود: ادخل يا يوسف. يوسف دخل وهو خايف من رد فعل والد صفا. يوسف بتوتر: أنا آسف والله يا عمي إني اتأخرت، بس والله كان غصب عني. محمود بابتسامة: تعال يا يوسف. يوسف بارتياح: حاضر. والدة صفا: صفا، تعالي يا حبيبتي عشان نجهز السفرة.

محمود: أنا قولت لـ صفا إني عزمتك على العشا، هي مقالتش ليك؟ يوسف بتوعد لـ صفا: لا يا عمي، هي تقريباً نسيت. وليس هيكمل كلامه، فونه رن. يوسف: بعد إذنك يا عمي، هرد على ساهر. محمود بابتسامة: اتفضل يا ابني. يوسف بابتسامة لـ صفا وهي واقفة بتجهز السفرة. يوسف: الو يا ساهر. ساهر: يوسف، الحقني، مراتي بتولد ومش عارف أعمل إيه. يوسف بقلق: إزاي يا ابني، دي لسه في الرابع. ساهر بقلق: مش عارف، بس هي تعبانة، يبق بتولد صح.

يوسف بتوتر: مش عارف، استنى هسأل صفا. يوسف: صفا. صفا: نعم يا يوسف. يوسف: هي في واحدة ممكن تولد في الرابع؟ صفا بغيرة: نعم، دا إزاي؟ ومين دي أصلاً؟ يوسف بتوضيح: دي مرات ساهر، هي في الشهر الرابع بس تعبانة أوي، وهو بيقول إنها بتولد. صفا بارتياح: لا، هي بس في شهور الحركة، قصدي إن الجنين بيتحرك في بطنها، ودا اللي مخليها خايفة. يوسف: طب تعمل إيه؟ صفا: هات الفون أكلمها. يوسف: ساهر، ادي لـ سلمى الفون، صفا عايزة تكلمها.

ساهر بسرعة: حاضر. صفا بكسوف: ممكن تبعد؟ يوسف: لي؟ صفا: كدا.