رواية اوقعتني في عشقها الفصل السابع والأربعون 47 - بقلم فاتن جمال

مازن بعصبية: يعني إيه القطر اتحرك؟ ساهر كان بيكلم مازن، اللي أول ما شاف زمرد مع واحد في محطة القطر ومكتوب على اللوحة "رصيف سوهاج". ساهر: زي ما سمعت يا مازن، القطر اتحرك ومفيش غير حل واحد. مازن بتفكير: أروح سوهاج. ساهر: مفيش غير كده. مازن: مش عايز حد يعرف حاجة، حتى يوسف. ساهر باستغراب، بس رد عشان يطمّنه: حاضر، بس خد بالك من نفسك كويس. مازن بحزن: معتش ليها لازمة نفسي بعد اللي حصل.

ساهر بحزن على صاحبه: متعملش حاجة تندم عليها بعدين يا مازن. مازن بعصبية مكتومة: متقلقش، مش هودي نفسي في داهية عشان كلبة زي دي. ساهر بصدمة: تقصد زمرد؟ مازن: بعدين يا ساهر، سلام دلوقتي. مازن كان بيسوق العربية وكأنه بيسابق الزمن. في لحظة افتكر كلام حبيبته. زمرد: أنا بحبك أوي، حياتي من غيرك ملهاش لازمة يا مازن. مازن فاق مرة واحدة على صوت العربية اللي خبطت فيه. زمرد قامت مرة واحدة بصوت عالي: مااااازن!

مايا بابتسامة: حمد الله على سلامتك يا عروسة. زمرد بقلق: أنا فين؟ وانتي مين؟ ولسه هتكمل كلامها افتكرت الصورة. زمرد: انتي مايا؟ مايا بخبث: حبيبة مازن. زمرد بدموع: وعايزة إيه مني؟ مايا بخبث: مازن يقتلك. زمرد بصدمة: تقصد إيه؟ سهى بابتسامة: قصدها إن مازن يقتلك عشان انتي خاينة. زمرد: مازن عمره ما يصدق اللي بتقوليه. سهى بابتسامة: لا، ما إحنا هنخليه يصدق، متخافيش. مايا مسكت الفون. مايا: الو.

مجهول: مازن عمل حادثة وهو دلوقتي في العناية. مايا بصدمة: انت بتقول إيه؟ مازن؟ زمرد بدموع وخوف: مازن ماله؟ ردي عليا. سهى: في إيه يا مايا؟ مايا: مازن عمل حادثة وهو دلوقتي في العناية. زمرد بدموع قامت مرة واحدة: حرم عليكم، سيبوني أروح أشوفه. مايا بغل: انتي فاكرة دخول الحمام زي خروجه. وكملت لواحد من الرجالة: خدها احبسها لحد مازن ما يفوق. مازن كان في العناية. يوسف بخوف: عامل إيه يا دكتور؟

الدكتور: هو دلوقتي في غيبوبة، ادعوا له. ساهر بزعل: أنا السبب، لو ما كنتش قلت له إنها سافرت سوهاج، ما كان راح وراها. ياسين بزعل: ساهر، انت مالكش ذنب في حاجة، هو كان هيروح. بعد وقت، كان يوسف وساهر وياسين نايمين في غرفة جانب مازن. سهى: الو يا مايا، انتي فين؟ مايا: أنا في المستشفى، عايزة أطمن على مازن. سهى: انتي هبلة، افرض حد شافك. مايا: متخافيش، محدش هياخد باله. سهى بغل: طيب، سلام. مايا دخلت لـ مازن وفضلت تتكلم معاه.

بعد 15 يوم. مازن بتعب: ساهر، معرفتش حاجة عنها؟ ساهر بزعل: للأسف لا. ياسين بصدمة: مازن، انت بجد ناوي تتجوز مايا؟ يوسف بعصبية: أكيد لا. مازن بهدوء: أنا حبيت مايا بقالها 15 يوم واقفة جنبي، وكمان قالت إنها كانت بتقول موضوع الحمل عشان بتحبني، على الأقل آخد واحدة بتحبني. مايا كانت حاطة سماعات بلوتوث في المكان وسمعة كل حاجة. مازن كمل وهو بيقول: بس لازم ألاقي زمرد وأقتلها، مش مازن السويسري اللي واحدة ست تضحك عليه.

يوسف بعصبية: انت بجد مصدق اللي بتقوله؟ مازن: مصدقش ليه؟ وأنا شايف بعيني. وبعدين، قرار جوازي خلاص أنا خدت فيه القرار، أنا ومايا هنتجوز والنهارده. ياسين وساهر بصدمة: بس يا مازن. مازن مقاطعًا: من غير بس، الفرح النهاردة. ياسين ويوسف وساهر سابوا مازن وخرجوا.