رواية اوقعتني في عشقها الفصل الثالث عشر 13 - بقلم فاتن جمال

لا يا ولدي كده تتعب، استنى. وفضل يا نادي روحيه. روحيه: خير يا بوي؟ حمدان: خدي الست هانم تغير هدومها. روحيه بحب: حاضر يا بوي. تعالي معايا يا بتي. زمرد بصت لمازن، اللي هز رأسه بمعنى ماشي. حمدان بتوتر: أنا كنت عايز أسألك يا ابني، هي مراتك اسمها إيه؟ مازن بخبث: اسمها زمرد. حمدان بتوتر أكبر: قصدي اسم أبوها. مازن بابتسامة خبيثة: زمرد محمود الجيار، بنت عمي. حمدان بوجع: طيب يا ولدي، أنا حاسس إني تعبان شوية، بعد إذنك.

مازن استغرب: اتفضل. وليس حمدان هيقوم، وقع مرة واحدة. مازن: جدي! جدي! روحيه: في إيه يا ابوي؟ مازن: لو سمحتي ساعديني أقومه. زمرد بصدمة: إيه اللي حصل؟ مازن: مش عارف. وكمل: زمرد، ممكن تكشفي عليه؟ زمرد مسكت إيده تشوف الضغط، لقت ضغطه واطي أوي. زمرد: الضغط واطي أوي، أنا عايزة العلاج ده. روحيه: عشري تعال هات العلاج ده. عشري: ماله سي حمدان؟ مازن بعصبية: امشي دلوقتي. زمرد: مازن، لازم نحطه على السرير.

مازن قرب شاله، وزمرد وروحيه معاه. بعد وقت. حمدان بتعب: إيه اللي حصل؟ زمرد بحب: حمد الله على سلامتك. حمدان بابتسامة: الله يسلمك يا بتي. وكمل: ينفع أقولك يا نادية؟ زمرد باستغراب وكملت في بالها: ده نفس الاسم اللي سمعته أول ما دخلت. وكملت في نفسها بصدمة: ده نفس اسم خالتي نادية، وإحنا في الصعيد، يعني يعني دول ممكن يكونوا أهلي. حمدان: ساكتة لي يا بتي؟ زمرد بقلق: ولا حاجة، بس لازم ترتاح دلوقتي، ولما تقوم تقدر تقولي بأي اسم.

حمدان بحب: ربنا يبارك فيكي يا بتي. زمرد ابتسمت وقامت خرجت برا، لقت مازن واقف بيتكلم في الفون. زمرد بدموع: سامي، أنا عايزة أمشي. مازن باستغراب: مالك؟ زمرد بقلق: مفيش، بس أنا عايزة أمشي من الصعيد، عايزة أرجع القاهرة. مازن: طب ممكن أعرف فيكِ إيه؟ زمرد بدون كلام حضنته وقالت بصوت كله دموع: أنا خايفة. مازن بابتسامة: من إيه؟ زمرد: عليك. مازن باستغراب: عليا؟ هو أنا هموت ولا إيه؟ زمرد بعصبية مكتوبة: بعد الشر عنك.

مازن بحب: خايفة عليا؟ زمرد وهي ماسكة فيه كأنه ابنها: أيوه، خايفة عليك. مازن: يعني اعترفتي إنك بتحبيني؟ زمرد بكسوف: لا طبعًا، أنا مقولتش كده. مازن بابتسامة: عشان كده ماسكة فيا كأني طفل؟ زمرد بدموع مكتوبة: أنا عايزة أقولك حاجة. مازن: نعم؟