رواية اوقعتني في عشقها الفصل التاسع والأربعون 49 - بقلم فاتن جمال

في الليل عند مازن. مايا بدلع: مبروك يا حبيبي. مازن بابتسامة: مبروك يا حبيبتي. مايا بدلع: طب ياله بينا. مازن: معلش أنا لازم أروح المديرية. مايا بعصبية: بس النهاردة فرحي. مازن بابتسامة: ألاقي زمرد وأقتلها وأكون ليكي. مايا بخبث: ماشي يا روحي براحتك أنا هستناك. زمرد بدموع فضلت تجري لحد ما لقت نفسها تعبت فجأة وفقدت الوعي. سعيد: مين دي يا حاجة فايزة. فايزة: خير يا سعيد. سعيد: تعالي بسرعة فيه بنت أغمي عليها.

فايزة بخوف: يالهوي مين دي. زمرد كانت فاقدة الوعي تمام ومكنتش حاسة بحاجة. بعد وقت. فايزة براحة: حمد الله على سلامتك يا بنتي. زمرد بخوف: أنا فين. فايزة: أنتي في بيتي يا بنتي الواد سعيد لاقاكي مغمى عليكي نادى عليا. زمرد: أنا لازم أمشي. فايزة: تمشي إزاي الدكتور قال إنك تعبانة ولازم ترتاحي. زمرد بدموع: مش هينفع أفضل هنا. فايزة: اسمعي يا بنتي أنا معرفش أنتي مين ولا خايفة من إيه بس أنتي هنا في أمان. زمرد: أنا خايفة.

فايزة قربت من زمرد خدتها في حضنها: متخافيش يا بنتي أنتي هنا في أمان. زمرد اطمنت شوية وفضلت تتكلم مع فايزة بكل راحة. فايزة بزعل: منهم الله أولاد الحرام بس متخافيش ليكي رب كبير. زمرد برجاء: يارب. فايزة: هقوم أعملك لقمة تاكليها. زمرد بابتسامة باهتة: شكراً. سعيد: عاملة إيه يا حاجة فايزة. فايزة بابتسامة: كويسة يا ابني. سعيد: طيب يا خالتي أنا نازل الورشة. فايزة: ماشي يا ابني.

عدى على أبطالنا شهرين كانوا بالنسبة لمازن أصعب شهرين طول الوقت في شغله وياسين ويوسف وساهر كانوا بعاد عن مازن. يوسف بعصبية: يعني اتجوزها. ساهر: اتجوزها من شهرين من آخر مرة كنا مع بعض. يوسف بعصبية: غبي مش عارف إزاي صدق إن زمرد تعمل كدا. ساهر: بقاله شهرين بيدور عليها. عند ياسين. ياسين بضحكة: القمر بتاعي ماله. كانت رحمة قاعدة قدام التليفزيون بتعيط. رحمة بدموع: البطلة ماتت. ياسين بضحكة: وأنتي بتعيطي عليها.

رحمة بزعل طفولي: صعبانة عليا. ياسين بحب: طب أنا مصعبتش عليكي ليه عايز أتجوّز. رحمة بابتسامة: حدد مع بابا. ياسين بفرحة: بجد طب فين عمي فين اللواء هاشم. رحمة بابتسامة: اصبر يا ابني هو في الشغل لسه مجاش. ياسين قعد جنبها. رحمة بتذكر: ياسين كان فيه حاجة من فترة طويلة حصلت نسيت أقولك عليها. ياسين بانتباه: خير يا حبيبتي. رحمة بدأت تقول لياسين على مشهد زمرد والفيلا. ياسين: طب أوصفي البنت. رحمة فضلت تتذكر ملامح وشها.

رحمة: مش فاكرة يا ياسين. ياسين طلع تليفونه وجاب صورة زمرد هي ومازن. ياسين بصدمة: أنتي متأكدة يا رحمة إنها زمرد. رحمة بتأكيد: آه والله هي. ياسين بصدمة: هي أنا لازم أكلم مازن. صفا بابتسامة: شكراً يا دكتور. يوسف كان بيرن عليها: الو يا حبيبتي. صفا: الحمد لله يا حبيبي. يوسف: استلمتي الشغل. صفا بابتسامة: آه يا روحي وهبدأ النهاردة في المستشفى. يوسف: طب أسيبك تشتغلي. صفا بحب: ماشي يا روحي باي. بدأت صفا تشتغل في المستشفى.

صفا: لو سمحتي دخلي أول مريضة. فايزة دخلت ومعاها زمرد. صفا بصدمة: زمرد. زمرد بخوف جريت من المستشفى من غير أي كلام. صفا رنت على يوسف: يوسف أنا عرفت مكان زمرد. يوسف بسرعة: بجد طب هي فين. صفا بدأت تحكي ليوسف اللي حصل. يوسف: طيب أنا جايلك حالا. رحمة بحزن: معلش يا بابا هي إلا مقدرتش كل اللي عملته عشانها وفاكرة إنك السبب في موت أبوها.

هاشم بحزن ودموع: والله يا بنتي ما كان قصدي يموت كنا في عملية والهجوم كان عليه هو ومراته ومايا وأختها اللي ماتت. رحمة بحزن: خلاص يا بابا انسى وهي خلاص اتجوزت ونسيت كل حاجة حلوة عملتها معاها. هاشم بحزن: ربنا يهديها يا بنتي المهم ياسين عايز الفرح آخر الشهر قولت إيه. رحمة بكسوف: اللي تشوفه يا بابا. هاشم: على خيرت الله. نادر كان حاطط سماعات يسمع كلامهم. نادر بشر: هقتله يا رحمة. ياسين: مازن أنت لازم تعرف حاجة مهمة.

مازن: لما أشوفك مبحبش كلام التليفون ويلا سلام. بعد وقت كان مازن مع يوسف في فيلا مايا. مازن: خير يا يوسف. يوسف: مازن أنا لقيت مكان زمرد. مازن بصدمة: فين وإزاي. مايا كانت قاعدة في أوضتها بعد مازن ما حذرها من النزول تحت. يوسف بدأ يحكي اللي حصل وقاله على مكانها. يوسف: هاجي معاك. مازن بعصبية: مش عايز حد يجي معايا. مازن ساب يوسف وطلع يلبس. مايا بدلع: هتروح فين يا حبيبي. مازن بابتسامة: ورايا كام حاجة يا روحي وراجع.

مايا استنت مازن نزل ورنت لنادر. مايا: جثة سهى لازم تختفي تماماً. نادر بعصبية: طيب سلام دلوقتي. عند زمرد. كانت بتجري لحد ما لقت مكان مهجور فضلت قاعدة فيه الليل دخل عليها. فضلت قاعدة ضامة نفسها والدموع في عينيها. زمرد حست إن مازن قريب منها نسيت إنه ممكن يقتلها. لحد ما لقت مازن قدامها. زمرد بدموع وخوف: مازن أنا أنا والله. مازن بحب: أنتي إيه. زمرد بخوف وصوت مهزوز: مازن والله ما خنتك أنا والله ما حبيت غيرك صدقني. مازن بشر

قرب المسدس من زمرد بدموع: مازن والنبي لأ. مازن: الكلام خلاص يا زمرد خلص. زمرد قربت من مازن برغم خوفها. مازن بعصبية: افضلي بعيدة عني. زمرد بدموع فضلت تقرب منه. مازن: قولتلك ابعدي. زمرد حضنته بدون كلام. مازن قرب منها وبصوت هادي: حبيبتي خليكي بعيدة عني أنا عارف إنك مظلومة. زمرد بابتسامة وفرحها: تعرف إني كنت خايفة تصدق. مازن بابتسامة: خليكي ماسكة فيا ومتخافيش. لسه زمرد هتتكلم سمعت صوت طلقة جت في اللمبة اللي كانت شغالة.

زمرد بخوف: عملت كدا ليه. مازن بابتسامة: عشان أعرف أحضن حبيبتي اللي وحشتني أوي. زمرد بدموع: وحشتني أوي. مازن كان لسه بيقرب منها أكتر. زمرد بكسوف: مش هينفع. مازن بخبث: حرام عليكي شهرين بعيدة عني. زمرد بابتسامة ممزوجة بالكسوف: أولاً المكان ثانياً الدكتورة قالت ممنوع. مازن باستغراب: إيه معنا يعني. زمرد بكسوف: أنا حامل. مازن بخوف وفرحها: بجد. زمرد فضلت في حضنه وهزت راسها بمعنى أيوه. مازن بجد: طب عايز نتكلم جد ممكن.

زمرد بدأت تسمع ووووو.