رواية اوقعتني في عشقها الفصل السادس عشر 16 - بقلم فاتن جمال

مازن بابتسامه: شكرا. حمدان: جولي يا بتي، اسم الدكتورة إيه؟ زمرد بتوتر: اسمها اسمها صفا. مازن قرب من زمرد وقال: مين صفا دي؟ زمرد بصوت هادئ: دي زميلتي. عرفان: طب هاتي رقمها. زمرد: أنا هكلمها وهي هتيجي أكيد. مازن: طيب، بعد إذنكم هاخد زمرد ترتاح شوية. عرفان بخبث: اتفضلوا. حمدان: اتفضل يا ابني. زمرد بصوت هادئ: أنا مستحيل أقعد من غيرك. مازن بابتسامه: خايفة عليا؟ زمرد بدموع: حياتي ملهاش معنى من غيرك.

مازن: طب ممكن نتكلم فوق؟ مازن وزمرد طلعوا على السلم. عرفان بعصبية: كيف يا أبوي تخلي حد غريب عندنا؟ حمدان: خليك في شغلك يا ولدي. عرفان بخبث: يا بوي أنا خايف عليك. حمدان بعصبية: أنا عارف يا عرفان أنا بعمل إيه. عرفان سكت وبدأ يجهز نهاية أبوه. زمرد بعصبية: ممكن أعرف بق هنعمل إيه؟

مازن: ولا حاجة، انتي هتكلمي صحبتك تيجي تقعد معاكي وقولي ليها إنها تقول إنك حامل، ولما نرجع مصر هتقولي ليها كل حاجة، بس خدي بالك وإنتي بتكلميها، إحنا هنا في عش التعابين. زمرد بقلق: مازن أنا خايفة. مازن بابتسامه وقرب مسك وجهها بين إيديه وقال: طول ما أنا معاكي مش عايزك تخافي. زمرد: انت هتمشي الفجر. مازن: متخافيش، هرجع ليكي. وكمل بمشاكسة: علشان نخلي الحمل حقيقة. زمرد بكسوف: انت قليل الأدب. مازن بابتسامه: طب مانا عارف.

في الجبل. يوسف: كدا الرجالة جاهزة. ساهر: مازن قدامه ساعتين ويكون هنا. خالد: يوسف باشا، أنا عايز آخد إجازة. ساهر بصدمة: نعم؟ يوسف: لي يا أستاذ خالد؟ خالد: أنا عايز أتجوَّز، مش عايز أموت دلوقتي. ساهر: خالد قدامك دقيقة، لو مسكتش هفرغ الرصاص في دماغك. يوسف بضحكة: يا عم ساهر، سيبه يقول اللي في نفسه قبل مازن ما يجي يقتله بإيده.

خالد بسرعة: لا لا لا، خلاص مش عايز إجازة ولا حاجة، دا أنا حتى جاهز للمأمورية، وبعدين جواز إيه وكلام فاضي. ساهر: أيوه كدا. ساهر: يوسف، أنا خايف على مازن. يوسف: مازن عارف هو بيعمل إيه، هو آه متهور، بس في الشغل إنت عارفه. ساهر: ربنا يستر. مازن بتنهيدة: يعني هتفضلي قاعدة ساكتة؟ زمرد بزعل ودموع تفر من عينيها: مش هقدر أقعد هنا وإنت بعيد عني، لا وكمان عايزني أضحك وأهزر عادي مع الموجودين. وكملت

بصوت كله عصبية وصوت عالي: إنت إيه حجر مش حاسس إني بموت بمجرد ما بفكر إن ممكن يجرى لك حاجة؟ مازن قرب منها ومسك إيديها وهي واقفة مش عارفة إزاي اتكلمت كدا وإزاي قدرت تعلي صوتها. مازن بابتسامه: طب ممكن تهدي شوية وتيجي نقعد في البلكونة شوية. زمرد باستسلام مشيت معاه. مازن: أولاً مقدرش أموت وأسيبك. زمرد بسرعة: بعد الشر عنك. مازن مسك كف إيديها وطبع بوسة عليه. مازن بابتسامه: والنبي دا كف دكتورة، إزاي دا كف بنوتة صغيرة؟

زمرد بعصبية طفولية: بق كدا أنا صغيرة؟ مازن بحب: انتي أجمل فراشة صغيرة دخلت حياتي. زمرد بكسوف: كدا هتغر في نفسي. مازن بابتسامه: انتي تعملي اللي إنتي عايزاه. حست بكسوف كسر كل حواجزها. مازن: تعرفي إني كنت بحب أكتب شعر. زمرد بابتسامه: عرفت بالصدفة. مازن: إزاي؟