رواية أوقعتني في حبها الفصل الخامس عشر 15 - بقلم آية هاني

روز انتي يا زفته يا اللي اسمك روز. روز جت جري من المطبخ وراحت لآدم. "أيوة يا آد.. يا بيه." "مش سامعاني وأنا عمال أنده، إيه مبتسمعيش؟ "آسفة يا بيه." بدأت عيونها تدمع وهي بتحاول تمنع دموعها إنها متنزلش، بس مش قادرة. كان عايز يحضنها ويقولها حقك عليا، بس افتكر وهي كانت نايمة جمب آسر. "ادخلي اعملي غداء وبسرعة يلا، وطلعي تروقي أوضتي." "حاضر." وجريت بسرعة ع المطبخ. آسر خرج وراح مكان يقعد فيه شوية، وراح عند البحر.

لقى بنت بتعيط وصعبت عليه، راح قعد جمبها. "هو فيه قمر بيعيط؟ "أفندم؟ "بتعيطي ليه؟ "هو حضرتك تعرفني علشان تسألني؟ "لأ، مش لازم أكون أعرفك، بسألك عادي، لو مش حابة تحكي خلاص." كارما بتسرع: "لأ، ها، أحكي." "أنا اسمي كارما، فانية كلية طب، بصرف على نفسي وبابا، وبدأت تعيط."

"مش بيشتغل، وبعد ما ماما ماتت اتجوز واحدة تانية، أنا اللي بصرف على البيت، بشتغل ف مطعم الصبح وبالليل ف كباريه، ولو رجعت ف يوم ومديتلهوش فلوس بيضربني وبيخليني أنام من غير ما آكل." "والفلوس أنا محتاجاها للكتب بتوع كلية الطب، وبقالى شهر بحوش ف الفلوس علشان مصاريف الكلية." "جت مرات أبويا فضلت تضربني وحرقتني كمان علشان أقولها مكان الفلوس، وفعلاً خدتهم."

"وحالياً اتطردت من البيت لإني، ولأول مرة، زهقت عليهم الاتنين وقولتلهم مش هديكوا فلوس تاني." "راح بابا طردني من البيت وجيت قعدت هنا." "أنا بشكرك لإنك سمعتني، كنت فعلاً محتاجة حد أحكيله." آسر بص ف عيونها اللي كانت كلها دموع والإرهاق باين على وشها. "طب هتعملي إيه؟ "هشوف فندق أقعد فيه يومين على ما ألاقي شقة وأقعد فيها بالإيجار." "طب ولو قولتلك الحل؟ "مشكلتي ملهاش حل." "كل مشكلة ولها حل يا... "كارما." "وأنتِ؟ "آسر."

"كل مشكلة ولها حل يا كارما، قومي معايا." "على فين؟ "اركبي بس." ركبت كارما العربية وراحت معاه. "طب قولي إحنا رايحين فين؟ "انزلي يا كارما." نزلت كارما من العربية ووقفت قدام عمارة جميلة جداً. "وااااو، دي جميلة أوي." "دي تبعنا، أنا آسر مهران، لو سمعتي عن مهران بيه قبل كده هتعرفيني." "لأ والله مسمعتش، بس هو مهران بيه ده يعني رجل أعمال كبير وكده؟ "أيوة بالظبط كده، ودي برج من الأبراج بتاعت مهران بيه، والدي."

"طب برضه مفهمتش هعمل إيه هنا؟ "دا مفتاح الشقة اللي هتسكنى فيها هنا." "إيه؟ شقة؟ "أيوة." "بس... أنا مش معايا فلوس دلوقتي للإيجار حتى." "كارما، تقبلي نكون صحاب؟ "معنديش مشكلة يا آسر، بس ليه تعمل معايا كده؟ "طبعي إني بساعد أي حد محتاج المساعدة، يا كارما، وخصوصاً لو قمر زيك كده." كارما اتكسفت. "طب يعني أنا مش عارفة أشكرك إزاي والله، وأوعدك إني بكرة هديك فلوس الإيجار بتاعت الشقة."

"فلوس إيجار إيه يا كارما، تعالي يلا هطلعك وبكرة نتكلم." "طيب." وطلعوا الشقة. "اتفضلي، همشي أنا بقى، وبكرة نتقابل، ودا رقمي." "شكراً جدا يا آسر." "العفو يا كارما." مشي آسر ورجع بعد ساعتين. "افتحي يا كارما." "آسر." "أيوة." كارما فتحت الباب وبعدها دخل آسر، بس كان معاه أكياس كتير. "إيه دا كله يا آسر؟ "شوية لبس كدا وأكل وحاجات تحطيها عندك ف التلاجة." "ومين قالك إني هاخد الحاجات دي كلها؟ أنا مش معايا أدفع ده كله."

"أنا ماشي والحاجات عندك أهي، وبكرة نتحاسب." ومشي آسر ومدهاش فرصة تتكلم. رجع آسر ع القصر وكان داخل المطبخ بس سمع دادة عايدة وهي بتقول.