رواية اوقعتني في عشقها الفصل الرابع عشر 14 - بقلم فاتن جمال

زمرد بدموع مكتومة: أنا عايزة أقولك حاجة. مازن: نعم. زمرد بتردد: مازن، إحنا في بيت جدو. مازن بصوت هادئ خالص: ممكن نتكلم بعيد؟ زمرد: أنت عارف؟ مازن بهدوء: أيوه. زمرد بخوف: مازن، أنا خايفة. مازن بحب: أولاً، أنا اسمي سامي. ثانياً، طول ما أنا جنبك متخافيش. زمرد: طب أنا عايزة أروح الأوتيل. مازن: حاضر. روحية: خير يا بتي، واقفين كدا ليه؟ مازن: آسفين، بس لازم نمشي. روحية بسرعة: لا، لازم أبويا يشوفكم.

زمرد: أنا اطمنت عليه، بس أنا تعبانة وعايزة أرجع الأوتيل. حمدان بتعب وهو وقف على باب الأوضة: لا يا بتي، مش هسيبك تمشي تاني. زمرد حست بالحب والخوف في نفس الوقت وقربت من مازن حضنته. مازن بابتسامة وصوت هادي خالص: يعني أدعي تفضلي خايفة عشان تفضلي في حضني؟ زمرد بخوف وصوت هادي خالص: ممكن تسكت؟ مازن بابتسامة: حاضر. حمدان: خايفة من إيه يا بتي؟ مازن: لا، هي كدا لما بتحس إنها هتقع بتيجي في حضني.

حمدان بابتسامة: ربنا يبارك ليكم يا ولدي. مازن بابتسامة: يارب. زمرد: طب ممكن نمشي بقا؟ حمدان: ينفع يا ابني تفضلوا هنا؟ زمرد بسرعة: لا، مستحيل. روحية باستغراب: ليه يا بتي؟ مازن بسرعة: أصل زمرد مش متعودة على جو الريف. حمدان: دا الجو هنا جميل والله. مازن بابتسامة: إيه رأيك يا روحي؟ زمرد في نفسها: يا ترى ناوي على إيه يا مازن. مازن: إيه يا حبيبتي؟ زمرد بقلق: اللي تشوفه يا روحي. حمدان: جهزي أوضة الضيوف. مازن: شكراً.

زمرد: طب ممكن نروح نجيب حاجاتنا من الأوتيل؟ حمدان: طبعاً يا بتي. مازن وزمرد مشيوا من البيت. بعد وقت كانوا وصلوا الأوتيل. زمرد وهي قاعدة في الأوتيل: ممكن أفهم إنت ناوي على إيه؟ مازن: ولا حاجة، هقعد يومين ونمشي. زمرد بعصبية: مازن، إنت مخبي عليا إيه؟ مازن بعصبية: أنا مش مخبي حاجة. زمرد: يعني عادي تقعد في نفس البيت اللي فيه الناس اللي قتلوا والدتك؟ مازن بعصبية مكتومة: زمرد، لو سمحتي اسكتي.

زمرد بخوف: مازن، أنا خايفة عليك. مازن بهدوء: ممكن متخافيش عليا. زمرد: تمام، يبقى من دلوقتي إنت في حالك وأنا في حالي. مازن: تمام، ويلا عشان نمشي. ليس مازن هيخرج من الأوضة، تليفونه رن. يوسف: مازن، اعمل حسابك لازم نطلع الجبل النهارده، الشحنة هتكون بكرة. مازن: هرن عليك الساعة أربعة تكون مستنيني. يوسف: تمام. زمرد ومازن نزلوا، وزمرد ماشية خبطت في مدحت. مدحت بخبث: أنا آسف. زمرد: ولا يهمك. مازن حس

بنار جهنم وقال بصوت قوي: المرة الجاية فتح عشان لو حصلت تاني حتى لو بدون قصد هكسرلك إيدك. مدحت بخوف: أنا آسف يا فندم مرة تانية. زمرد: خلاص، ممكن نمشي. مازن: لما أشوف آخرتها معاكي إيه. زمرد: إنت بتقول إيه؟ مازن: بقول امشي قدامي عشان قسمنا بالله المرة الجاية هتشوفي وش وحش. زمرد ببرود: لا، عايزة أشوفه دلوقتي. مازن بعصبية: زمرد. زمرد فضلت ساكتة لحد ما وصلوا الدوار. روحية: إنت حاسس إنها بت نادية يا بوي.

حمدان: مش عارف يا بتي، بس كلها هي، بس نادية خلفت ولد وسامية خلفت بت. روحية بدموع: اتوحشت سامية يا بوي. حمدان بحزن: أنا السبب. روحية: لا يا بوي. حمدان بحزن: أنا اللي كان لازم أجوزهم برضايا. روحية بدموع: أوعى يا بوي تقتل بت سامية. حمدان بحزن: بعد ما شفت زمرد ما عدتش عايز أقتل حد، أنا نفسي أشوفها وأشوف سامية قبل ما أموت.